حب و إجرام2 (باللهجة التونسية)

الحلقة 47

الحلقة 47 :
أيلول تحكي :
حليت عينيا .. عديتهم عالبلاصة اللي راني فاها .. موش بيتي جملة !! .. قمت من بلاصتي حليت الباب .. باقية نمشي مزهبلة موش فاهمة شي .. حليت الباب متاع برا .. قابلني البحر من بعيد .. الظاهر دار على الشط .. ياخي شمجيبني انا هوني .. تلفتت على يميني و يساري شي .. نزلت الدروج أذوكا و مشيت اكا الممر اللي بالحطب .. قعدت نغزر للبحر صافي عاللخر .. موش نيويورك هاذي .. شوي كهو و خرج من البحر .. تنطرت وقفت
أيلول؛ يااخي اذاكا امير _!!!  تي شبيه يبان. غرق هاو ميتحركش .. اععع أميييير غررررررق
رحت نجري ليه دخلت فالبحر .. باقية نعوم لين وصلتلوا ...نهز فيه.. قريب غرقتوا ..خرج يفرفط ..
أمير؛ أيلوووول شبيك ؟؟
أيلول؛ ص ص صاار مغرقتش !!!
أمير؛ نغرق!!! هههههههه متقوليليش كي شفتيني عالسطح جا في بالك اللي انا غرقت ههههه ... لا عاد هههه
باقية نخبط فيه بيديا على سدرو....
أيلول؛ هاهاهاهاها ... ياخي هادا عومان !!
أمير؛ يززي اركحححي .. تو تغرقي ههه
أيلول؛ اففف منك أمير اخطاني ...
جيت نخرج عاود جبدني .. لف يدو على وسطي .. غزرتلوا ..
أمير؛ منحبش تخرجي
أيلول؛ علاش
أمير؛ هكا
باقي يرجع فشعري للتالي ..  غزرتلوا ..
أمير؛ أيلول
أيلول؛ اممم
أمير؛ هه شي
ترميت عليه عنقتوا .. حسيت بيه كي تفآجأ من ردة فعلي ..اما غرس راسو في شعري .. الما يهز فينا شوي ... منعرش قداش بقيت اكاكا .. اما حسيت انو نحب نعنقوا و اكهوا. . نحب ننسى كلشي و نبدا من جديد .. كأني توا جيت للدنيا .. جبدت شوي و بستوا على رقبتوا بوسة خفيفة .. حسيت بيه كي تكهرب .. تبسمت من الفازة ... جبدت روحي شوي غزرتلوا .. عدا عينيه على وجهي ..
أيلول؛ أمير مرسي على كلشي .. خاطرني لقيتك في وقت اللي وقفوا اللي حطيتهم في صفي ضدي .. و كنت قريب رغم كل اللي صرا .. قلناها من قبل و نعاودوها توا .. الكره
أمير؛ اللي بيناتنا أقوى من الحب ..
أيلول؛ و احنا الزوز كهو اللي عندنا حق في حياة بعض ..
أمير؛ فرخة .. يزي من هاد الكلام عيشك
أيلول؛ ههه صار متحبش تسمع كلام مزيان ؟
أمير؛ لا أما
أيلول؛ أما ؟
جبدني ليه و باسني بوسة مرصوصة .. دوب حبس .. ترهوجت من أصلوا .. جيست خذيت نفس .. جيت نبعد .. عاود غطس فيا .. تفاعلت معاه.. . الدوخة دارتلي و انا اكاكا معاه فالما .. احسن شي مناش في بلاصة غارقة كنا نغرقوا .. و لاف يدوا على وسطي لازني ليه ...ويدو الثانية حاكم دقنونتي باها ..  و أنا لافة يديا على رقبتوا .. قربوا برك يرهوجني وين يا بوستوا .. جبد روحو شوي .. يغزرلي حليت عينيا .. نستوعب فالشي اللي قاعد يصير ... رهوجني .. باقي يغزرلي كهو .. حتى لساني نحسوا تعقد منجم نحكي حتى كلمة ..
أمير؛ رايحة تهبليني أيلول .. قربك كهو يدوخني .. تعرفي شنوة نحب توا ..
هزيتلوا راسي متاع شنوة
أمير؛ نحطك هكا و نقعد نتفرج عليك حياتي الكل ..أكثر شي بحر عينيك .. تعرفي اللي لونهم نفس لون هاد البحر .. اما انتي أحلى ..
أيلول؛ أمييير يزززي
أمير؛ ههههه بو زينو اللي يحشم ..
أيلول؛ ياخي وين احنا ؟
أمير؛ المالديف
أيلول؛ ياااا بالحق 😍😍
أمير؛ اممم تحبها ؟
أيلول؛ برشااااا
أمير؛ هاني جبتك
أيلول؛ عيشك
شوي كهو و تقلب منظرها ..
أمير؛ شبيك ؟!!؟
أيلول؛ و أويس!؟!؟!
أمير؛ جبتوا ..هوكا راقد
أيلول؛ يااااا بالحححححققق.. آآآآه محلاك أمير
نطرت عنقتوا .. ضحك و لف يديه الزوز على وسطي
أمير؛ الفرحة هاذي الكل خاطروا ..لاعاد  باش نغير
أيلول؛ هههه
أمير؛ كان جا في بالي باش تفرح هكا .. كنت نعمل الخطوة هاذي من قبل. .
أيلول؛ هيا نخرجوا تو يفيق أويس ميلقاناش
أمير؛ مثبتة تحبي تخرجي
أيلول؛ اممم مثبتة ههه
أمير؛ باهي
غزرلي غزرة موش نورمال .. عرفتوا ناوية على حاجة .. هزيتلوا بحواجبي متاع شنوة .. نزل يديه من وسطي لرجليا و هزني.. نطرت نفارع فيه ..
أيلول؛ أمييييير يززززي تو نغرقوووووااا
أمير؛ ههه فالشط نغرقوا هههه..
أيلول؛ يييييي أمير
أمير؛ هههه هاكي تبللتي ..
أيلول؛ جرايرك في بالي غرقت و انا انطلقت ننقذك هههه
أمير؛ ههههه مالا فرخة ..
أيلول؛ باهي نزلني توا هانا فالشط ..
أمير؛ مرتاح و انا محملك .. حتى ندخلوا للدار نحطك .. منحبش نرا حد يشوف مرتي هكا ..
غزرتلوا .. كل مرة يأكد على كلمة مرتي .. تي قداش نحبها من فموا اكاكا .. سكتت باقية تايهة فيه .. محسيتش جملة باللي دخلنا للدار ..
أمير؛ وصلنا هه
أيلول؛ أه .. إي ..
نزلني .. رجعت شعري للتالي .. 
أمير؛ شبيك داخلة بعضك هكا ؟
أيلول؛ أه .. أنا ؟ .. شي ..
أمير؛ ههه متأكدة ؟ ثبت مليح ..
قدملي أكثر .. رجعت بخطوة للتالي .. جيت مع الحيط .. باقي يقدم ..رهوجني باكا التاتو .. و زيد عامل عليا بالعاني السخطة ..جيت نتعدا حط يدو .. جيت نتعدا من الجهة الثانية حط يدو زادة .. ڨحرتلوا .. تبسم على جنب ..
أيلول؛ فااش قام تقرب هكا باش تسقسيني .. ننجم نسمع راني والله
أمير؛ باش ننجم نكون قريب ليك .. و ننجم نحس بيك
أيلول؛ صار هكا ..
أمير؛ اممم و توا مادابيك تطلعي لبيتك فيسع .. تبدلي دبشك و تشيحي شعرك .. خاطرني منظمنش روحي أنو نبعد ...
أيلول؛ تحب تبعد انتا؟
أمير؛ و انتي باش تخليني نبعد؟
قربلي أكثر
أيلول؛ و انتا باش تخمم تبعد ؟
أمير؛ واللي يعرفك ينجم يبعد ؟
أيلول؛ و علاه انتا أي حد ؟
طبس أكثر حط جبهتوا على جبهتي ..و غزرلي
أمير؛ موش أي حد .. راجلك أنا
غزرتلوا و تبسمت تبسيمة خفيفة
أمير؛ موش باش نبعد .. و انتي زادة ماكش باش تبعدي .. و مهما يكون .  احنا الزوز باش نبقاو .. البعد حاجة تافهة يخترعوها الناس العاديين باش يغطيو ضعفهم .. و احنا موش ناس عاديين موش هكا ؟
أيلول؛ امم بالطبيعة ..مناش
طبس باسني بوسة خفيفة .. طيرني باها... و غزرلي ..
أمير؛ انتي ملكيتي ... و أهم ما ملكت تعرف ؟ .. و سيبت كلش خاطرك ..  صاي يزي
أيلول؛ تقصد ؟؟ ؟!؟!؟؟!
أمير؛ اممم سيبت كلشي .. غلبت من هاذ الشي الكل..عشنا الأكسيون اللي تكفي .. وقت نرتاحوت و نعيشوا حياة عادية ..
دموعي هربوا مني .. حط يديه على وجهي .. يمسح فالدموعأمير؛ اششششش هاذ الشي يفرح ...صاي تهنينا
أيلول؛ موش باش يسبونا أمير.. المافيا تخرج منها كان و انتا ميت .. و باش نبقاو دايما مستهدفين
أمير؛ لا وفا كلشي .. وقت تحط راس العراب عالتابل .. كان مقابل حريتنا احنا الزوز .. و تم كلشي .. غزرتلوا بلهفة .. نحاول نصدق فاللي قاعد يقول فيه ..
أيلول؛ ب ب بالحق !!
أمير؛ امممم
تنطرت عنقتوا ... لف يديه على وسطي و تبسم ..
أيلول؛ اععععع صاي وفينا... عييشك أمير عييييشششك
أمير؛ موش قتلك انا رميتك و انا نخرجك
أيلول؛ اممم
أمير؛ حياة جديدة
جبدت روحي و غزرتلوا... اول مرة نرا روحي متحررة ..  من كلشي حتى حريتي موش كيما المرة اللي فاتت ... توا ماني مربوطة لا بالعايلة لا بلافامي .. لا والو .. غزرت ليدوا كي مدها باش يصافحني ..تبسمت و صافحتوا .. قص علينا صوت بكا أويس .. رحنا نجريو لبيتو ...
...........
كمال؛ لحق الوقت اعمل الي تحب عليه ولدي .. نحب نحرقها .. نحب نشوفها تتعذب
براء؛ و اذاكا المطلوب بابا وجد روحك باش نحتفلوا باهي
كمال؛ هههه باهي ولد باباك انتا هههههه
🔜🔜🔜🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام2🔫