-بنتي انتي كبرتي وعيب ترحين للمدرسه للذك راح نزوجج...واحنه ما دايمين الج بالدنيا لازم نأمن عليج يم اي واحد حتى لو كان موزين. اهم شيء تعيشن يمه.
يخطبج هالذكر الي هو بكد ابوج..وترحين لبيته.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تتوقعين راح تعيشين مثل الباقين بس لا!! حياتج جحيم تصير...من كل النواحي...
خلي نبدي خطوه خطوه مثل ما اعتداينا. شنو هو زواج القاصرات.
زواج القاصرات:' هو زواج يصير للبنت الي يكون عمرها تحت ال 18 سنه اي تكون غير واعيه تكون غير فاهمه بشكل كامل وقراراتها غير متزنه... خلال هذا العمر تكون مرحله انتقاليه من الصغر الى الكبر...بهاي المرحله بعدج محتاره شنو هي الملابس الاحلى للعبه مال باربي مالتج.
~~~~~~~~~~~~~~~ أسبابه:' 1-الحاله الماديه.:وهي من اكثر العوامل الي تأثر بالزواج اذا كانت العائله فقيره ويجي الها شخص غني يريد يطلب ايد بنته حتى لو كان عمره 70 سنه ..يوافقون بأختصار ((يبيعون بنتهم)).
2-المهر:' اكو قانون يكول ((كلما كان العمر اصغر كلما زاد المهر)) فالناس والاهل يمشون على هذا النمط والله شنو خلي ازوجها وهي طفله حتى احصل فلوس ..تعرفون ماكو فرق بينه وبين بيوت الدعاره بس الفرق ذاك يبيع بنات غريبات هذا يبيع لحمه !.
3-العادات والتقاليد:".. الناس اخذوها من زمااان انه عادي البنت تتزوج واحد بعمر ابوها...حتى يربيها على ايده...هو اساسا ما مربي نفسه وكاضيها واكف بالركونه يتحارش بالبنات...يجي يريد يربي بنت صغيره ...واحنه كبلد بالعراق يحكمه العادات والتقاليد هالشيء كللللش طبيعي ما عسى عمرها 7 سنوات وتتزوج..عادي هي بنت مصيرها بيت زوجه شتسوي بالدراسه...مكانها بس تخلف وتصير جسد لافراغ الشهوه وبالمطبخ حتى تسوي ((زقنبوت)).
4-العنوسه:'.. كلام الاب والام...عن الجمله الشهيره.((لازم تتزوجين لا يفوتج القطار)). فيخافون من كلام الناس انه والله بنتنه لا تعنس شيكولون الناس علينه لازم نزوجها بس ما يكولون شيكول الله علينه من نزوج بنت عمرها 12 سنه!!
