غرام علي قضية

البارت الخامس عشر

امتلك صديق باستطاعتي أن اُراهن الجميع عليه و أنا بثقة تامة أنني لن أخسره
ولن يخذلني يوما"

#الكاتبة:مريم محمد

💖❄💖❄💖❄💖❄💖❄💖❄💖❄💖❄💖❄💖❄💖❄💖❄💖❄💖❄💖

علي:اكيد هسه كلكم تكولون تصرفي خطأ وما جان لازم اصيح عليها هيج بس كل رجل خلي يخلي نفسه مكاني زوجتي تلبس ضيك وهي بيضه وجسمها بارز من ملابسها منو يقبل؟

عصبت عليها بس ما جان لازم اصيح عليها بس انا سويت هيج حتى تصيرلها جرة اذن وما تلبس هيج بعد ولما اجت اعتذرت ما اعرف ليش حاجيتها بنتر بس جنت بعدني ضايج من تصرفها وياي كلت بالليل اصالحها بس شفتها ما تحاجيني وتحضر اغراضي بدون ما تباوع بوجهي وولا تحاجيني و من اذن صلت جوه مو يمي ومن تعشينه ما كعدت يمي كعدت مقابيلي وما تباوعلي وبس تحجي وي مريم جنها تريد تبدي حرب!؟

بعدين طلعت على اساس اجيب زهراء بس رحت لشلة اصدقائي جانت الساعه ب8 ونص تلكوني تحشيش

محمد(صديق علي):ها ولك صاير ما تجي الظاهر لازمتك الحكومه

احمد(صديق علي):ولك بعد نص ساعه وتصير ب9 اكعدلك نص ساعه يمنا وارجع ب9 لا تكتلك الحكومه

علي:بله متوخرون من وجهي انا اشرد من البيت تجون فوكاي انتم والدنيا

احمد:ها ولك جنك ضايج شبيك بعدك شهر ما كملت

محمد:تلكاه متعارك وي الحكومه ومسوينله حظر تجوال

احمد:لا الظاهر الحكومه مهجرته ههههه

علي:تسكتون لو اعوفكم واروح

احمد:يلا سكتنا احجي شبيك

علي:اليوم طلعنا لأهلها معزومين ولبست لبس ضيك كلتلها تبدله عاندت لحد ما زمخت بيها

محمد:احسن حتى تتعلم على طبعك لان اذا خليتها تطلع ب لبس ضيك تتعود بس كون بهدوء مو زمخ وصياح

علي:مو هنا السالفه بعدين بدلت ورحنا لاهلها طول الوكت محد طايق الثاني

احمد:اي كون من راجعين مصالحها

علي:لا رجعت ضايج منها اجت هي اعتذرت ورجعت زمخت بيها وطردتها من الغرفه

احمد:لا شهالثول شبيك تجي تعتذر حتى تصالحك وانت تطردها

محمد:تصرفك غلط انت اصلا زامخ بيها حتى تبدل ما كلتلها بهدوء وفوكها تعتذرلك وتطردها وين صايره

علي:عود كلت اسويلها جرة اذن بالليل اصالحها

محمد و احمد:اي وشصار؟

علي:گالبه وجهها حظرت الحمام والملابس بلا ما تباوعلي ومن اذن صلت بره غرفتنا وهاي اول مره وبالعشه ما كعدت يمي كعدت گبالي وما تحاجيني