غرام علي قضية

البارت الثامن عشر

صرت اشتاگلك حتى بـ صلات الليل
من اسجـد اگـول ايحرسـك الله ..🥺💘

#الكاتبة:مريم محمد

💖❄💖❄💖❄💖❄💖❄💖❄💖❄💖❄💖❄💖❄💖❄💖❄💖❄💖❄💖

ايات: مر يومي هذا عادي مثل كل الايام مليء بالسعادة بس علي ما خله مكان بجسمي ما عضه يكول هذا عقابج تحمليه ههههه بس السعادة ما دامتلي واجه اليوم المشؤوم

باليوم الثاني كعدت كالعادة حظرت الحمام والملابس والريوك وكعدت علي وتريكوا علي ومقدام وعمي وطلع الكل بس انا ما رجعت فوك ظليت جوه شوي وصعدت من صعدت بعدني على اعلى درجه شفت زهراء طالعه من غرفتي

اعتقد توقعت شسوت بس هالمره ما راح اوكفها هالمره راح اغلس وطلعتها من هالبيت وطلاكها على ايدي انا الها دخلت للغرفه بالكوة لان اكو شي يقمتني من ادخل هالشي ثبتلي شكوكي بس انا قوية دخلت للغرفه شفت كل ملابسنا

استفقدت فانيله لعلي وقطعه من ملابسي الداخليه ماكو دورت على السرير و بوجوه المخدات لكيت بمخدة علي السحر اي لا تتعجبون بس ما لزمته بس شفته سديت المخده ورحت للحمام ادور بالحمام اكو سطلة مي للاحتياط خاف يخلص المي

ف فتحت السطل لكيت بيه باقي السحر وريحه خاااايسه طلعت ما اعرف شسوي ما عندي احد يفهمني كلت اكول لعمتي لان انا ما اعرف شسوي اعرف اذا خليت طفل يبول على السحر يبطل بس ما عدنا طفل نزلت جوه لكيت عمتي كلتلها

ايات: يمه الحكيلي

ام علي: اسم الله يمه شصاير وليداتج بيهم شي حبيبتي صاير شي

ايات:يمه اول البارحه زهراء مو راحت وي امها لاهلها

ام علي: اي يمه راحت واجت البارحه الظهر وي علي

ايات: اي ماما انا اليوم نزلت اسوي ريوك ومن تريكوا وطلعوا ظليت جوه شوي ومن صعدت لمحت زهراء طالعه من غرفتي انا وعلي دخلت بالغرفه لكيت سحر بوجه المخده وبسطلة المي الي بالحمام

ام علي لطمت على صدرها وشهكت:لهنا وصلت بيها بت نعيمه الجايفه تسوي سحر لابني انا الها اليوم اموتها

ايات: لا ماما انا اريد هذا اخر شر الها بالبيت

ام علي: شنو قصدج

ايات: ماما نخلي السحر اسبوع بالبيت ونشوف تصرفات علي اكيد راح يأثر بينا اثنينا وخل اهل البيت يحسون بالتغير وبعدين نكول عالسحر ونروحلنا لوحده تفكه وتخربه النا

ام علي: ليش نخليه اسبوع ولج يمه يأثر حتى بصحتكم

ايات: ماما انا اريد علي يطلك زهراء ما اريدها تبقه بالبيت والله لو خوش انسانه ما افتح حلگي بس وصلت انو تسوي سحر لا جا هاي لو تدري حامل شتسوي

ام علي: يومين وانا اروح لوحدة تفتح السحر ولا تعترضين تره هسه اروح اطلعه

ايات:حاضر بالي تأمرين بيه