لسان حال بشرى بقصيدة الشاعر كريم العراقي هذه شغلوها خلال قراءة البارت كلها طاقة ايجابية ونصح🌺🌺
فديت شاعرنا العراقي ❤ خصوصا لما يكول
..هل المواساة يوما حررت وطنا😥
ام التعازي بديل ان هوى العلم 😏
.....
من يندب الحظ يطفئ عين همته 🖤
لا عين للحظ ان لم تبصر الهمم😌
كم خاب ظني بمن اهديته ثقتي😕
واجبرتني على هجرانه التهم🥺
بشرى:
بقيت بالغرفه ساعات وهو ماكو ..غرفته اللي كنت اتجنب افوتها واخاف من تهم يلقيها على مسامعي لو عبرت الها ...ياسر نحس بكل شب ونحاسته خلتني اتجنبه حتى ملابسه وحاجاته اضل احجي ويه ساره تصعد تجيبهم وتصعدهم ...تمددت بالسرير الواسع الدافي لو كان ادمي كان هسه هذا فراشنا المشترك بس اللي مثله انام بالشارع ولا اتوسد وسادته...بطني كامت توجعني من الجوع والعطش حتى موبايلي مو يمي واتصل باهل لو اشكي لاحد ...البجي اللي بجيته كفيل يخليني اكره ياسر عمر كدام ..غفيت بافكار مزدحمه ودموع
بين حلمي واليقظة حسيت بملك حشكت روحها بحضني تشهك وتبجي نامت بسرعه بس خلت راسها بصدري واني امسد براسها وابوسها محد كاسر خاطري الا هي تعلقنا ببعض لدرجة ..شلت راسي جدتها جايبتها وكاعده منتظرتني انيمها وتريد تحجي وياي ...
وكفت ومشيت وراها طلعنا الغرفة بهدوء
-صارلها ساعتين تبجي عليج
هزيت راسي وكمت توجهت للباب اطلع وهي لحكتني
-يمه عليش هيج تسوين والله ابني واني اكولها الج طبعه خ....اكعدي واستهدي بالرحمن ما يصير الا اللي بخاطرج شتريدين الج لخاطر هالطفله...شنسويله تخبل بعد
-حجيه من اجيتي خطبتي ما كلتيها هاي ..كلتي ما يريد يتزوج ما كلتوها ما مقتنع بيج وما يريدج انت... عتبي مو عليج عتبي على صديقتي واللي احسبها مثل اختي وسن اللي غشتني
بين كلامي لامه دخل للغرفه وكام يحجي بعصبيه وتهجم
-شتريدين هسه انت..هاا شرايده
الام:روح اطلع ياسر
-تطلكني وارجع لاهلي
-ولج شطلك كل عقلج انت
-اي
-ماكو شيليها من راسج هاي
-اريد اروح لاهلي
الام:وين رايحه يا بنتي اكعدي ونتفاهم
-يلا كومي تدللين اوديج الهم كومي بدلي للجهال وروحوا وارجعكم باجر
-انت شبيك انت..عمه اني ما اتفاهم وياه بعد ويطلكني
-دا اكولج طلاك ماكو الحجي ما يرضى لو عليه سبع حجارات اشمر وراج
-وانت ما عدك راي...طلكني انت لو...اجيت اكوله مو رجال واستصعبتها وهو وكأن فهمها من خزرته
-لا تتجاوزين يولي تره كوه متحملج والله
-طلكني وارتاح
-والجهال
-جهالكم
سكت واشوف وجهه كام يريد يطك من العصبيه ما اله يمي شي
نزل ويعيط على امه مو كتلج ما تكعد عليهم كلتي لا ما تخلف وتكيف
-ولك يمه غير هي زوجتك وتكعد شنو بنات الناس لعبه حرام عليك ...انت ماخذها شنو تخليها مزهريه
