حب و إجرام2 (باللهجة التونسية)

الحلقة 43

..الحلقة 43 :
أيلول تحكي :
فاتوا يومين على رجوعنا لنيويورك ... فما حفلة اليوم متاع نجاحو فالصفقة ... منحبش نروح جملة .. أصلا جروحي مزالت توجع ... أويس قدامي فالسرير يلعب ... الفرخ عامل جو ... باقية نلعب معاه ... اصلا هاذ اليومين الكل نعدي في وقتي كان معاه... امير نراه كان فالليل الخدمة متاع الشركات متاعوا دخلت بعضها في غيابو ... غزرت للساعة ال 19:30 لتوا مجاش .. اصلا الصباح دوب خبرني و حكينا زوز كلمات و خرج ... دق الباب ..
أيلول؛ ادخل
البون؛ مدام مسيو امير بعثلك هاذي ...
أيلول؛ امير !!
البون؛ وي
أيلول؛ باهي حطيها هوني
حطتها و خرجت ... رميت يدي جبدتها عندي .. حليتها .. عينيا تحلوا روب فالنواغ مع صاندالا فالفضي و پوشات كيفها ... عضيت شفافي و تبسمت .. غزرت للورقة اللي معاهم ..
{ نحب نراك باها الليلة .. سامحني منجمتش نجي نديك اما باش يوصلك واحد ناثق فيه و وراه رجال باش تكون بامان ..}
قفلتها حضنت الورقة و ضحكت ... تلفتت لأويس اللي يتبسم و يعيط موش فاهم شي ... نزلت بستوا بوسة مرصوصة .. عيطت لجينا تبقا بحذاه ... خذيت البوات و رحت لبيتي ... عملت دوش تفرهدت فيه ... خرجت غزرت للساعة 20 !!! ... أكيد روووطااار ... رجعت شعري للتالي باش نعملوا ستيل روك ... خليتوا مبلل... و جبت الفيكساتوغ و الجال ...رجعتوا للتالي و ريقلتوا ... عملت مكياج دخاني مع روج خفيف ... لبست الپاغيغ اللي مع الروب و لي بوكل .. ولبست الروب .. جاية ajustée مبعد تهبط لارج ... لبست الصاندالا ... هزيت الپوشات ... حطيت فيها التيليفون و الروج و اكستري صغير من البارفان متاعي ... رحت للكوافوز عبيت روحي بالبارفان... غزرت للساعة 20:55 ... نوصل روطار مي الأكيد نوصل .... تعديت على بيت اويس ... رقد الصغرون ... بستوا و نبهت على اطا اللفعة ترد بالها عليه ... و نزلت ركبت فالكرهبة و ديمارا للاوتال... غزرت للتيليفون ... نوقز بالوقت ...
أيلول؛ وي
أمير؛ وينك لتوا ؟؟ ماكش باش تجي ؟؟؟
أيلول؛ حسيت روحي تاعبة ... بربي سامحني
أمير؛ علاش تبكي ... شبيك ؟؟ نجيك توا؟؟!
أيلول؛ هأه موش ڨراڤ تو نشرب الدوا نرتاح ...
أمير؛ باهي كان صرت شي كلمني
أيلول؛ باهي بون صواغي
أمير؛ عيشك
علقت عليه ضحكت بالصوت ... من ردة فعلوا... احسن حاجة انو وصيت الرجال ميخبروهش اللي انا مشيت معاهم .. غزرت للساعة 21 :15 نزلت من الكرهبة و دخلت للوتال ... وصلوني للصالة اللي فيها الحفل برشا ناس هوني ... الضو مقصوص ... صوتو جا في وذني كي قاعد يحكي فالميكروفون ... غزرتلوا كي واقف فوق المنصة يحكي ... لابس كوستيم مع شوميز بيضا ... شعرو ملموم ... يحكي و يشرح بالداتاشو اللي وراه ...
أمير يحكي:
صفقة اللي ربحتها الشركة مهمو برشا.. تنجم تهزنا للفوق ... حضرت للحفلة متاع التعاقد ... هاذ اليومين اللي رجعنا فيهم ... كنت لاهي بالخدمة خاطرني سيبتها جملة .. وليوم حبيت نعوضها على اكا الاهمال ... اما فديت وقت قالت اللي هي موش باش تجي ... كملت نرحب بالضيوف .. الكل وصلوا طلعت نقدم الحفلة و المشروع بشكل عام ... تلفتت نقولهم شيزيدوا فالصوت ... تلفتت اما عاودت رجعت بغزرتي للباب ... خاطرني حسيت روحي لمحتها .. غزرتلها كي متكية عالباب مطبقة يديها ... الروب جاتها تفتق قد ما توقعت تكون ... متصورتش تطلع عليها هكا ... تبستلها.. غمزتني و عملتلي جام بيدها ... هزيتلها براسي اي ... كملت نشرح فالصفقة و كل مرة نرمي عيني ليها .. قعدت في آخر تابل فالصالة ... دوب ما كملت ... جيت نمشي ليها .. حكموني رجال الأعمال كيف اللصقة. ..
......
-سامحني ميس فما شكون معاك ؟؟
أيلول؛ لا و منحبش
قعدت عالتابل .. هز كاس الويسكي رشف منو و غزرلي ...
- كيفاش الزين هذا الكل معندوش شكون معاه ميجيش راهو ...
ڨحرتلوا .. نحب نوض نفشخوا بطريحة اما .. منحبش نفسد الحفلة متاع أمير ... حطوا موسيقى كلاسيك ... و قص عالضوا شوي و بقط ضو حمر خفيف ...
-تحب على شطحة ؟ ياه اختفت ؟؟ متكونش زعما سندريلا؟؟ اما مزال موصلتش ال 00:00 ...خلي نقوم نفركس على صباطها ...
............
أيلول؛ أميييييييير فاش تعمل!!!! ياخي نورمال انتي !!! تهزني في حملتك اكاكا
أمير؛ الضو كان مقصوص ... أصلا يشوفونا شمدخلهم
أيلول؛ باهي نزلني توا
أمير؛ منحبش
أيلول؛ امييييير باز يجي كاش حد و
أمير؛ حد ماو باش يجي هاذي الصال ... عملتها سپيسيال باش نحتفل أنا وياك كهو ..
أيلول؛ احنا الزوز كهو ؟
أمير؛ امممم
أيلول؛ اما ميجيش تخلي الحفلة هكاك
حطني من حملتوا .. و جبدني ليه من وسطي ..جا وجهي مع وجهوا ..
أمير؛ ورا هاذ الباب ... فما برشا حس و ناس ميربطني بيهم حتى شي و ما ينتميوش لحياتي .. اما هوني ...فما حياتي ..هوني كهو ننتمي ... أيلول انتي انتمائي ... انتي عالمي ...
سكت شوي باقي يغزرلي كهو ...
أيلول؛ أمير
أمير؛ يا روح أمير
أيلول؛ تحب على شطحة
طرشق بالضحك ...خلاني نضحك
أمير؛ ههههههه أول مرة نرا طفلة... تطلب من طفل شطحة فحفل....
أيلول؛ ههه تصرا برشا ... متنساش اللي احنا النسا ننجموا نعملوا أي شي
أمير؛ اممم women power (قوة النساء )
أيلول؛ ههه بالطبيعة
أمير؛ أيلول تشرفني بشطحة
أيلول؛ إي
حطيت پوشاتي ... و تلفتلوا ...رمالي يدو غزرتلها و غزرتلوا ... حكمتها ..جبدني ... تخبطت فيه ...حطيت يدي على كتافونزل راسوا على جبهتي... نفسوا نحس فيه على وجهي ... باقين نتمايلوا على الغنية... اما عقولنا كانت كهو عند بعض ... فاكا اللحظة ما كنت نخمم في حتى شي من غير وجودي معاه ... لفني جا وجهي مع وجهوا...عدا يديه رجعلي شعري للتالي ... طلعت يدي ورا رقبتوا ... نزل باسني بوسة خفيفة .. طيرني بيها ... قلبي نحسوا باش يخرج من بلاصتوا... متوقعتش نوصل نعشقوا هكا ... رغم كل شي صرا ... جبد شوي باقيين نتنفسوا نفس الهوا ...
أمير؛ هبلتيني أيلول ... معادش ننجم نبعد عليك دقيقة ...شعملتي فيا نتي أه ؟
أيلول؛ انتا اللي شعملت .. قلبي نحسوا باش يخرج من بلاصتوا أمير ...
حط يدو جيهة قلبي ...و غزرلي
أمير؛ أنا هوني أيلول ؟
غزرتلوا متوقعتش سؤال كيف هكا ... نزلت يديا من رقبتوا ... باقية يحوس عالجواب مني ...
أيلول؛ رغم اني منخافش مي اول مرة نحس بهاد الخوف ...
طلعلي دقنونتي بيدوا الثانية
أمير؛ خايفة من شنوة ؟؟
أيلول؛ منعرش أمير جامي صراتلنا حاجة مليحة ... و أصلا نتا دخلت لحياتي باش تنتقم لصاحبك .. و كلشي احنا فيه توا كان مصلحة باش نوصلوا للعراب ...و
قص عليا كي غطس فشفافي... خلاني ننسا واش كنت نهدر... و نطير لعالموا هو ... جبد روحوا ينهج ... حليت عينيا ... غزرتلوا ... لف يديه على وجهي
أمير؛ في عينيا قاعدة تشوفي أني عيني بمصلحة منك ... قاعدة تحسي لي مزال عيني ننتقم منك !؟
باقية نغزرلوا ... احساس داخلي يقولي اللي هو يحكي الصح... لأول مرة قلبي يدخل في قراراتي ...من غير ما نخمم عنقتوا ...باسني على رقبتي و عنقني ... دقايق كنا هكاك ... من غير ما نحسوا شنوة اللي باش يصير وراها ... نوقز تيليفونوا ... جيت نبعد كبس عليا...جبدت روحي على جهة ... جبدوا ... المساعد متاعوا يطلب ...
أيلول؛ برا للحفلة متاعك ههه كثرتلها عاد
أمير؛ ماكنش أهم منك
أيلول؛ أمييير يزي عيب الحفلة متاعك راهي
أمير؛ اففف باهي إيجا ...
أيلول؛ باش نعاودوا نرجعوا من نفس الباااب !!! تو يشوفونا
جبدني من يدي تخبطت فيه
أمير؛ و يشوفونا ... من وكتاه نعيشوا باش نفسروا احنا
أيلول؛ ههه بالطبيعة ...
أمير؛ متأكدة تحب نخرج
أيلول؛ ههههه يززززي برا
أمير؛ هههههه
دوب حل الباب .. جا في وجهنا الكيلر ...
أمير؛ بسم الله
الكيلر؛ شفت جن تبانلي
أمير؛ بعد
الكيلر؛ موش من مصلحتكم انو الناس يعرفوا بعلاقتكم توا ... فك عليك
أيلول؛ علاش ؟
أمير؛ ما يهمني في حد شمدخلهم ..
الكيلر؛ حسابات المافيا انتا تعرفها بلا ما نخبرك .. و فما حد مستهدفكم
أيلول؛ شكونوا
الكيلر؛ ايجا انتي ... و نتا برا اتلها بالحفلة متاعك ..
جيت نمشي كبس على يدي قريب طيرها
أمير؛ شنوة اللي إيجا متاع ****** ... مرتي هادي
الكيلر؛ شووووو شكون يهدر.... هادي ختي قبل ما تكون مرتك ...و زيد كان موش أنا متكونش مرتك
أيلول؛ صاااي يزيو توا ... أمير عيشك تو توفا الحفلة و انتا محكيتش مع الصحافة باهي ؟
ڨحرلوا .. و تلفت ڨحرلي ڨحرة متاع موت ... و مشا
الكيلر؛ أوووو زايد صوص اليوم لالا
أيلول؛ هههه باز
الكيلر؛ ايجا نشربوا كاس حق العشق هذا الكل
أيلول؛ موش عشق كره
الكيلر؛ آآآ ههههه
مشينا للتابل... احسن شي انو حد ما انتبهلنا انا و امير...هزيت الكاس رشفت منو ... و نتبع فيه بعينيا كي يحكي مع الصحافة ...
الكيلر؛ دارك
أيلول؛ اممم
الكيلر؛ تحبي أمير ؟
أيلول؛ نعشق دين امو
الكيلر؛ يااااه
فقت من سرحتي ..تلفت غزرتلوا ... كي يضحك
أيلول؛ منقصدش
الكيلر؛ موش باش نخبروا اتهناي ... مالا حالة فيكم ههههه
أيلول؛ هههه و انتا ماكش باش تخبرني على جديدك
غمزتوا ... رشف من الكاس و تبسم ...
الكيلر؛ النسا موش سوقي جملة ... حبست
أيلول؛ ههه شنوة نأمن ولا نخمم شوي
الكيلر؛ لا أمني ... تنجمي تقولي انو مزال ملقيتش ... اللي تقطعلي نفسي و تخلي قلبي يخرج من بلاصتوا ...
كلامو خلاني نتفكر احساسي اللي نحسوا و أنا مع أمير ... احساس جامي تعدا عليا ... يطيرني لسابع سما و ينزلني ...تصرفاتوا و فازاتو معايا ... كلشي سپيسيال فيه ...فقت كي صفقلي باش نفيق من سرحتي
الكيلر؛ عشقتي يا دارك ... و جا النهار
أيلول؛ منعرش
الكيلر؛ أول مرة نرا فعينين تلميذتي الخوف
أيلول؛ حاسة بشي موش نورمال ...
الكيلر؛ كان على أمير ... يعشقك راهو ... و على انتقاموا ...وصل ينسا عشيروا على جالك .. ياخي ماكش باش تخبريه علاش عملتي اكاكا فرامي ؟
أيلول؛ كي نحس الوقت مناسب... منحبش نخمم فالحكاية توا ...
الكيلر؛ انتي اللي تعرفي .. هاي وفات الحفلة ... هيا نخرجوا هاداك هو يلحق الغول متاعك
أيلول؛ متقولش عليه غول 😑
الكيلر؛ ههههه جيت و ندمت ... هادا جزائي كي زوجتكم
أيلول؛ هههه هيا يزي من التشوكيع
الكيلر؛ ههههه
خرجنا ... باقيين نحكيو فالبارك ...
أيلول؛ هيا برا علياااا ... كرشي وجعتني من الضحححك هههههههه
الكيلر؛ موش قبل ما يجي .. نطمن عليك ... هو تو يهد علينا موش يجي
أيلول؛ ههه شنوة اللي يخليك متأكد ؟
الكيلر؛ هههه لاعاد متعرفيش أمير بالقدا ... شقولك نتخاطروا ؟
أيلول؛ ههه باهي كيف بكري .. طلب بطلب
الكيلر؛ أوكي
جيت نحكي ... هد عليا ..جبدني عنقني بكل قوتوا ...حسيت عظامي دخلوا بعض ... غزرت للكيلر اللي شايخ بالضحك ... غمزني و عملي فازة متاع أنا ربحت ... ڨحرتلوا ضحك و مشا ...شوي و جبدت روحي ..
أيلول؛ أمير صافا ؟؟ شبيك ياخي ؟؟؟
حط يديه على وجهي ... يغزرلي بلهفة ... منجمتش نفهم ...
أيلول؛ أمييير ؟؟!
أمير؛ منعرش... حسيت روحي ضايع هونيك .. كي ملقيتكش فالتابل ... تشتت ... متزيديش تبعددددي ..
أيلول؛ خرجت نستناك هوني
أمير؛ متبعديش مهما يصير أيلول ... انتي انتمائي
أيلول؛ باهي ريض ... خوفتني عليك
أمير؛ بو زينووو اللي خايف عليا أنا
أيلول؛ ههه يزي عاد هيا توا
تلفت يفركس على الكيلر
أمير؛ ***** راح ... تو نوريه
أيلول؛ ههههه متبانوش صحاب جملة
تلفتت قدملي ... جات عيني فعينوا ..
أمير؛ صحاب إي ... أما انتي حدود ... حد ما يقربلك .... متاعي انتي ... و باش تبقاي
النفس تقطعلي من هدرتوا .. نحس روحي باش نطير ... غمزني و تبسم ...مدلي يدو ... غزرتلها و غزرتلوا ... عملي فازة متاع هيا .. حطيت يدي فيدوا و مشينا ...حللي الباب متاع الكرهبة ركبت ... وركب هو زادة .. طريق الكل و احنا شايخين ...
...............
وفاء؛ امممم الخطة جاهزة ؟....ههههه داكوغ هاد الوثائق باش يخلوا ..دارك تكون غدوة فالصحف هههه و كمجرمة تاني هههههه.... باهي باهي نعلق توا ... لازم نرقد باش نفيق على أخبار مليحة .. بونوي عزيزتي ...
🔜🔜🔜🔜🔜🔜🔜
#يسرى_أمجوج👑
#حب_و_إجرام🗡