غرام علي قضية

البارت الثامن

سُبحانْ الذِيْ إذَا ذَگرتَهْ ذَگرگ

وإنْ شَگرتَهُ زاَدگْ

وإنْ تَوگّلتْ عَليهْ كَفاكْ

#الكاتبة:مريم محمد

***************************************************

ايات:مر يومين واجو اهل علي يخطبوني رسمي
رحت للصالون حطتلي مكياج نازك يجنن وتسريحه عاليه ولبست فستان حلو ونازك

رحت للبيت جان متروس ناس شفت ام علي ومريم فرحانات وانا گلبي يدك الف مره

ونزلت جوه صاحولي كالوا الشيخ يريد يسمع موافقتج رحت وانا بعالم ثاني ما سمعت شكال الشيخ لحد ما امي ندهتني كالت

ام ايات:توته ماما وين صافنه الشيخ يسألج موافقه تتزوجين علي احجي

ايات:جاوبت وانا مرتبكه نعم وانت وكيلي

ام علي ومريم والنسوان:كلللللللللللللللللللللوش

وبغير مكان جانت العقربه مالتنا تخطط تخرب هالزواج يا ترى راح تكدر شتكولون!؟
_______________________________________
علي:مر يوم من طلبتها من والدها ووافق وكالوا هي وافقت انا الفرحه ما واسعتني
كلتلهم باجر الخطبه والحفله ورحت اخذت عمامي واولهم ابو زهراء وشيخ عشيرتنا
بعد السلام والكلام ربع ساعه وكالوا خل الشيخ يعقدلهم ظل الشيخ يحجي وسأل ايات اذا موافقه ظلت شوي ساكته وراها ردت متلبكه موافقه

سمعت صوتها الي صارلي 6 سنوات واكثر ما سامعه گلبي گام يدك حيل كالوا خل يدخل يشوف عروسته

رحت سلمت على امها وجدتها ودخلوني غرفه بيها بس ايات اول ما شفتها العبره خنكتني وعيوني دمعن معقوله بت گلبي وغزالتي صارت حلالي جانت مرتبكه ومتوتره انا فتحتلها ايدي هي شافتني اجت تركض حضنتني وانا بدي اضمها بين ضلوعي بدي ادخلها بيه ونصير بجسد واحد انا دمعت وهي تبجي بعدين وخرتها مني وكلتلها

علي:واخيرا ولج صرتي مالتي وحلالي ومحد اله دخل بيه ما اشتاقيتيلي؟

ايات:رفعت راسها وهي مدمعه وباوعت لعيونه

ايات:شلون ما اشتاقيتلك انت بگلبي وبروحي ما نسيتك من تزوجت حسبالي تنسالي وتلتهي بمرتك ويصير عندك جهال