أنتقام...امرأة

قصه..

تمارا -اسم مستعار-
هاي البنت كان عندها حبيب سنين هي وياه ...ثقه وحب وغزل..الخ من هذي الامور..
بيوم طلب منها صور بوضعيات غير اخلاقيه .
البنت هذي مثل ما نسميها بالعراقي ((فطيره)) جابت الصوره ورسلتهن اله بملابس غير محتشمه ورسلته .
اخذ الصور هذا وراح لأصدقائه يواريهم جسد حبيبته ويتفاخر بي ..للصدفه انه كان ابن عم تمارا نفسه صديق لحبيبها شايف الصور ورايح لشيخ العشيره مالتهم ..
شيخ العشيره معصب..ومنادي والد البنت قايل اله تقتل بنتك وتغسل عارها .
الاب رفض قايل الهم بأي تهمه اقتلها والمفروض الي إخذ صورها هم يتحاسب وهاي بنتي من دمي ولحمي شلون اقتلها..عصبوا علي وشيخ العشيره كذلك..
هددوا بأن يكسروا من العشيره ويطردوا منها...
ما خاف من تحذيرهم وقال الهم بنتي فوق كلشي .
طردوا من العشيره والمنطقه مالتهم اخذ عائلته وانتقلوا لغير منطقه وغلقوا الملف السابق. !!

~~~~~~~~~~~~~~~
 
  هذا الاب تنرفع اله القبعه ...واله خاالص التقدير والحب والاحترام.
قليل من الاباء الي عندهم تفاهم ويخافون الرب ويحبون بناتهم.
لو لاحظتوا الاب شلون تنازل عن اصله ومنطقته وناسه واهله علمود بنته وهذا يعلمنا معنى التضحيه الحقيقي والحب..
انتم تعرفون انه الشخص الي ينطرد من العشيره مالته يعتبروا عار..وما عنده اصل..!.
بس هو خلى كل هذا على جنب..وقال مصلحة بنتي ورضا ربي.
هذا التفكير الصحيح الي لازم ينبني علي اساس المجتمع...والي من خلاله راح نكون مجتمع صالح للعيش مجتمع ..نستحق ان يكون للبشر..!
الرب يكثر من امثال هالرجل..هذا .

سلام.
#قصه.