غرام علي قضية

البارت الاول

اكتفي واسأل الله لي ولكم الاجر باذن  الله 🌸 استودعكم الله الذي لا تضيع ودائعه

#الكاتبة:مريم محمد

**********************************************

ايات:طبعا اليوم يوم انتظره من مدة 3 شهور واكثر اليوم اول يوم بالدوام مرحله جديده طبعا انا جدا شاطره بحيث اول متوسط وثاني متوسط اعفاء عام والثالث تعرفون بكلوريا والحمد لله معدلي زين 91
هسه مرحله جديده نحس انو كبرنا طبعا انا وره شهر من العطله بديت ادرس للرابع احب الدراسه اليوم اول يوم كعدت من ال 6 الصبح نزلت سبحت ونشاط مو طبيعي عندي واغني وفرحانه رحت لبست ملابس الدوام

ولبست حجابي طبعا انا محجبه من الرابع ابتدائي لان احنا المحافظات الجنوبيه ماكو شي اسمه سافره بدون حجاب اهم شي الستر
ونزلت لكيت ماما حبيبتي تسوي بالريوك

ايات:صباح العسل عالناس العسل
نور(امها):صباح النور والسرور حبيبتي شعدج كاعده بعد وكت
ايات:على اساس متعرفيني منتظره هاليوم على احر من الجمر واحظرله من شهرين
نور:الله يديم هالنشاط يا رب بس كون تنطين شوي لاختج طيحت حظي
ايات:افا هسه اكوم اطيحلج حظها اكومها مخروعه
نور:ولج يمه توبي لتسوين بالبنيه سكته قلبيه من وره خبالج
ايات بزعل مصطنع:ماما انا مخبله
نور:بلا دلع روحي كعدي اختج وتعالن تريكن كمل الريوك
ايات:حاظر
رحت لغرفة امنه ظلمه وبارده تسوي واهس للنوم كلت خليني اصير مؤدبه رحتلها امنه امونه حبيبتي اكعدي يله ب 6:30 كومي بدلي وتريكي لا نتأخر من اول يوم

امنه:لا رد

ايات:امنه تكومين لو اكومج بطريقتي

امنه:لا رد

ايات:رحت جبت مي رشيت عليها قليل تفز وترد تنام

عاد انا خلصت طاقتي رحت جبت خاشوگه وماعون من المطبخ ورحت سويت عرس يمها

ايات:خاله يم علي يم علي خاله كلللللوش ولج امينه اكعدي اكعدي البيت احترك يبووو الحكولنه احتركنا

امنه فزت مفزوعه:شنو شكو اسم الله منو مات منو احترك شبيج تخبلتي

ايات وهي تتصنع البراءه:شبيج تتحلمين حبيبتي كعدتج على كيف يله كومي ورانه دوام

امنه:والماعون والخاشوگه البيدج شتسوين بيهن

ايات:ها لا مو جنت احظر الريوك وي ماما يله كومي وشردت

كامت امنه بدلت وطلعت لكت الكل كاعدين يتريكون لان بده الدوام بس بالنسبه للجد والجده هذول ذبة قبل فيكعدون من وكت

امنه:صوباح الخير

الكل:صباح النور

منتهى(الجده):ولج شوكت تتعلمين تسلمين مثل الاوادم كولي صباح الخير لتتماوعين

حسن(الاب):صباح النور تعاي بنيتي تريگي وراج دوام لتتأخرين

امنه:حاظر بابا

كملوا ريوكهم وراح الوالد لشغله بينما

حيدر وصل اخواته لمدرستهن لانو الاعداديه والمتوسطه سوه ف امنه وايات سوه وراح لجامعته
*******************************
علي:اليوم كالعاده كعدت الصبح الساعه 6 بس اليوم دوام وتعال وصل مريم القنقينه للمدرسه انوب شيكعدها دخلت سبحت وطلعت لبست

ولبست ساعتي ومحابسي مشطت شعري نزلت لكيت الكل يتريكون
علي:صباح الخير
الكل:صباح النور

علي:شعجب ولج كاعده من وكت (وهو يحاجي اخته مريم)

مريم:غير وراي دوام وهسه ب 7 ستوني كعدت

علي:كملي بسرعه وبدلي حتى اوصلج

مريم:اي والله عفيه بعدني ما مدبره خط وما بيه حيل امشي وهم خل اتباها بيك يم البنات يظلن يتقربنلي على ابو اخوي صاك ومهندس وهالله هالله

علي:هذا الفالحه بيه انتي

مريم:طبعا

كملوا ريوكهم وراح كلمن لشغله علي يوصل مريم و مقدام راح لجامعته والاب للشركه
___________________________
ايات:وصلنا حيدر للمدرسه دخلنا انا وامنه كلمن راحت تدور صفها وره شوي كل وحده استقرت بمكانها طلعت انا اتمشه شفت صديقتي مريم هذي صديقتي من الطفوله جنت عاقله ومؤدبه هي خبلتني بس وياها شاب سبحان الله شايل حسن وجمال بحيث الطالبات كلهن صفنن عليه وانا اولهن😂

مريم وهي تصرخ:توتايه هلااااو وركضت تشبكها

ايات:شلونج صخله

مريم:مشتاقتلج حماره انا زينه انتي شلونج

ايات:الحمد لله

صديت على الشاب الي وي مريم شفته يباوعلي رأسا نزلت راسي انا بهيج مواقف كلش خجوله راحت مريم حجت وياه

مريم:ها علاوي شكو واكف مستمتع بنظرات البنات ها😉

علي:ها ووجع غير اطمأن دخلتي يلا باي

مريم:اوك باي تعال من وكت ب 12 لان اول يوم وماكو شي بس تسخت مو تشتلني بالحر اصيرلكم دولمه معطبه

علي:ضحك وراح كال يأمر الحلو يلا باي
______________________________________________
علي:........
**********************************************
نهاية البارت الاول ان شاء الله باجر انزل البارت الثاني لا تنسوا الفوت والتعليق حتى اسمتر وشكرا💖

#الكاتبة:مريم محمد