_بحبه والله بحبه ياناااس طب قولولي كده اعمل ايه انا ها هاا اقتل نفسي ولا اروح اعترفله
_انتي اتجننتي يا ليلي ولا ايه بقيتي بتكلمي نفسك كمان لا لا ده انتي الحاله زادت اوي عندك
_مهو السبب ابن الجزمه لا لا عيب اشتم حماتي اشتم ابنها بس
_هههههههههه يخربيتك ياليلو انتي كمان خلتيها حماتك
_ايوه الله بعتبار ما سوف يكون يعني
_اتنيلي ده اذا حصل يعني
عيني دمعت كده وقولتلها_ليه بتقولي كده يا مريم
_علشان هو سافر ياليلي
_ايه سافر فين قصدك يعني يومين وراجع
_لا سافر 3 سنين بره مصر
_انتي بتكذبي عليا صح
_لا والله ده اللي لسه عرفاه من سيف خطيبي
_طيب سبيني لوحدي لو سمحتي يامريم
_مش هقدر اسيبك وانتي في الحاله دي اهدي علشان خاطري
_لو بتحبيني بجد سبيني لوحدي يامريم علشان خاطري
اتنهدت بقلة حيله وقالت:حاضر
وخرجت وسبتني وساعتها بس انهارت انا بقالي سنتين بحبه وهو مش حاسس ودلوقتي كمان هيسافر طب اعمل ايه وهعيش ازاي من غير مشوفه انا اه مكنش ليا كلام معاه بس كفايه عليا اني بشوفه وهو بيضحك وبيهزر مع سيف خطيب مريم اصله صاحبه من سنين اوي انا اصلا عرفته عن طريق سيف ومن اول مره شوفته فيها وانا قلبي دقله مش بأيدي والله وحاولت كتير اطلعه من قلبي بس عمري معرفت اعملها بس للاسف دلوقتي لازم اعملها ومع اول عريس ليا هوافق علشان انساه واطلعه من حياتي
بعد شهرين من اليوم ده اتقدملي دكتور وافقت عليه وجيه وقعدت معاه واتكلمنا هو كويس ومحترم بس انا مش لاقيه نفسي معاه مش هو ده اللي هيكون جوزي انا مش شايفه حد ينفع يبقي جوزي غيره هو وبس ولو هو مبقاش جوزي يبقي مش هتجوز كل ده فكرت فيه واقتنعت بيه وساعتها كلمت بابا ورفضت العريس والحمدلله بابا متفهم جدا ومش بيغصب عليا في حاجه سيبلي حرية الاختيار ومديلي ثقه مخلياني بحاول ديما اني ازيدها واثبتله اني قدها
بعد مرفضت قررت اني مش هفكر في الموضوع ده وهشوف شغل واشتغل انا اصلا متخرجه من كلية التربيه ولأني بحب الاطفال جدا فهاروح اقدم في حضانه وفعلا تاني يوم علطول روحت وقدمت ولحسن الحظ ان المدرسه اللي كانت موجوده لسه ماشيه وكانو بيدور علي مدرسه حمدت ربنا واشتغلت فيها وعدي سنين عليا وبدل مكانو 3 سنين بس بقو 6 سنين معرفش ليه مرجعش او رجع وانا معرفش صحيح وهو انا هعرف ازاي وانا اقنعت مريم اني نسيته خلاص علشان متقعدش تزن عليا علشان اتجوز لانها فاكره اني كده هضيع عمري ممكن فعلا يكون عندها حق بس انا مش عارفه اطلعه من قلبي حاولت والله حاولت بس مش عارفه قلوبنا مش بأدينا ربنا اللي زرع حبه في قلبي ومتأكده ان ده حصل لهدف ربنا بس اللي عارفه ولحد ميتحقق الهدف ده انا هفضل مستنياه
بعد مرور اسبوع جالي طفلين في الحضانه طفل كبير واسمه يوسف وعنده 4 سنين وطفل صغير اسمه ريان وعنده سنتين معرفش ليه حبتهم اوووي بجد رغم ان ده اول يوم ليهم بس اتعلقت بيهم اوي وهما كمان اتعلقو بيا جدا ومكنوش عايزين يروحو لما جت ست كبيره كده علشان تاخدهم وتقريبا دي جدتهم استغربت ليه مامتهم مجتش تاخدهم بس مفكرتش كتير اصل انا مالي يعني دي حاجه خاصه بيهم عدت الايام لحد مبقيت متعلقه بيهم لدرجه ابعد من الخيال انا حتي عيالي معتقدش اني هتعلق بيهم كده
انا كنت ناويه اكمل بس حسيته كبر كده فقولت كفايه وهعمله جزء تاني علشان متزهقوش برضو عارفه ان الاسكربت الاول فكرته اتعملت كتير بس حقيقي كنت حابه اكتب عن الموضوع ده يمكن اي بنت تقرأ الاسكربت وتستفاد بجد وتراجع نفسها في فكرة الارتباط دي وابقي قدرت اقدم حاجه تفيدكم بجد
وطبعا مستنيه رأيكم فيه ومستنيه تقلولي اكمل ولا لا
أنت تقرأ
اسكريبات بقلمي Menna Mohamed
Nouvellesاسكريبات كتيره بقلمي عايزاكم تقروها ومستنيه رأيكم فيها يارب تعجبكم
