الحلقة 48 :
براء؛ اممم نحب تلقاهم فيسع فيسع
-اما مسيو مريزارفاوش فالمطارات الكل .. و حتى من طيارة السي أمير مزالها هوني
براء؛ نظن راني قاعد نخبر فيك تلقاهم موش نطلب منك
- ح ح حاضر مسيو
براء؛ أفار وقت كهو و نلقاكم و لهاذاك الوقت باش نفرح بيكم بالقدا ..
..............
أمير؛ رقد توا ؟
أيلول؛ اممم كان جيعان الفرخ
أمير؛ نريڨلوا فراشوا و انتي حطوا باهي
أيلول؛ باهي
باقي يعدلوا في مخدتوا .. تي لحق يجيبلوا سرير صغير و كلشي .. تبسمت .. هز راسو عملي فازة متاع حطيه .. فقت على روحي و نزلت حطيتوا .. طلعنا عليه الغطا للزوز .. هزيت راسي غزرتلوا تبسم طبس باسوا و ناض .. بستوا و خرجنا ..
أمير؛ باش نمشي نعمل دوش
أيلول؛ باهي انا زادة
أمير؛ باهي نوجدوا الغدا كيف كيف
ايلول؛ يييي جو هيا فيسع
جيت نمشي ... عاود رجعني للتالي ..خبطت فيه ... هزيت عينيا غزرتلوا متاع شفما!.. رجع شعري للتالي و نزل طبع بوسة خفيفة في رقبتي .. خلاتني نترهوج .. باقي يتنفس في رقبتي لثواني .. و جبد روحو .. غزرتلوا
أمير؛ ههه شبيك مفجوعة ياخي !؟
أيلول؛ شنية الفازة هاذي ؟
أمير؛ كان ناقصني شوي أكسجين و خذيتوا .. باش ننجم نكمل نهاري .. معندكش مشكل نعرف .. هيا باي
مشا و خلاني .. هزيت يديا نلوح على وجهي .. اللي باش يطرشق من الحشمة .. عامل عليا بالعاني السخطة .. تي كان ميجلطنيش بقربوا .. يجلطني بكلاموا .. اففف أحسن شي ناخو دوش .. نحي الملوحة متاع البحر... كان نبقا نخمم اتو نغتصبوا و نهنيه هههه.. دخلت عملت دوش تفرهدت بيه .. و خرجت حليت الدريسينغ .. تبسمت على جنب كي العادة .. محضر كلشي ..
خذيت خلعة خفيفة و شورت جينز لبستهم .. شيحت شعري خليتوا فريزي و خرجت .. عديت على أويس مزال راقد .. ضربت في خشني ريحة بنينة .. الظاهر ريحة غراتان .. باقي نتبع فاها لين دخلت .. قابلني كي قاعد يحضر فالجي متاع تشينة... باقية نغزرلوا كيف مركز اكاكا .. كي العادة معندوش تريكوات .. طابلية فوق لحمو مع شورت بيضا شعرو ملموم .. و لحيتوا طراساها .. باقية نثبت فالتفاصيل اللي تخليني .. نسرح و منحسش على روحي جملة .. هز راسو غزرلي .. فطنت مع روحي
أمير يحكي:
كنت غاطس مع اكا الجي اما حسيت بريحتها .. كي دخلت خشمي.. طلعت راسي غزرتلها.. شعرها مسيب .. اكا النص متاع التريكو كرشها على برا .. و الشورت .. بدني تكبس و أنا نرا فاها اكاكا .. أصلا بالسيف شادد روحي .. قدمت عندي .. غزرت للميكسوغ متاع الجي.. و غزرتلي ..
أيلول؛ تحضر فالجي لأويس ؟
أمير؛ أه ؟
أيلول؛ الجججي ههه
أمير؛ اممم برا توا
أيلول؛ تطرد فيا ياخي 😏
أمير؛ تحب تجوز ليلة دخلتك فالكوجينة ميسالش إيجا
نطرت قبل ما يحكمني و قابلتوا فالجهة الاخرى متاع الطابل
أيلول؛ هههه اعععع مالا مسوفج رااك
أمير؛ شنية الشوالق اللي لابسة هاذو
أيلول؛ شوالق ؟هههه كان تحب نذكرك لي انا اللي شريتهم بابا
أمير؛ اممم مالا عملة عملتها لروحي 😑
تلفت يطل عالغراتان .. قدمت قدامو نطل زادة ..
أيلول؛ محلاها الريحة غراتان متاع البطاطا هو ؟
أمير؛ و الكبدة
أيلول؛ يييي جو 😍😋
تلفت غزرلي ..
أمير؛ عاملة عليا بالعاني أيلول .. عيش عزيزتي برا بدل دبشك ..
أيلول؛ منحبش عاجبيني هاذوما .. تي متشوفش معايا اتو تتهنا ..
للحظة هد عليا .. حط يديه عالبوطاجي .. جيت بيناتهم .. غزرتلوا .. طبس عليا أكثر .. حط جبهتوا على جبهتي .. نحس فنفسو الهايج كي يضرب في وجهي .. عدا عينيه على وجهي الكل ..
أمير؛ كان منراكش نتي شكون تحبني نرا أه .. في بالك اللي ننجم من غيرك .. تي ريحتك كهو تطيرني .. وين يا قربك ..
رجعلي شعرات اللي على وجهي ورا وذني .. شوي و قرصني على جنبي خلاني نتهز من الفازة
أيلول؛ آآآآي 😫
طبس لوذني يهمس
أمير؛ هاذي باش تسمع الكلام
أيلول؛ و و وجعتني 😔
أمير يحكي :
بعدت على وذنها نغزرلها .. الظاهر وجعتها.. غمضت عينيا بالقاوي و حليتهم .. طبست لجنبها بستها بوسات مرصوصة على بلاصة الڨرصة .. حسيت برجفتها.. طلعت لفيت يدي على وسطها و جبدتها عندي .. غرست راسي فرقبتها بستها بوسة خفيفة .. و همست في وذنها
أمير؛ سامحني يا روحي مش قصدي نوجعك
أيلول؛ أ أميير
أمير امممم
أيلول؛ الغراتان طاب
للحظة طرشق بالضحك .. جبد روحو شوي يضحك و يحاول يحكي .. ضحكت بالوقت ..
أمير : مركزة كان عالغراتان انتي
أيلول؛ ههه نخليه يتحرق ؟
أمير : مالا فرخة تي فهاذا الكل ركزت كان عليه ..
أيلول؛ هههه لا اما ريحتو تشهي خسارة يضيع اكاكا .. هيا موش باش ناكلوا ..
أمير؛ لا ناكلوا علاش مناكلوش 😏
أيلول؛ باهي هيا
جبدو من الفور .. قدمت شميت ريحتو اممم محلاها .. تلفت غزرلي .. راكبوا الغزول عاللخر .. اما نحب نردلوا فازتوا .. عطاني بالظهر باش يجيب مغرفة ... عنقتوا من التالي .. حسيت بيه كي تفاجا من الفازة ...
أيلول؛ انتي زادة باش تتعاقب جبدت يد .. عديت بظفري على ظهرو الكل .. حتى التراس بانت .. تبسم و تلفتلي .. جبدني من وسطي لصقني فيه .. لاف يديه الزوز على وسطي .. طلعت يديا شبكتهم ورا رقبتوا ..
أمير؛ و على شنوة عاقبتني عزيزتي ؟
أيلول؛ خاطرك وجعتني .. و زادة خاطرك ماكش لابس تريكو .. و تلوم فيا ..
أمير؛ههههه صار هكا مالا
أيلول؛ اممم ... هيا توا ناكلوا
جيت نبعد كبس عليا .. غزرتلوا
أمير؛ شبيك ملهوفة هكا تبان تتوحم
أيلول؛ علاه متحبنيش نتوحم أنا
أمير؛ اممم نحب و يكون ولدي ولا بنتي
بلعت ريقي و انا نغزرلوا ... منعرش علاش نحس قلبي باش يخرج من بلاصتوا توا. .. تي دوب راني ناخو نفس .. طبس عليا .. غزرلي .. و نزل لشفافي .. غطس جملة .. النفس تقطع عليا .. بعد شوي تنفسنا نفس الهوا ..طلع راسو لجبهتي و طبع بوسة .. خلاني نغمض عينيا .. و نتمنى هاذ اللحظات ميوفاوش .. شي مخوفني أنو باش يجي النهار و يوفا كلشي .. الفكرة وحدها تخليني نريڨل .. وصلت لمرحلة اللي لازم نراه قدامي .. و هذا مخوفني ضعفي هذا مخوفني .. رغم اني نحس بأنو احساس مليح .. فقت من سرحتي .. كي لف يديه على وجهي ..
أمير؛ وين غطست !
أيلول؛ أه ... أمير زعما يجي النهار وينمعادش نراو بعض .. و نوصلوا للحد اللي يخلينا نبعدوا للاقصى بلاصة .. هاذ الن....
حط صبعو على شفتي .. ركزت عينيا في عينيه .. جبد. يدو حطها ورا رقبتي ..و جبدني .. حط حبهتوا على جبهتي
أمير؛ مناش حنا اللي نهربوا كيف هكا .. احنا سيبنا كلشي عندو علاقة بالماضي متاعنا .. توا باش نعيشوا حياتنا .. و ماكش باش تبعدي خاطرني باش نلقاك .. و ندخلك فحملتي .. اعتبرها تملك اعتبرها وقف اعتبرها أنانية .. انتي متاعي ..
دمعة سخونة هربت من عيني .. جبد شوي .. طلع يدو مسحها ..
أمير؛ اشششش متبكيش .. جامي تبكي ..
ترميت فحملتوا .. مكبشة فيه عاللخر .. لف يديه عليا .. نحب نرقد توا اكهو .. باش توقف اللحظة هاذي و نحبس هوني .. وين ما ننجم نتذكر الماضي ..و ما نجمش نخاف من المستقبل ..
أمير؛ هاك من الصباح تندب عالغراتان و فالتالي باش تخليه يبرد
ضحكت بالوقت هههههه .. جبدت و غزرتلوا .. حكملي يدي .. و مشينا للصحن .. جبد مغرفة و دوقني منو ...
أيلول؛ امممممم مبنووووا يي هاك تصنف بالقدا
أمير؛ باهي تو نحط فالسحون و ناكلوا ايجا اقعد
أقعد .. بعدلي الكرسي قعدت .. باقية نتبع فيه كي يحط .. نراقب في كل تفصيل فيه .. من التاتو اللي فيدوا .. لغزراتوا .. زعما وصلت لنقطة أنني نحبوا .. فكرة اني نحب .. تخليني نتوتر يمكن خاطر اللي نحبهم الكل راحوا .. قعد عالتابل .. و غزرلي .. تبسمتلوا و غطست فالسحن ناكل و نتبنن .. السخطة يعرف يطيب ... طلعت راسي كي لقيتوا يغزرلي و يتبسم
أيلول؛ ش شفما ؟
أمير؛ شي منظر كيف هكا يفتح الشهية تاع العبد باش ياكلك و ياكل شنوة راكي تاكلي 😋🤣
أيلول؛ ههههههه سيبني توا ..
كملنا ... نضنا غسلنا الماعن و ريڨلنا الكوجينة باقي مهبلني بالفازات متاعو .. حتى أويس فاق الظاهر حاب هو زادة يعمل جو معانا.. راح جابو أمير و أنا باقي نحضرلوا في ماكلتوا ..
..........................
براء؛ باهي دخليها
السكريتيرة؛ حاضر مسيو
خرجت
السكريتيرة؛ تنجمي تتفضلي مدموزال
دخلت
براء؛ شنوة ها المفآجأة هاك شرفتنا
صافحها
منال؛ من غير مجاملات براء نظن تعرف بالقدا علاش راني هوني هاك متريپونديش على لي ميساج
براء؛ آ بخصوص أمير ؟
منال؛ امممم وينو!!
براء؛ علاش تسال نعرف اللي علاقتكم خلصت من بعيد و عندها برشا
منال؛ مام أنا مكنتش حابة نرجع بعد ما هملني اكاكا أما ملزومة
براء؛ علاش ؟؟
منال؛ منجمش نحكي توا اهم شي نوصلوا
براء؛ لازم نعرف السبب لكان يستاهل نوصلك ولا لا
منال؛ أنا حبلة من أمير
براء؛ شننننننوة !! ههههههه
منال؛ شنوة اللي يضحك
براء؛ هههههه شي متأكدة اللي هو ولد أمير
منال؛ براااااااء
براء؛ هههههه باهي باهي مالا ورقة رابحة جاتني
___________________
#يسرى_أمجوج👑
#حب_و_إجرام2
أنت تقرأ
حب و إجرام2 (باللهجة التونسية)
Боевикكل الوسائل متاحة في الحب و الحرب ... و حين يتعلق الأمر بهوس التملك ... تتحول الأمور الى معركة جنون... الفائز فيها من يصل إلى ما يريد بأقل الخسائر و أكبر الغنائم....في معركة استبيحت فيها كل الطرق.. و الكل دخل في شطرنج... ستؤدي بحياة الكثيرين إلى الهل...
