حب و إجرام2 (باللهجة التونسية)

الحلقة 50

..الحلقة 50 :
منال؛ ياخي بجدك أمير توا هذا كلام تقولوا ؟؟!
أمير؛ برا اخطاني موش ناقصك
منال؛ انا حامل بولدك أمير
أمير؛ هه جرب غيرها متتعداش عليا راو ولا نقولك باي
علقت عليها .. حليت التيليفون نرڨل من العصب كسرت الپيس على طراف .. تكيت للتالي نحاول نهدا .. كيف نجمت توصل لنومرويا ..أصلا نسيت عليها جملة.. قص عليا كي خرجت من الباب حاطة اويس فالپوسات متاعو .. تلفتت غزرتلي كي راتني متكي عالحيط ..
أيلول؛ أمير ؟ شفما؟؟
أمير؛ شي شنوة باش نعملو دورة
أيلول؛ باهي
حكم عليا الپوسات متاع أويس و بدا يمشي .. تلفتت غزرت للپيس متاعو كي مرمية فلرض و مكسرة .. أكيد فما شي. . باقيين نتمشاو عالشط .. لي كوبل عاملين جو .. باقية سارحة .. اما فقت وقت كثرت الفازة متاع البنات اللي يبوسو فاويس و يبزنسوا فأمير .. خاطرني موخرة عليه بخطوات.. ضيقت عينيا ..وقت رمات يدها تضحك و تحط فيها على يدو اللي حاكم بيها الپوسات.. من غير ما نخمم مرتين .. نطرت جيت قداموا .. غزرتلي .. هزيت يدها نحيتها من فوق يدو.. و ڨحرتلها .. لفيت يدي على يدو .. دوب تبسمت وراحت .. سيبت يدو و ڨحرتلوا..
أيلول؛ شنوة سي أمير عامل جوك عالشط ميكونوش عجبوك اكا المصفارات .. بشلقة البيكيني اللي لابسينها .. هام من الصباح طايحين عليك كي الذبان
أمير؛ يا بنتي شبيك جيست يبوسوا في أويس
أيلول؛ أويس قتلي .. عنجد وااو ناقص كان يبوسوك انتا .. تي م
قص عليا كي غطس في شفافي .. بوسة بكل غل.. باقية جامدة أكاكا أول مرة يبوسني هكا.. دوب ما تقطع عليا النفس ..عضني على شفتي اللوطانية و جبد روحو.. خرجت آه خفيفة مني ..حليت عينيا لقيتوا يغزرلي ندرا كيف .. جيت باش نحكي جبدني فحملتوا..طبس لوذني يحكي
أمير؛ انتي متاعي انا و انا زادة متاعك يعني وحدة ما تنجم تدخل لعيني من غيرك باهي .. البنات برشا أما فما أيلول وحدة ..
حليت عينيا غزرتلوا .. تبسملي و عدا صبعوا على شفتي اللوطانية ..
أمير؛ مش قصدي نوجعك أما.. منحبكش تخمم في حوايج خايبين .. خمم كان فالباهي .. تفاهمنا ؟
أيلول؛ باهي
أمير؛ بووو زينو اللي يحشم هو 😍
أيلول؛ ههه يزي عاد سيب خدوددددي
أمير؛ باهي نروحو نتغداو توا أما أويس ؟
أيلول؛ هوكا ماكلتوا فالصاك أذاكا
أمير؛ ههه صار خممت كان فيه هو
أيلول؛ ههه بالطبيعة .. صغروني هو
أمير؛ باهي باهي
أيلول؛ بجدددك أمير .. غاير منو
أمير؛ لا أما اتلها معايا شوي
غزرتلوا كي مشنف .. ضحكت تي بالحق غاير.. قدمت بستوا بوسة مرصوصة على خدو .. لفيت يدي على يدو .. تلفتت غزرلي ندرا كيف .. و نزل راسو تبسم..
أيلول؛ هييااا جعت راهو
أمير؛ موش بعيد برشا ..
أيلول؛ باهي
بقينا نتمشاو على الشط لين وصلنا لريسطو مزيان عاللخر .. جاي على الشط .. ديكور متاعو فينو و بالورد .. قعدنا في تابل مفردة .. مقابلة البحر .. اخترنا حوت مشوي و سلايط و كلشي جا على بالي .. حاصول والو ما خليت .. حتى أمير بقا باهت فيا .. بطبيعتي نحب الماكولات البحرية .. دوب جابلنا غطست فالماكلة تقولشي جامي كليت.. أصلا ياسر بنينة.. طلعت راسي غزرتلوا كي حطوا فحجرو و يوكلوا فماكلتوا .. و ساعات ياكل هو شخت على منظرهم .. هزيت تيليفوني خذيتلهم فوطو بلا ما يشلق .. و حطيتوا
أمير؛ هاك حبست الماكلة
أيلول؛ تو نكمل
أمير؛ عجبتك ولا تحب تطلب شي خلاف
أيلول؛ لا بنينة عاللخر ..
كملت ناكل و هو زادة ..مبعد قمنا حط فلوس عالتابل .. و رحنا بقينا عالشط .. نفدلكوا و نعملوا جو .. حتى أويس عاجبوا الحال عاللخر .. لين تعب و رقد ..حطو أمير فالپوسات متاعو .. الشمس بدات تغرب .. تكيت راسي على حجر  أمير .. غزرلي هز يدو .. يعدي فيها على شعري ..
أيلول؛ أمير
أمير؛ يا روح أمير
أيلول؛ توقعت شي نهار انو نكونو كيف هكا
أمير؛ يعني ؟
أيلول؛ منعرش .. انا و انتا و طفل .. في بلاصة بعيدة على المشاكل ..يعني فعالمنا احنا
أمير؛ لا مكنتش متوقع .. كنت متأكد .. خاطر مستحيل كنت ننجم نفرط فيك
أيلول؛ أما انتا دخلت حياتي باش تنتقم كيف لحقت تحبني و  ...
أمير؛ منعرش أيلول .. حبيتك اكاكا .. يمكن حبيت قوتك .. و تمردك .. حتى وصلت نعشق فأصغر تفصيل فيك ..
أيلول؛ زعما يجي نهار نتفارقوا كانوا معرفناش بعض و
حط يدو على شفافي .. هزلي براسوا لا ..
أمير؛ منسلمش فيك بالساهل مهما صار
هزيتلوا براسي إي .. و تلفتت نغزر للشمس بدات تغرب .. شوي و قمنا حكم طاكسي وصلتنا للدار .. خاطر غلبنا فالنهار الكل .. باقي هاز أويس فحملتوا خاطر مزال راقد ..