_انا تعبت بقي هو انا ليه بيحصل فيا كده عملت ايه في حياتي بس يارب علشان ده يحصلي
_استغفري ربنا يانوران ومتقوليش كده تاني انتي معملتيش حاجه وحشه في حياتك ياقلبي بس ده اختبار من ربنا ليكي
_استغفرلله العظيم من كل ذنب عظيم
انا تعبت يارانيا
_عارفه والله وحاسه بيكي كمان بس ده اختبار من ربنا ليكي لازم تستقوي وتصبري ياقلبي وانا متأكده ان ربنا هيعوضك
_عندك حق طيب قوليلي اعمل ايه
_انا قولتلك رأي قبل كده وهفضل اقولهولك انتي غلطاااانه ومليون غلطانه الحب مبيذلش يانوران الحب لو ذل ميبقاش حب ولا ينفع يتسمي حب الحب بيقوي بيخليكي اقوي من قبل كده لاكن مبيذلكيش ولا بيضعفك ومعلشي متزعليش مني انتي اللي سمحتيله بكده لما سمحتيله يضربك وسمحتيله يعرف بنات عليكي وسكتي جايه دلوقتي تشتكي وانتي اللي قبلتي بالوضع ده قبل كده
_عندك حق بس انا كنت فاكره اني كده بحافظ عليه
_نوران انتي غاليه افهمي ده كويس لازم انتي اللي يتحافظ عليكي ياحبيبتي مترخصيش نفسك علشان انتي اللي هتندمي لما تتجوزيه ويصبحك بعلقه ويمسيكي بعلقه وتخلفي عيال وتخليهم معقدين نفسين لما يشوفوه بيضربك حبيبتي لازم تبصي لقدام تبصي هو ده اللي هيكون قدوه صالحه لعيالك هو ده اللي هيعيشك حياه سعيده وهيحافظ عليكي ولا لا
_عندك حق بس انا معنديش الجرأه اني اسيبه انا بحبه
_ياشيخه ينعل ابو الحب اللي يذلك ويضعفك انتي بتتكلمي في ايه فكري في بكره وفي حياتك بعد متتجوزيه اذا كان لسه خطيبك وبيضربك وبيهزقك امال لما يتجوزك هيعمل فيكي ايه بقي بزمتك هو ده اللي هيكون راجل ليكي هو ده اللي هيكون اب صالح لعيالك
انا ماشيه انتي رفعتيلي الضغط والمصحف انا همشي احسن علشان انا كفايه عليا اللي في بطني ده مش هيبقي هو وانتي
ضحكت انا بحب وقولتلها_صحيح حبيب قلب خالتو عامل ايه
_زعلان منك اوي ياخالتو علشان مبتسأليش عليه ينفع كده
_لا لا
_طب يصح كده
_لالا
_شوفتي بقي انتي غلطانه اد ايه
_شوفت ياختي اوعي بقي لما ابوسه حبيبي ده
_بوسي ياختي بوسي انتي تبوسي وانا اتوجع
_معلشي كله يهون علشان حبيبي ينور الدنيا كلها قدامك اد ايه صحيح وتولدي
_لسه بدري حوالي كده 5 شهور
_اشطا ياقلبي يلا روحي بقي علشان جوزك
_ماشي ياروحي
_ خلي بالك علي نفسك وعلي حبيب خالتو
_حاضر ياخالتو
ومشت رانيا وعلفكره رانيا صحبتي وعشرة عمري مش اختي بس انا بعتبرها اختي المهم بعد ما مشيت جالي تليفون من خطيبي فرديت _الو
بزعيق قالي_ساعه علشان تردي ياهانم
_كنت بسلم علي رانيا علشان كانت مروحه
_اي كان اللي في ايدك لما ارن في ثواني تردي عليا والا انتي عايزه تضربي تاني
قولتله بدموع _انت ايه بقي يااخي انا تعبت والله تعبت وكل يوم اقول هتتغير هتتغير وانت مبتتغيرش ينعل ابو ام الحب اللي يذل بالمنظر ده انا خلاص مش عايزه اكمل معاك وحاجاتك بكره كلها هتوصلك
وقفلت التلفون من غير مسمع رده وقعدت اعيط كتير اووي لدرجة اني نمت من كتر عياطي ومن غير محس كمان
صحيت تاني يوم وقولت لأهلي اللي طبعا اعترضو بس انا كنت مصممه فقدام تصميمي وافقو وروحت شغلي وقررت اني ههتم بشغلي وبس واني غاليه ومش هرخص نفسي تاني مهما يحصل وعدي 5 شهور وجه يوم ولادة رانيا
اول مجوزها كلمني طلعت جري علي المستشفي كانت هي جوه فضلت اعيط بخوف عليها لحد ملقيت الممرضه طلعه وهي ماسكه حاجه صغيره كده وملفوفه ومدت ايديها ليا فمديت ايدي وشيلته ودموعي مغرقاني يااه علي الجمال والنعومه فضلت ابوسه واحضنه ومردتش اديه لأبوه لحد مطلعت رانيا من العمليات وفضل هو في حضني برضو حتي بعد مفاقت قعدت تتحايل عليا علشان ادهولها وانا ابدا لدرجة انها كانت هتعيط وانا ولا اتهزيت وفضلنا علي الحال ده لحد ما الدكتور دخل ولما شاف الموضع فضل يضحك وقالي_حرام عليكي دي فضلها شويه وتعيط طب لو بتحبي الاطفال اوي كده اتجوزي وخلفي بصتله ببراءه وقولتله_لا انا عايزه ده فضل يضحك كتير اوووي وقالي_ طيب نتفق اتفاق هاخده منك ادهولها ترضعه بس علشان هو جعان وهجبهولك تاني قولتله_بجد هتجيبه
هو بضحك _علفكره هو ابن صاحبتك او اختك يعني معاكي علطول
_تصدق صح
_شوفتي بقي يلا اديهولها بقي
_ماشي
وروحت عطيتهولها وهي بصالي بغيظ حسيتها عايزه تقتلني الله وانا مالي يالمبي مهو اللي سكر كده ويتاكل اكل المهم فضلت عماله ارخم عليها وهي رضعته من هنا واخدته منها غصب عنها وفضلت ابوس فيه لغايه ما عيط لقيتها بتقولي
_عجبك كده اديه عيط
_الله وانا مالي انا عايزه ابوس
_يابنتي كفايه حرام عليكي الواد زهق
_لا وايه رأيك بقي اني انا اللي هسميه
_كمان
_اه وهسميه امممممممممممم يوسف علشان ادلعه اقوله يا چو
_انتي كل اللي همك الدلع صبرني يارب
بس ماشي ياستي هسميه يوسف
_هييييييييه ايوه بقي ياچو
بعد شويه دخل احمد جوز رانيا وهو برضو بيبصلي بغيظ مش عارفه عملتلهم ايه انا بس المهم لقيته بيقولي بغيظ وعينه هطق شرار جيلك عريس
_مالك في ايه هدي اعضائك كده ده انت جايبلي عريس حتي
_بت اخرسي خالص علشان انا مش طيقك مش كفايه مشلتش ابني لحد دلوقتي
_مش لازم تشيله المهم انا شيلته
_اه هتشليني والمصحف ربنا يكون في عونه اللي هياخدك
_عارفه عارفه هيدخل الجنه علشان هيستحملني
_كويس انك عارفه
_المهم قولي مين العريس
_الدكتور زياد ياستي
_ابو ضحكه جنان
_انتي كمان بتعاكسيه قدامي طب اطلع اقوله انك مش موافقه
_لا لا اهدي بس يارمضان خلاص هبقي اعاكسه في سري وامري لله
_بت اخرسي احسن وعلي العموم انا اديته رقم والدك
فضلت اضحك وارخم عليهم وبرضو مخلتهمش يشيلو يوسف وفضلت انا شيلاه وعماله ابوس فيه وبعدها روحنا علي رانيا وقعدت معاها اسبوع طبعا بعد مستأذنت بابا وبعد مرجعت من عندها علي عيني والله اسيب يوسف ده بقي حته مني المهم رجعت وانا زعلانه وعدي يومين وبابا بلغني بالعريس اللي هو الدكتور زياد المهم وافقت وجه وقعدنا مع بعض وصليت استخاره وحسيت نفسي مرتاحه جدا فوافقت واتخطبنا وبجد كان عوض ربنا ليا تصدقو خلاني احبه اهتمامه بيا وخوفه عليا وحبه ليا كل دول خلوني حبيته ومعاه بقي عرفت يعني ايه حب ويعني ايه كرامه ويعني ايه اني غاليه وبعدها اتجوزنا وانا بحمد ربنا عليه وطبعا يعني مطلعه عينه بجناني وبتعلقي بيوسف اللي زاد اكتر لدرجة اني لما بروحلهم مبخليش حد يقرب منه بفضل انا العب واعمل معاه كل حاجه واعمله كل حاجه هو كمان علفكره بيحبني اوووي ومتعلق بيا يمكن اكتر من امه كمان وبعد جوازنا بكام شهر اكتشفت اني حامل كنت فرحانه اوي وفرحت اكتر لما شوفت فرحته هو اغلي حاجه في حياتي هو اللي سكن قلبي هو عوض ربنا ليا ومفيش احلي من دا عوض وعشت حملي معاه بجنوني المعهود اللي معرفش بجد هو مستحمله ازاي اصلا ربنا يكون في عونه بجد يعني ورانيا بقي كانت جمبي في حملي وفي ولادتي هي اختي اللي مطلعتش من الدنيا غير بيها ويوم ولادتي رانيا الرخمه ردتلي اللي عملته في ولادتها بس انا طبعا مجنونه فقومت من السرير وانا بصوت وجبتها من شعرها لغاية معطتني بنوتي وفضلت ابوس فيها مهو انا بعشق بوس الاطفال بحب ملمسهم الناعم اوي وبحب برائتهم المهم بقي اني واخيرا كونت العيله الصح واختارت لعيالي اب هيكون قدوه صالحه ليهم وهيربيهم معايا التربيه اللي بتمناها لعيالي وهفضل طول عمري اشكر ربنا علي عوضه اللي بجد مفيش احلي من دا عوض
وكده خلص الاسكريبت التالت مستنيه رأيكم فيه
أنت تقرأ
اسكريبات بقلمي Menna Mohamed
Short Storyاسكريبات كتيره بقلمي عايزاكم تقروها ومستنيه رأيكم فيها يارب تعجبكم
