هاذي القصه وصلتني قبل كم يوم من وحده من اقاربي..بمنطقه ببغداد هي مو كلش معروفه ...بس الناس بيها منفتحه وحره.. وصراحه ما توقعت يصير بيها هيج..
البنت هاذي بنت عائله معروفه ... وطالبه مدرسيه بالاعداديه ...بيوم من الايام طلعت ويه واحد وركبت وياه السياره ...واحد من اصدقاء والدها شايفها رايح ركض لوالدها وقال اله بنتك شفتها صعدت ويه واحد بالسياره...
ابوها من دون تفاهم ماخذ السكين ورايح وره هذا الرجل الي قال اله عن بنته وصله للمكان الي بي هي صعدت..مكان معزول كان..
فاتح الباب مال سياره الخلفي .. وهنا كانت الصدمه بنته عاريه !!!.
جار بنته وهي عاريه وشامرها من السياره وطاعنها عدة طعنات بجسمها والذكر الي كان وياها ماخذ السياره وهارب !.
البنت انقتلت وماكو احد حاسبه بالعكس ...اعتبروا والدها رجال ...وانغلق الملف !!.
~~~~~~~~~~~~~~~~~~~
قتل البنت والاستهانه بروحها اكبر غلط مهما كان ذنبها !!.
تمام البنت زانيه وزنت وهذا. الشيء محرم !
لو رجعنا للقرآن شنو يقول ؟.
بسم الله الرحمن الرحيم
والزانيه والزاني فأجلدوا كل واحد منهما مئه جلده ولا تأخذنكم بهما رأفه في دين الله ان كنتم تؤمنون بالله واليوم الاخر وليشهد على عذابهما فئه من المؤمنين..
صدق الله العظيم
القرآن واضح بقوله الزانيه والزاني...يعني الاثنين طيب ليش التفرقه؟.
طلع شيخ اللله يحفظه ويستره ويخلي...يقول
ما دام الرب قدم الزانيه على الزاني لازم البنت هي الي تنقتل والولد يعيش !!.
والعجيب الكل صدق !.
هسه ميخالف امشي ويه كلامكم قتل ... هذا رأيكم والرأي لا يفسد للود قضية.
الاسلام قال اربعه شهود يشهدون على الزنا يله وحتى السستاني قالها ..
اربعه شهود يله يحل القتل او غيرها فهذا حرام.. !
غصبا على راس اليرضى والما يرضى..القتل بالدين الاسلامي دون اتباع اوامر الله سبحانه وتعالى..ودون اتباع كلامه... جريمه !
البنت الي نقتلت كانت بعز شبابه و صغيره
ليكون بعلمكم الشخص الي ينقتل ظلم...هذا شهيد ..!
سلام.
#قصه.
أنت تقرأ
أنتقام...امرأة
Contoمجرد كتاب لطرح المواضيع المختلفه عن حقوق المرأه..والمواضيع المختلفه التي تواجهها... هنا بنات حواء من دون قيود او عادات...✌
