كان يا ما كان في قديم الزمان...
بنت عشرينيه متزوجه...هاي البنت كان زوجها على عدواه ويه عشيره اخرى.
فطلعت هاي البنت وحدها ...اثناء مشيها بالشارع
حست اكو اشخاص ديتبعوها..
سرعت بمشيها بس للأسف ..مسكوها وخدروها..
اخذوها هذول الشباب الي عندهم عداوه ويه زوجها لأحد مساكنهم...اغتصبوها وما اكتفوا بأغتصابها بل صوروها ونشروا التصوير !.
بعد ما تركوها...ورجعت اعتبروها عار ولازم تنقتل ..فحكموا على الشباب الي اغتصبوها وعلى البنت بالقتل..!
بس الي صار البنت قتلوها والشباب سجنوهم كم شهر واطلقوا سراحهم ...البنت شارك بقتلها اخوانها وعمها ووالدها.. .صعقوها كهربائيا وتوفت وتغطى على جريمه القتل على انها حادث وانغلق الملف. !!
--------------------------------
لو انتبهنا احنا بداخل مجتمعاتنا دائما شرف الاخ بإخته..وشرف الذكر عامة موجود بالاثنى !طيب هل الذكور اساسا نولدوا من دون شرف ..☻
بهاي الحاله احنا الي لازم نستر عليهم.
ليش دائما البنت الي تغتصب تعتبر عار طيب والولد..هذا شنو نعتبره؟.
لعلمكم...هاي البنت ما صارت عار الا من وره عارات اغتصبوها وانتهكوا جسمها بكل وحشيه وقذاره وحيوانيه..!!
ليش البنت هي الي نقتلت ليش مو الذكور؟.
اصلا الحق بالحياه الها مو الهم همه..لانه باجر هماتين راح يكررون فعلتهم والبنات يموتن وهمه حققوا مطلبهم..
الغلط الفادح الي يرتكبوا الناس بمجتمعنا هو انهم يوضعون الشرف بجسد المرأه ويخلون الذكر ملاك...!
وهالشيء واقع حال ومحد يقدر ينكره محد...والكل هسه تعرف وتدري انه بمجتمعنا البنت عله على القلب وماكو من وراها الا المشاكل والمصايب...عدا القله الاقليه الي تنعد على الاصابع.
انتي بنفسج لو رحتي هسه وتكلمتي على انه الذكر مثل الانثى قالو كافره ارجموها .
لذلك يا أعزائي الذكور يا ابناء الرب المخلصين هل تكدرون ان تساوون المرأه بيكم..؟ تقدرون ان تخلون شرفكم يمكم وبجسمكم وشرفنا بجسمنا؟. تقدرون تفصلون العادات عنه احنه وتطبقوها على نفسكم؟
ما تقدرون ؟؟اذا شنو سبب وجودكم انقرضوا وريحونا. !!
سلام.
#قصه.
أنت تقرأ
أنتقام...امرأة
Cerita Pendekمجرد كتاب لطرح المواضيع المختلفه عن حقوق المرأه..والمواضيع المختلفه التي تواجهها... هنا بنات حواء من دون قيود او عادات...✌
