الليل حالك وظلام ما بعده ظلام واني وحدي ..حياتي مثل هالليل ظلام ما بعده نور ...بلا هدف..حرماني من اهم حق كان قاضي لمستقبلي ...ربي لا اعتراض على حكمك بس شنو بعد عيشتي اني ...اشوف نفسي بيه عوق ونقص عن باقي الناس ..وصلت ودرست ومشت الحياة وياي بس بقيت بحاجة ...الانسان يبحث دومه عن الكمل وماكو احد كامل ويمكن اني اكثرهم نقصا ...تقلبت لساعات طويلة بفراشي بهاليوم ..صديقتي من الطفولة حتتزوج ..اروح للعرس لو ما اروح ..اقطع علاقتي بيها من هسه احسن حتى لا بعدين انحرج بمواقف جربتها مسبقا...
نمت قريب الفجر بعد ما راسي موتني والصداع اتعب جفوني ما راح اداوم لا يمكن اداوم بس اخذ اجازة وارجع لبيتنا
...
كنت واكفة تعب بعدد ما صابني اعياء من شدة تعبي ومرضي بهاليوم ..هسه شكو اجيت للدوام واني بهالحال ولا ابطل من غبائي ...الحمد لله اكو من يساعدني وعلاقتي بزملائي بالعمل جيدة جدا ...رجعت الي صديقتي ست وسن وراها اخوها ..راحت تصيحه يوصلني
صعدوني بسيارته هي وام محمد وضلوا يحجون عليه شلون اداوم واني بهالحال ...ما صار هواي من سويت عملية المرارة وبعدني تعبانه على اثرها ومنا ليلة البارحه ما نايمه التمت علي وجع راس وغثيان وكل شي مزعج
صعدت بالسيارة بعد السلام وكعدت بمكاني وره وست وسن صعدت يمه ...كنت متعبة لدرجة ما كدرت ارد حتى على كلامها وياي وهي تعرفني على اللي كاعد يمها ...
وصلنا بسرعة لباب اهلي وامي لكيتها بأزار صلاتها بالشارع ..نزلت واجتي فحطانه عليه ...مسكينة ام تبتلى ببنت مثلي ...حضنتني جوه ابطها وضمتني لجانبها مثل دجاجة ويلجأ الها صغارها تحت جناحها هيج امي تلمني ...احس روحي كتكوت ولو هو لقبي وعلاقتي بيها وكل تفاصيل حياتي اني كتكوتة البيت وحبيبتهم ...طلعوا اخواني الكبار حامد واحمد يتشكرون من الولد ويعزمون بيهم يدخلون للبيت واخوها لست وسن رفض يفوت جوه
دخلت للبيت برفقة الحشد الجماهيري اللي استقبلني بره امي واخواني واطفالهم ..اذل كل واحد منهم سأل سؤال حيرجع راسي يوجعني وصداعي التوتري حيفلشني خلي افلت قبل لا يبدون بالاسئلة
صعدت ركض لغرفتي وقفلت بابها عليه وكعدت اتهرب مثل اغلب وقتي بالاونه الاخيرة ...احب اكعد وحيدة واعتاديت هالعزلة ما اريد اسمع كلام زوجة حامد اللي مثل السم اللي بكل وقت تذكرني بنقصي وكأن هالشي بيدها وبيدي ..رب العالمين كتب الي هالحياة وواثقة بربي حيعوضني ولو بعد حين
كنت ابجي وابجي ساعات لحد ما تمل دموعي مني بالبداية ...بديت اتقبل الواقع واواجه حياتي الجديدة ووضع جديد ..بديت اتقبل فكرة عدم اعتمادي على بشر واذب حمولي يم رب العباد بدعاء وتضرع لشفاء روحي وطيب نفسي ....كنت افكر لو غمضت عين امي او والدي صار اله شي ...شنو مصيري ووين اروح ...اخواتي تزوجن واخواني كلهم الهم عوائلهم الا اني ما الي هدف ولا غايه وصرت لحوحة بدعاء ما يتناسب ويه وضعي اطلبه من ربي من شدة حاجتي رغم اعرف بي ما يصير ولا حيصير...ادعوه دائما بدعاء نبينا ربي لا تذرني فردا وانت خير الوارثين.....💔💔
......
واقفة بملابسها خجلة ...قطرات الماء تنساب من خصلات شعرها الاسود وتنزل لتغسل اشتعال ملامح جسدها الطري ...لوحه ابدع الرب بتفاصيلها ملامح الاسيوية ويه جرة العيون والرموش السود الطوال وبياض بشرتها الاصفر الصافي ...تفاجأت بوجودي بالغرفة وكأنها انصدمت ليش مو هذا مكاني وبيتي وين ما اريد اكون
سنوات عطش عجاف مرت بحياتي وكأن ربي ذكرني وخصني بالنعم لما خلاها بدربي ..مدللة اهلها وحبيبتهم وكسرة خاطرهم...اتمتع بيها حلالي ...ارتجافة شفايفها زادتني اصرار على اكمال خطأ افكاري وجريمتي بحقها ..دموعها وتوسلاتها خلتني اكون اقسى معاها ومن خلفي جيش مؤيد لافعالي ومبرر لجريمتي
...منو حياخذها غيري ومنو يرغبها فتاة منعزلة اهلها يخافون على احساسها بشدة تنجرح من نسمة هوا وتخاف من كل شي ...فاقدة للكثير وما تتأمل من حياتها شي واني يمكن اكول افضل فرصهااا ... استغليتها ببشاعة وتبعت غرائز الحيوان بداخلي وياها....ما همني احساسها المرهف ولا قلبها المتوجع ..ما همني اللي ممكن يصير بيها تمتعت بحلالي بوحشيية وخربت كل ما تملك.............
كان وقت طويل وكفت بمكاني اتأملها وهي تبجي بتألم وتلطم كل شويه خدودها وكأن ارتكبت اثم عظيم شنو اللي صار وشكو تعترض ...زوجتي هي واللي سويناه حلال ..... يمكن حلال لا هو اكيد حلال سألت واستشرعت وكالوا حلال ماكو خلاف شرعا اذا كان برضاتها وموافقتها!!!موافقتها او موافقة ولي امرها !!!خلي يولون يكدرون ما يوافقون بليلة ظلمة اهججهم كلهم واليطلع وراهم👿
