تأخرت عليكم هم ادري🔪🔪
اخاف احد يفكر يحجي😈
بشرى :
اجاني الفرح دفعات وره ما صرت حامل ...ومبين هالطفل بداية خير وحياة طيبه الي ...يوميه اكمش بطني وابتسم بفرح واني اباوع عليها تكبر شويه شويه صح ما مبينه للاخرين بس اني كلش زين دا اشوف الفرق والتغيير بجسمي ...
ابني او بنتي اللي ببطني حيكون المستقبل كله وان شاء الله يكون مستقبل حلو احلى من ماضينا الصعب ...
بهاي الاحداث ياسر يوميا او بين يوم ويوم يجي وبعد العزومه اللي سووها صار يفوت الي للبيت وللغرفه مالتي يشوفني لان مو بس وياي اشتغل دور الحنين ...قلبه لاخويه حامد لصفه وكام يهلي ويرحب بي بعد ما كان ما يطيقه ...اشراق وحامد بهالفتره تقاربوا حيل والحجة اني كلها صارت تتحجج ببشرى ..ياسر يجيب ملك الصبح وياخذها بالليل بحجة تبجي على بشرى وتريدها ويلزك ويزعجني مرات اريد اهدا ما اكدر وتصير عندي تقلصات بسبب عصبيتي بسببه
..حامد يفوت توالي الليل غفله علينا باليل يسهر ويانا ويشبع شوف من زوجته القريبه البعيده ...يكعدون والنظرات تتطاير من يمي واحد للثاني لو بيدي اكول الهم اكوم اطلع تاخذون راحتكم ...الفطيره اشراق ما تسد الحلك تبقى مبتسمه وهو فرحان بالتغيير
كملت خامس شهر بحملي يمهم وكام ياسر كل ما يجي يكول الهم اخذها يمي وامي تتعذره على كلامي وياها ...ما قبلت ارجع وصار يجي بس يتحاشى الكلام وياي ما ارد عليه لحد ما يوم ما تحمل سكوتي وعصب
-بشرى شلون وتالي وياج
-التالي ربه عالي ...رجعه ما ارجع وانتهى
-الجهال ما يكدرون افهمي بنتي تتخبل لو يومين ما جبتها لهنا وانت ما ورضين ترجعين
-ولا راح ارجع
-شنو قصدج
-اتطلك !!
-شوفي حتى ما راح اناقشج هسه بهالموضوع انت تعبانه نفسيا والحمل مأثر بيج هسه اولدي ويصير خير
-شنو قصدك
-ارجعج بشرى!! ...ارجعج!!
كام وكف ويه كلامه الاخير اني من العصبيه جسمي كله يرجف بيه طبع ما اتحكم بنفسي من اعصب اضل انفض نفض
كعدت نفسي وتعدلت وشربت ماي لان توترت حيل بوجوده يمي ..هو شافني هيج ثنى ورجع كعد مقابيلي بس اني وهو بالغرفه واشراق تعوفنا من يجي تروح بره البيت
-شبيج عيني بشوره
-ما بيه روح بعيد عني
...جر ايدي سحبتها ...اني شربت الماي وبطني ومعدتي كلبت ما الحك بعد اروح للحمام وارد كمت للسله اللي بالغرفه وذبيت من راسي بيها ...هو لاحكني واني مختبصه روحي اريد اعيط بي وما الي قابليه بعد ...كعدت بمكاني وهو كام يفرك بايديه ورجليه اللي تجمدن احسهم
وكفني بحذر واخذني للفراش او بالاحرى معلكني بايده وهو محاوطني ..نيمني بمكاني وجر مخده ورايح لرجليه يريد يشيلهم واني ابعد بايده لا يطخني وهو يبعد ايديه ويشلهم ويحط مخدات جوه رجلي واني ادفع بايديه علكهم ونومني بغصب واني اكره هالاسلوب كلش ودي اعانده بس حيل ماكو يعين ...طلع صاح لاشراق واجتي يمي والظاهر هو راح
