أنتقام...امرأة

تدخل الذكور في حياه النساء..

سلام الى كل الرفيقات الاناث النساء نور الحياه أملها جمالها طعمها..الى ((روح الحياه)).

المقال اليوم يتحدث عن ((تدخل العوائل او الخطيب بحياه البنت)).
~~~~~~~~~~~~~~
كلامي موجهه للكل..
اول شيء...شنو هو اسباب التدخل

1-الغيره::..
هذا الشيء منتشر هواي يعني الغيره واجبه وموجوده عند كل ذكر...تجاه زوجته او خطيبته..
بس احيانا يبالغون بشكل مو طبيعي...ابسط مثال.
-حبيبي شنو رأيك بالفستان.
-ضيك انزعي..
-زين هذا..
-لا قصير.
-زين هذا..
-لا هذا مطلعج حلوه.هذا حلو..
-اييع شنو هذا عريض وتصميمه محلو.
-بعد احسن..
-زين ومكياجي..
-تمسحينا..
-ليشش.
-ما. اريد واحد يشوفج بالمكياج..
-بس..
-ولا كلمه والا ما ترحين..
.........
هذا الشيء واقع حال واني شايفته كدامي...انت غار يا خي بس مو لهاي الدرجه ..تخلي البنت تكره حياتها. صدك جذب..الغيره بحدود..وبحب مو غصب وعصبيه.حتى لو تحبها..

2-العناد.::؛.
هاي الحاله موجوده عند الاخوان وقليل عن الازواج..يعني يجي الاخ يشوف اخته لابسه فدشي يجي يعاند اذا ما تنزعينه ما تطلعين الا تغيريه ...
زين انت لو بمكانها راح تقبل هذا الكلام على روحك...تخيل روحك مكانها واحجي لا تتكلم من كيفك...انت مو ولي امرها وهاي حياتها والها الحق بأن تعيشها مثل ماتريد..! سمعت لو لا؟؟.
وانتي الاخت...تره تكدرين ترفضين حاجي ابوج وكولي اله يطيح حضه ااذا حجه ..هاي حياتج انتي انتي الي تعيشيها وانتي الي تتوفين بيها  مو حياته هو..والا راح تندمين بعدين على سنين عمرج الي ضاعت !

....
3-الحقد..:اكو بعض الاخوه والاباء الي ما يخافون ربهم..يأذون بناتهم ويحقدون عليهم ..لذلك يكلبون حياه البنت جحيم..! أي شيء ممنوع عليها واذا حجت لا هاي ما تستحي لازم نربيها جيب الحزام وتعال نهد عليها نموتها كتل واذا ماتت نكول بيها جني..عود واجينه نطلعه 😉..((فهمكم كافي)).

~~~~~~~~~~~
هاي احدى الاسباب الاساسيه.
اما شلون نكدر نمنعهم..شوفي. حبي اهم شيء..هو

أ-الاستقلال/أي الحريه..انه تكونين انتي المتحكمه بحياتج تحكميها برزانه واسلوب حلو...مابيها شيء اذا اخذتي نصيحه من شخص بس مو امر.

ب-التمرد/اذا ما تمردتي ما راح تعيشين حياتج- ااذا كنتِ مظلومه طبعا..بس اذا كنتِ حره على شنو تتمردين.- براحه لانه اساس الحياه هو التمرد وكسر العادات والتقالد تحت حجه...انه انتي بنت وعيب عليج كلمه عيب للأشياء الضروريه مو كل شيء..تره..عيب تحجين بالشارع عيب ترفعين راسج من تمشين عيب تردين على الي يتجاوز عليج عيب تردين على الي يتحارش بيج..عيب عيب عيب..اما الولد لا هذا ملاك عادي ما بيها. شيء على الرغم من انه الجنسين متساويين الا ان المجتمع فرق بينهم فأعرفي اذا كانت اله الحريه انه يطلع ويطب ويضحك الج الحريه هماتين..

ج-الكلام.::احجي وياه بهدوء انه شنو السبب الي يخليك..تسوي هي وتمنعني من اخذ حريتي انت صح ابوي او خطيبي او اخوي بس مو سجاني اني اجيت حتى احتمي بيك وتكون سندي لا سجان يحبسني ويحرمني..وما يحترمني..ويحترم آرائي..

----------------- ---------

بالنهايه حابه اكول الجن هاي حياتجن والحياه قصيره وفانيه استمتعن بكل لحضه من الحياه لا تضيعنها هباء...ابدااا خلي وقت لربج ووقت لنفسج نفسج الها حق عليج...
تذكري دائما ورددي انه..
اني من حقي اعيش.
من حقي ااسافر.
من حقي اطلع.
من حقي اتكلم.
من حقي اطلع وحدي.
من حقي ارد على الي يتحرش
لانه اني حره وباجر اني اتحاسب مو ابوي ولا اخوي ولا خطيبي...اذا كنت مؤمنه..ومحترمه نفسي الي يتجاوز حدوده وياي...العب بي..وما اسكت على حساب كلام الناس وصداقتهم فبالنهايه ماكو اهم من الكرامه والكبرياء..صدكي لا حب ولا صداقه ولا بطيخ انتي اهم.💚

------------------------------------

سلام..
((الرفيقه كوموري)).
#انتقام-امرأه.
#انا-حره.