ورجعت انا للبيت لوحدي غيرت هدومي ونمت وصحيت تاني يوم علي رنة التليفون والمفاجأه اني لقيتها هي اللي بتتصل خوفت يكون حصلها حاجه فرديت علطول سمعت صوتها بتعيط جامد اووووي وبتقولي _الحقيني يارغد بسرعه الحقيني
_ايه فيه ايه طيب طمنيني
_تعالي بسرعه علي مستشفي...........
_طيب طيب دقايق وهكون عندك
قومت بسرعه ولبست وجريت علي المستشفي لقيتها قاعده وبتعيط جامد اووي جريت عليها وحضنتها لقيتها فضلت تصرخ بوجع لحد موقعت من طولها فضلت اصرخ انا لحد ما الممرضات جم واخدوها لاوضه الكشف وعرفت انها عندها انهيار عصبي فضلت اعيط وانا مش فاهمه حاجه اصلا خرجت من عندها وروحت لاخو يوسف
_ايه اللي حصل ياسيف
_كل اللي فهمته من رهف انها طلبت من يوسف علي الفجر ينزل يجبلها شكولاته وبعد منزل بنص ساعه حست انه اتأخر فتصلت بيه جرس ومحدش رد وبعدها حد كلمها وقالها انه في المستشفي فقالتلنا وجينا علي هنا ولما جينا بقي قابلنا راجل وهو اللي قالنا انه خبطه بالعربيه بس الغلط علي يوسف مش علي الراجل بس ومن ساعتها وهو في العمليات بين الحياه والموت
فضلت اعيط وانا بقول من جوايا مش مكتوبلك الفرح ابدا يارهف
_ممكن تبطلي عياط انتي مفروض تكوني قويه علشان تقويها
_حاضر هحاول
_مفيش حاجه اسمها هحاول في حاجه اسمها هنفذ
_حاضر هنفذ حلو كده
_ايون حلو كده يلا بقي ادخلي اقعدي جمب رهف وانا هطمنك علي يوسف لو فيه جديد
_اشي عن اذنك
_اتفضلي
ودخلت جوه وانا حاسه قلبي بيدق ياخرابي ياخرابي ياعم انت كفايه دق بقي هتموتني اخرس اخرس واخيرا وبعد محاولات عديده هديت قلبي بس استغربت اوي دقاته دي بس محطتش في بالي و روحت عند رهف وبوستها بهدوء وفضلت بملس وبطبطب بهدوء علي شعرها لحد ما عدي ساعات كتير وحسيت بحد بيخبط علي الباب فقولت_اتفضل
دخل هو بحلاوته وبطعامته دي وقالي_الحمدلله الدكاتره طمنوني ان الخطر عدي وحاليا هيتنقل لاوضه عاديه
_الحمدلله والشكرلله
صحيح امال مراتك فين انا مشوفتهاش خالص
_انا مش متجوز انا مطلق
_بجد
ضحك هو وقالي_اه والله بجد
_طيب امال حمزه وزياد فين
_سيبهم مع المربيه بتاعتهم
_وانت ازاي تأمن للمربيه يعني
_هعمل ايه بس هو كان فيه حل تاني ومخترتوش المهم لما تصحي هاتيها تشوفه
_حاضر
وخرج هو من الاوضه وفضلت انا بفكر فيه كتييير وبعد ساعه صحت رهف وقعدت تصرخ وتزعق ومهديتش غير لما قولتلها انه بقي كويس حتي هي ساعتها بصتلي بشك كده وقالتلي_بجد ولا بتكذبي عليا
_بجد والله حتي تعالي معايا اوديكي للاوضه اللي اتنقل فيها
واخدتها وروحت سألت علي رقم الاوضه مهو اصله الغبي التاني نسي يقولي الرقم وبعد معرفت رقمها روحنا علي الاوضه وانا سانده رهف
_الف حمدلله علي سلامتك يايوسف
ساعتها هو بصلي وابتسم بجهد وقالي بهدوء وبتعب_الله يسلمك يارغد
لما رهف سمعت صوته كأنها ساعتها بس تأكدت انه عايش ولقيتها جرت عليه وارتمت في حضنه وهو حسيت ان اتوجع من اندفعها بس تكلمش وحضنها وفضل يطبطب عليها حسيت انه محتاج يتكلم معاها لوحده ويقعدو يحبو في بعض شويه فشاورت لسيف وطلعت وهو طلع ورايا
_ايه شاورتيلي ليه
_هو انت ايه مش حاسس انهم محتاجين يبقو لوحدهم ولا ايه
_تصدقي عندك حق
_شوفت بقي المهم روح يلا للولاد متسبهومش لوحدهم كده
في نفس الوقت اللي نطقت انا الجمله دي رن تليفونه فرد بهدوء وبعدها وشه اتقلب وطلع يجري جريت وراه وقولتله _ايه في ايه طمني
_حمزه تعبان وسخن وزياد عمال يعيط وخايف
_طيب يلا بسرعه نلحقهم
وركبت معاه العربيه وانا عارفه ان ده غلط بس مكنتش قادره افكر اصلا واخيرا وبعد دقايق وقف قصاد عماره شكلها لذيذ وتدخل القلب علطول ونزل هو يجري وانا نزلت قبليه وطلعنا علي فوق جري واخيرا وصلنا الشقه فطلع المفتاح وفتح الباب ودخلنا بقي لقيت زياد بيجري علي سيف وبيحضنه وهو بيعيط ولقيت سيف بيبصلي بحيره معناها اعمل اسه اهدي ده ولا ادخل ابص علي التاني ساعتها قولتله
_متقلقش هدي انت زياد وانا هدخل اطمن علي حمزه
وجريت علي جوه من غير مسمع رده لحد ملقيت حمزه نايم في سرير وبيعيط والمربيه مش موجوده اصلا جريت عليه وشيلته وانا بحاول اهديه واخيرا نجحت وهديته وبعدها قست حرارته لقيتها عاليه شويه فأخدته ودخلت حميته علشان السخونيه تنزل وبعد ما لبسته اخدته في حضني تاني وكتبت اسم دواء علي ورقه وحاولت انيم حمزه علي السرير لحد مدي لسيف الورقه بس هو رفض وحضني اكتر فنديت سيف لحد مقالي ثواني جاي ولما جه قال
_ايه عامل ايه حبيبي هاتيه
_مش دلوقتي انزل الاول هاتله الحقنه دي
_حاضر
ونزل جري استغربت اني مش سامعه صوت زياد فنديته لخد ملقيته جاي بهدوء فقولتله
_ايه ياقلبي قاعد لوحدك ليه
_كده انا مبحبش اقعد مع حد معرفوش
_طيب ايه رأيك نتعرف
_لا انا كل مبتعرف علي حد بيسبني يااما بيضربني
_ياروح قلبي متخفش انا لا عمري هسيبك ولا هضربك ايه رأيك بقي
_مش عارف
_صدقني مش هتندم
_ماشي تعالي بقي هات حضن ونتعرف علي بعض
جري عليا وحضني ببراءه حبيتها اوي ولحد مجيه سيف كنت انا اتعرفت عليه وخليته يتعود عليا كمان ولما دخل سيف الاوضه
_يعيني يعيني ده من امتي ده ياعم زيزو ده انت مبتتكلمش مع حد خالص
_اصلي حبيت طنط اووي يابابي
_ياقلبي وانا كمان حبيتك خالص يلا بقي روح العب في اوضتك وانا شويه وهاجي العب معاك
_حاضر
وجري زياد علي اوضته واخدت الحقنه من سيف وعطيتها لحمزه واخدته في حضني وقعد اقراله قرأن لحد منام وحطيته علي السرير وطلعت بره لقيت سيف قاعد ولما شافني قالي_نام
_اه متقلقش لما يصحي هتكون السخونيه راحت
_يارب ان شاء الله هو انتي دكتوره
_اه انا دكتوره متقلقش
_تمام
_همشي انا بقي
_لا كده زياد ممكن يزعل منك روحيله الاول
_لا انا مقدرش علي زعل زياد حاضر هروحله
وروحت لزياد وبوسته وسلمت عليه وروحت المستشفي ودخلت اوضه يوسف لقيته نايم ورهف نايمه في نفس الاوضه علي سرير تاني واضح انها طلبت من الممرضين نقله لما شوفتهم نايمين خرجت وقعدت علي الكراسي لحد مغلبني النوم وانا قاعده وصحيت علي هزات فبصيت قدامي ولقيت سيف
_سيف في ايه
_انتي ايه اللي منيمك كده
_كنت قاعده عادي وراحت عليا نومه
_تمام
وعدي اسبوعين بحالهم وخرج يوسف من المستشفي بعد ان فك الجبس واخد مراته وراحو علي شقتهم وساعتها سيف قالي
_عايز اتكلم معاكي في موضوع مهم
_اتكلم طيب
_لا نروح نقعد في حته احسن
_رغم اني مبقعدش مع حد لوحدينا بس ماشي هعديها المرادي اتفضل
_تمام يلا
واخدني وروحنا قاعدنا في مكان هادي واول مقعدنا قالي
_تتجوزيني
_نعم
_هو ايه اللي نعم ياهبله انتي بقولك تتجوزيني
_مش عارفه
ضحك جامد وقالي بمشاكسه_طيب وناويه تعرفي امتي
_برضو مش عارفه
_انتي علقتي ولا ايه لا انا عايز رد
_موافقه
_تمام وطالما كده اسمعي بقي لانك من حقك تعرفي طليقتي دي انا كنت بحبها قبل الحواز وبعد متجوزنا كنا ديما في مش متفاهمين ابدا بس للاسف في نفس الوقت اللي كنت بفكر فيه في الطلاق عرفت فيه انها حامل فسكت لاني مكنتش عايز ابني يعيش مشتت المهم فضلت مستحمل بس لقيتها عصبيه بطريقه فظيعه وبتضرب زياد من وهو لسه شهور فهمتها انا متمدش ايديها عليه تاني وقالت حاضر وفي الوقت اللي بكون فيه في البيت هي بقت فهلا مبتمدش ايديها لحد لحد بقي مخلفت حمزه وهي العصبيه زادت وفضلت تقول في كلام يجرح وانها مش ناقصه قرف ومش هتشيلو ومش هترضعه وفي يوم بقي بعد مولادتها بيومين نزلت اجيب حاجه وقولتلها انتي هتأخر بس اشتريت اللي عايزه اجيبه بدري وروحت ولما طلعت الشقه ودخلت علي غفله لقيتها جايبه الشطه وزياد عمال يعيط ويقولها اثف يامامي مث هعمل كته تاني وهي تشخط فيه وتفتح في بقه علشان تحط الشطه وفعلا حطيتها وانا باصص بصدمه وابني قدامي عمال يعيط ويصرخ وكانت دي بقي زي مبيقولو القشه اللي قطمت ضهر البعير اتخناقت معاها وطلقتها ومن ساعتها وهي حتي مطلبتش تشوف عيالها انا عيشت علشان عيالي مستعده تيقي ام تانيه ليهم ولا لا
قولتله بدموع_مستعده وهعوضهم عن كل حاجه شوفوها
_طيب يلا بينا
_علي فين
_قومي بس
وشدني وخلاني ركبت منغير معرف في ايه وجري بينا علي شقة يوسف وفضل يخبط لحد ميوسف فتح وانا بضحك علي جنانه المهم دخل وفضل ينادي علي رهف لحد مطلعت وطلب ايدي منها وهي وافقت بضحك علي جنانه وعدي شهر علي اليوم ده وجه يوم فرحي وكنا في الكوافير وقت مدخل عليا سيف وهو ماسك زياد في ايده وشايل حمزه علي ايده ولما شفوني جري زياد عليا وحضني بسعاده ففي الشه ده انا اتقربت جدا منهم وحمزه فضل يعيط ومسكتش غير لما شيلته ساعتها قعدت علي كرسي واطي وحضنت زياد وقولتله بحنان من النهارده انا اسمي مامي ماشي يازيزو
زياد ببراءه وسعاده_ماشي يامامي
حضنته بسعاده علشان سمعت منه الكلمه دي وبعدها بصيت لحمزه اللي بيتابعنا بسهوله وقولتله_ يلا انت كمان قول مامي
لقيته بصلي باستغراب للكلمه ديه ففضلت انا اضحك واردد الكلمه دي لحد مسمعته قال بسعاده_مااااااا ماااااااا
لما سمعت الكلمه حسيت بسعاده الدنيا دي كلها حضنتهم اوووي وقولتلهم ربنا يحفظكو ليا من كل شر ياروح قلب مامي
ساعتها حسيت بحد بيحضنا كلنا وبيقول بسعاده وحنان ربنا يباركلي فيكو كلكو وتفضلو ديما منورين حياتي
ساعتها لما سيف قال الجمله دي حضنته جامد اووي وزياد كمان حضنه وانا شايله حمزه اللي عنده سنه وشهرين واتصورنا احلي صوره واحنا مع بعض وفي حضن بعض كعايله واحده سعيده ومهما كان مين مش هيقدر يفرقنا
وبكده خلص الاسكريبت 5 المهم بقي متكنوش زهقتو والمهم اكتر يكون عجبكم متبخلوش برأيكم عليا لان بجد رأيكم ده هو اللي بيخليني اكمل في الكتابه وبيشجعني وبيفرحني كمان اه ومعلشي علي الاخطاءات الاملائيه بس الفون بيهنج والكيبورد بيكتب علي مزاجه فمعلشي بقي خليها عليكم دي مستنيه رأيكم فيه واي حد يقرأ الاسكريبت ويعجبه ياريت يقول رأيه وعايزه اعرف ايه رأيكم في الاسلوب والاسكريبات كلها واللي عنده نقد يقول انا بحب النقد جدا طالما بأسلوب محترم
دمتم سالمين ومتابعين
أنت تقرأ
اسكريبات بقلمي Menna Mohamed
Short Storyاسكريبات كتيره بقلمي عايزاكم تقروها ومستنيه رأيكم فيها يارب تعجبكم
