الحلقة 53 :
خرجت من الكلينيك .. كلامو يتعاود في مخي ..مدام لازم تبداي العلاج .. مادام الخلايا المسرطنة .. مزال ما انتشرتش .. هكا نقضيو عليه فيسع.. قعدت على أول كرسي عارضني .. منعرش فاش نخمم بالضبط .. كلشي فراسي انو انا توا وحدة عندها سرطان .. يعني في أي دقيقة .. نجم نموت .. و اويس شنوة باش يصير فيه ... مزال صغير برشا .. تي عامين ... شنعمل !!... من غير شي متعبة سارة معايا ..
سارة تعرفت عليها .. وقت التجأت للندن .. تعرفت عليها فجاردان كنت نبكي .. كنت نبكي خاطر .. هربت من قلبي و تواعايشة بلاقلب .. وقفت معايا و ساندتني .. حتى انو ولينا نعيشوا فدار وحدة .. بحكم كنا في زوز كاريين .. فقت من سرحتي .. وقت نوقز تيليفوني . غزرت للنومرو ..
أيلول؛ سارة
سارة؛ وينك لتوا ! صافا ماو ؟
أيلول؛ ص صافا
سارة؛ شفمممما!؟؟ شبي صوتك هكااا! !!
أيلول؛ ت ت تااعبة
سارة؛ حببببس البكا و فهمني التحاليل كيف طلعت !!
أيلول؛ س س سرطاان
سارة؛ شنوة !!! ... ب ب باهي حبس البكا عزيزتي تو نجي نهزك وينك توا ..
أيلول؛ و اويس!!
سارة؛ تي وينك ؟
أيلول؛ فالسانترال پارك ........
سارة؛ باهي
سارة تحكي :
علقت عليها .. عديت يدي على وجهي .. نحاول نعدي الصدمة ... منجمتش نصدق اللي عندها كونسار .. فقت كي أويس يجبد فيا من الروب ..
أويس؛ طاطا ثاارة ماما وين مثات .. ثبيها نثاتني 😣
طبست غزرتلوا .. نحاول نرمش بزربة باش منبكيش ..
سارة؛ لالا يا روحي .. هانا باش نمشيو عندها متحبش تخرج انتا!!
باقي ينقز و يضحك
أويس؛ إي إي إي نحب ..
هزيت المفاتح متاع الكرهبة.. لبستلوا الفاست .. و خرجت .. 10 دقايق كنت عندها .. باقية نمشي انا و اويس حتى وصلنا عندها ..
اويس؛ هاااهي ماماااتي هاااهي ..
سارة؛ تييي ريييض اويس ... تو طيييح
باقي يجري حتى وصل عندها .. غزرتلوا .. مسحت الدموع و هزتوا فحملتها .. عنقتوا كبش فيها ..
أويس؛ ماما ثبيك تبكي ثكون ضلبك (ضربك)
أيلول؛ لا صغروني
قعدت قدامها حطيت يدي على كتافها.. نهدي فيها .. جبدتوا من حملتها تغزرلوا .. حط يديه على وجهها ..
أيلول؛ ماو البرد هوني .. و انا مش لابسة فيستا .. هاك ترا الهوا هبطلي دموعي ههه ..
اويس؛ هاك فيثتا متاعي
أيلول؛ تتي لا
جبدتوا فحملتها ...دموعها نزلوا .. اول مرة منجمش ناقف معاها .. دموعي نزلوا زادة .. منعرش علاش نبكي .. عليها ولا على امي اللي خذاها هاد المرض .. نزل أويس يلعب .. مع زوز صغار .. تلفتت عندها .. باقية تغزرلوا ..
سارة؛ واش من مرحلة؟
أيلول؛ في بدايتوا .. سرطان الثددي.. تعرف اللي أ أنا تصدمت .. ش شبااش نعمل ت توا ..سارة أ أنا ب باش نموت رااو
سارة؛ لاااا فاش قام الهدرة هاذي تواا
تلفتت غزرتلي ندرا كيف ..
أيلول؛ احنا الزوز نعرفوا النتيجة سارة ..
سارة؛ باز تنجم تتعالج موش كيف امي
أيلول؛ و زادة باز منجمش ..
سارة؛ لازم تكافح عالأقل خاطر أويس .. اغزرلوا بحاجتك هو ..
أيلول؛ منعرش .. و زادة منجمش نسيبوا .. تي اصلا كان مجيتش انتي معانا .. باز كنت منجمش عالمسؤولية .. متاعو .. و توا منجمش نحصرلك حياتك بطفل .. انتي زادة لازم تعيش ..موش .
سارة؛ أيلووول شنوة الكلام هذا ياخي من وكتاه نخمموا هكا .. باش تتعالج و نكفيو حياتنا الكل .. كيف ما تعاهدنا ..
أيلول؛ باش يتنض العهد هذا..
سارة؛ شنوة ؟؟
أيلول باش نرجع لنيويورك
سارة؛ لاعاد هبلت ! .. يا طفلة شبيك
أيلول؛ اذاكا اللازم ..اويس لازم يعيش مع أمير .. على الأقل يتعود قبل لا نكون مكانش .. و مهما كان خلافي انا و امير نعرف اللي محال يحط اويس بيناتنا .. هكا نجم نرتاح ..
سارة؛ خممت كان فهاد الحل انتي !!
أيلول؛ هذا الحل المناسب للكل .. منعرش كيفاش باش نقابلوا بعد العامين هاذوما اما لازم نقابلوا ..
سارة؛ مدامك قررت باش نسافر معاك
أيلول؛ فاش تحكي يا بنتي .. خدمتك هوني .. حياتك هوني .. فاش
سارة؛ من غير ما تناقش تعرفني راك
تلفتت غزرتلها .. جبدتني عنقتني ..باقيين نبكو للزوز .. منعرش قداش تعدا وقت ..روحنا .. حجزنا فيسع لنيويورك ..
حاطة راسي عالبلار .. خايفة برشا من مواجهتوا .. دوب ماراني منجمةناقف .. حطت الطيارة .. تلفتت فيقت سارة ..هزيت أويس و نزلنا.. خذينا تاكسي رحنا للأوتيل ..دوب كليت ..تلفتت غطيت أويس .. و قمت نغزر من البلار .. نيويورك .. أمير .. زعما شنوة تبدل فيه .. نساني .. كي عرس بيها .. منجمش ننسا النهار اللي قريت فيه اللي هو عرس بمنال .. تي ورا شهر من فراقنا .. رجوعوا للمافيا .. كلش كان كيف الصدمة ليا .. حتى لتوا مفماش ليلة نجمت نرقد فاها كان بالدوا ... تلفتت غزرت لأويس دمعة سخونة نزلت مني .. مسحتها.. خرجت للبالكون .. و انا غلقت البلار .. نسمات باردة قاعدة تضرب .. موش الشتا على برا كهو ..داخلي زادة فما شتا قوية .. هزيت يديا لفيت روحي .. خذيت نفس و انا نتفكر في تعنيقتوا ليا .. همساتوا في وذني ...* باش نبقا ديما معاك مهما يصير * ... دموعي نزلوا ..
بقيت اكاكا الصباح بدا يطلع .. اليوم يخرج مع بنتوا .. بنتوا .. هاذ الكلمة بالذات توجع برشا .. توجع قد وجيعة ما راني نسمع خباروا من عند واحد كان من رجالي .. و توا من حراسو الشخصيين .. هو يبعثلي أخبارو العامين هاذو الكل ..انفصلت عليه اما منجمتش نبعد برشا .. صحيح توجع انك تكون بعيد على عبد كان هو حياتك الكل .. و تبقا تراقب فيه من بعيد .. اما موش قد وجيعتك انك تكون معاه و انتي تعرفي انو موش متاعك و موش باش يكون ..
فاق أويس .. جات سارة هزتوا يفطر .. باقية تحاول باش نروح نفطر معاهم اما خبرتها اللي انا خارجة ..
لبست كيما جا هزيت ساكي و خرجت .. خذيت تاكسي الحديقة العامة ..وصلت مديتلوا فلوس و نزلت .. باقية نمشي .. لين ريتوا من بعييد
غزرتلوا من بعيد منجمتش نقدم ولا نرجع للتالي .. يلعب هو و بنتوا .. هي تضحك و تقولوا بابا .. من تفدليكهم و ضحكوا اللي مالي الحديقة .. عرفتهم قداش فرحانين .. عكسي انا .. اللي دخلت فدوامة كحلة و النهاية باينة كيفاش .. فرق كبير فاللي تعدا علينا هاذ الوقت الكل .. خاطر الوقت اللي بعدت خلاص على عالم المافيا .. أمير رجعلوا .. و موش رجعلوا كهو .. رجع كزعيم .. متأكدة بلي رجوعو جيست عقاب .. خاطر خرج منو على جالي و رجعلوا زادة جرايري .. نوقز تيليفونوا .. حبس خلا بنتوا تلعب .. و باقي يحكي .. ملامحوا تبدلت جملة .. أكيد خبر موش مليح .. تبسمت لتوا مزال حافظة تصرفاتوا الكل .. قداش توحشتوا .. كل تفصيل فيه زاد حلا أكثر.. هزيت راسي كي كسر التيليفون .. اللي حولوا كامل يغزرولوا حتى بنتوا تفجعت .. عدا يدوا على وجهوا .. فاق كي عنقتوا بنتوا من رجليه .. نزل راسو غزرلها و تبسم .. طبس هزها فحملتوا .. يلعب معاها .. تلفتت ڨحر اللي باقيين يشوفوا و كمل يلعب معاها...
هزيت ساكي و تلفتت بالوقت .. دمعة سخونة نزلت مني .. هزيت يدي مسحتها .. مشيت زوز خطوات .. نحس فالضبابة على عينيا .. دوب منجمة نرمي الخطوات .. لعبت عليا الدوخة .. حسيت بحد كي حاوطني من وسطي ..و ماعاد حسسييييييت بشي
.....حليت عينيا ضرب ضو قاوي فعينيا .. عاودت غمضتهم .. باقية نحل فيهم بالشوي
أرمان؛ صافا مادموزال ؟؟
دوب غزرتلوا ..
أيلول؛ اممم
أرمان؛ تو نعيط للطبيب ....
......... في بيرو أمير .........
أمير؛ و فاش قام تعيطلي و تخبرني.. شمدخلني في سماها ...******** تجي ولا تروح
-ك كنت في بالي كي فركست عليها اما الوقت م مزال
أمير كان جا مزال حاجتي بيها منقولكمش حبسوا .. ميهمنيييش في *********
- حاضر سامحني بوس
أمير؛ اقلب منظرررك عليااا ...
🔜🔜🔜🔜🔜🔜🔜🔜🔜🔜🔜
#يسرى_أمجوج👑
#حب_و_إجرام2🔫
أنت تقرأ
حب و إجرام2 (باللهجة التونسية)
Acciónكل الوسائل متاحة في الحب و الحرب ... و حين يتعلق الأمر بهوس التملك ... تتحول الأمور الى معركة جنون... الفائز فيها من يصل إلى ما يريد بأقل الخسائر و أكبر الغنائم....في معركة استبيحت فيها كل الطرق.. و الكل دخل في شطرنج... ستؤدي بحياة الكثيرين إلى الهل...
