_ماماااااااااااااااااا ماماااااااااااااااااا
_ايه ايه بتجعري كده ليه
_تعالي 8شوفي عيال ابنك علشان محدفهمش من البلكونه
_عملولك ايه تاني بس
_صحوني من النوم بصوتهم العالي ده
_يابنتي مهم اطفال وبيلعبو
_انا مالي انا يروحو يلعبو في بيتهم
_مهو هنا برضو بيتهم يانوران
_لا بيتهم عند الست الهانم مرات ابنك
_نوران انا عارفه انك مبتحبهاش ولا انا والله بس ياحبيبتي العيال ملهمش ذنب ليه بتعمليهم كده ده انتي كان نفسك تبقي عمه ويوم متبقي تخليهم بعاد عنك كده ويبقو بيخافو منك
_مش عارفه ياماما بس انا كل مقول مش هزعقلهم لما بشوفهم بفتكر امهم واد ايه هي وحشه من جوه وزعلت اخويا مني بدل المره عشره وخلته يكرهني رغم اني معملتلهاش حاجه
_اخوكي مهما يزعل منك عمره مهيكرهك ياهبله ده اه اخوكي وعياله ياحبيبتي ملهمش ذنب اطلعي خديهم في حضنك لاكن مترديش اللي هي عملته فيكي في عيال اخوكي دول حته منك
_عندك حق ياماما حاضر
وقومت وطلعت بره لقتهم قاعدين علي الكنبه وبيبصولي بخوف واضح انهم خافو لما سمعو زعيقي بصراحه شكلهم وجع قلبي فرحتلهم بهدوء وقعدت جمبهم لقيتهم بصولي بخوف اكبر ضحكت وقولتلهم_متزعلوش مني علشان بزعق بس انتو عارفين انا بحبكم اووي
ادم قالي_بجد بتحبينا
_اه والله بحبكم ومعنديش اغلي منكم انتم حته مني ياادم
_احنا كمان بنحبك ياعمتو بس بنخاف منك لما بتزعقي
_ياقلب عمتو وعد مني مش هزعق تاني وهلعب معاكم كمان
_بجد
_بجد تعالو بقي في حضني
ساعتها حضنوني جامد اووي حسيت بأحساس جميل اووي انا ازاي كنت بزعق للملايكه دول لمجرد ان امهم وحشه ليه اخدهم بذنبها دول حته مني ومن اليوم ده وانا اتغيرت واتقربت منهم جدا وهما بقي بيحبوني جدا وادم بقي بيغير عليا كمان ومبيحبش حد يحضني غيره وده بيفرحني جدا لاكن علاقتي مع اخويا للاسف لسه زي مهي وفي يوم اخدت ادم واياد ونزلنا علشان افسحهم شويه وروحنا علي جنينه قعدو يلعبو قدامي ويجرو عليا يحضنوني وفضلنا شويه كده وقومت لعب معاهم لحد ما جيه ولد صغير عسول اوي وقال بحزن وكسوف _ممكن العب معاكم
_طبعا ياصغنن تعالي قولي الاول اسمك ايه
_اسمي مالك
_الله اسمك جميل خالص علفكره
_بجد
_بجد ياعسل وانا بقي اسمي نوران وده ادم واياد عيال اخويا
_انتي كمان اسمك جميل ياطنط نوري
_حبيبي ياسكر ده انت اللي جميل تعالي يلا نلعب
وقعدنا لعبنا كتير بس حسيت ان ادم زعلان فسيب مالك واياد يلعبو واخدت ادم وقولتله_مالك ياقلب عمتو
_زعلان منك
_ياخرابي زعلان مني انا
_ايون
_طيب ليه
_علشان انتي بتحضني مالك وبتبوسيه وكمان خلتيه يلعب معانا
_ياروحي انت متزعلش بس هو صغنن زيكم وانت عارف عمتو بتحب تبوس الاطفال الصغننه صح
_صح بس انا اهو وكمان اياد بس انتي عمتو احنا مش هو
_امممممم طيب عمتو انتو عايزه بووووسه كبييييييره من حبيب قلبها ادوم
لقيته ضحك وحضني بحب وقال_بحبك اووي ياعمتو يااحلي عمتو في الدنيا
_ياروح قلبي وانا بعشقككك هو انا عندي اغلي منك انت وايدو يلا بقي نروح نلعب
_يلا بس قللي البوس والاحضان ها
_تمام يافندم
وروحنا وكملنا لعب لحد ما جه راجل شكلا وسيم جدا وعيونه عسلي فاتح جننتني بصراحه بس طبعا حاولت اغض بصري بس الصدمه انه جه علينا ونادي علي مالك واضح انه باباه لأني لقيت مالك جري عليه وحضنه بس الصدمه الاكبر بقي ان مالك بيشدو وجاين لعندي
_طنط نوري ده خالو احمد
خالو احمد دي طنط نوري طنط جميله خالص وطيبه وانا حبيتها
_اهلا بيكي ياانسه نور
_اهلا بحضرتك
_يلا بينا بقي يامالك نروح لمامي وبابي
_لا انا عاوز العب مع طنط وادم واياد شويه كمان وانت كمان يا خالو هتلعب معانا
_لا مش هينفع يا مالك انا هقعد اتفرج عليكم
وفعلا قعد وانا كنت متوتره اووي مش عارفه العب معاهم حاسه اني مترقبه بس رغم كده سكت قلبي اللي عمال يدق ده وحاولت اتناسي خالص انه موجود وقعدت العب معاهم لحد مخلاص الوقت اتأخر فأخدت ادم وايام ومشينا بس واحنا مشيين لقيت حد بينادي علينا بصيت كده لقيته خال مالك فوقفت استنيته لحد مجه عندي وقال_ممكن رقم والدك
_ليه
_عايز اتعرف عليه
استغربت بس عطيته الرقم وروحت واليوم ده خليت ماما تكلم اخويا علشان عياله يباتو معانا وهو معترضش ومراته معترضتش طبعا لانها اصلا مكنتش عايزه تخلف ومبتحبش العيال الصغيره ولانها كل همها هو شغلها وبس انما عيالها لا المهخ اخدتهم في حضني ونمت وعدي حاولي اسبوع ولقيت بابا بيقولي ان فيه عريس متقدملي وكالعاده وافقت اقعد معاه والمفروض انه هيجي النهارده ووانا في اوضتي بلبس لقيت ادم دخلت عليا وقالي بعصبيه _انتي مش هتتجوزي ومش هتبعدي عني
_مالك ياادم ياحبيبي في ايه متعصب ليه وبعدين مهو طبيعي اي بنت لما بتكبر بتتجوز وانا اكيد مسيري اتجوز واجبلك نونو صغير تلعب معاه
_لا انا مش عايز نونو ومش عايزك تتجوزي انتي لما تتجوزي هتنسيني وهتبعدي عني
_لا ياقلبي انا معنديش اغلي منك انت واياد واستحاله ابعد عنكم
_بجد ياعمتو
_بجد ياقلب عمتو
وبعد شويه العريس واهله جم وطلعت انا سلمت عليهم وبعدها سبونا لوحدنا وفضلنا ساكتين شويه
_هتفضلي ساكته كتير
_هقول ايه
_كلميني عن نفسك
_انا اسمي نوران السيد بحب اهلي جدا ومتعلقه بعيال اخويا الوحيد جدا جدا هم حته مني عندي 24 سنه متخرجه من كلية الحقوق لاكن مبشتغلش مش عاوزه اشتغل حاليا لاكن ممكن افكر قدام ومليش صحاب نهائي وعمري محبيت قبل كده
_تمام وانا اسمي احمد الهادي بشتغل دكتور قلب عند 33 سنه كنت متجوز لاكن انفصلنا لاننا مش متفاهمين ومعنديش اطفال ومليش صحاب غير واحد بس وهو يبقي ابن خالتي
_تمام
_معدكيش اعتراض علي السن او اني منفصل وانتي مسبقش ليكي الجواز
_اولا سنك مش كبير والفرق بنا 9 سنين وده بالنسبالي فرق مناسب ومش كتير ثانيا انا تفكيري مش مع تفكير المجتمع المتخلف وان المنفصل او الارمل لازم يتجوز واحده سبق ليها الجواز ولا العكس علفكره عادي كل واحد ونصيبه ممكن واحده منفصله او ارمله في الاخر تتجوز واحد مسبقش ليه الجواز والعكس ايه المشكله فانا برضو معنديش مشكله انك منفصل
_تفكيرك جميل جدا علفكره
_تسلم المهم ناديهم بقي وانا هفكر وهصلي استخاره وهقول لبابا ردي
_تمام
ونادي بابت وماما واخويا واهله وجم قعدو شويه وبعدين مشو وفضلت انا بفكر كام يوم وفي الاخر وافقت وجم تاني واتفقو علي كل حاجه واتخطبنا وابتدينا بقي نتعرف علي بعض واعرف عيوبه ومميزاته ويعرف عيوبي ومميزاتي وعلشان كده بقي اتعملت الخطوبه علشان كل اتنين يتعرفو علي بعض ويعرفو عيوب ومميزات بعض ومع الوقت والتعارف قربنا لبعض جدا وحبينا بعض وقبلت عيوبه وهو قبل عيوبي واخيرا حددو معاد الجواز ويوم فرحي بابا كان جاي عليا علشان يسلمني لعريسي ساعتها سمعت صوت بيقول_من غيري ياحاج طيب استني اسلمها معاك
بصتله بحب وبدموع ساعتها لقيته حضني وقالي_اسف ياقلب اخوكي علي كل كلمه قولتها ليكي وجرحتك اسف اني سمحت ليها تبعدني عنك
_حبيبي متعتذرش انا مش زعلانه منك المهم عندي انك رجعتلي اخويا اللي اعرفه ابو قلب طيب وحنان يكفي العالم كله من تاني مش عايزه اكتر من كده
ساعتها ضحكلي وباسني من راسي واخدني في حضنه وبعدها بقي سلمني هو وبابا لعريسي بعد ما وصوه عليا طبعا وابتدي الفرح وانا فرحانه اووي واللي فرحني اكتر اني لقيت اخويا بيغنيلي اغنية اختي حبيبتي وبيرقص معايا سلو ولما جه وقت رقصة السلو بتاعتي انا واحمد وابتدينا الرقص لقيت ادم بيبعدنا عن بعض وبيمسك ايدي وبيقولي _انا اللي هرقص معاكي سلو
ضحكت جامد اووي واخدته في حضني وشلته ورقصت معاه سلو وكملنا الفرح واحنا فرحانين اووي وبعدها احمد خادني وقعدنا في مطعم ساعتين بنحب في بعض وبنتكلم وبعدها روحنا علي عش الزوجيه وعدي ايام وعرفت ان للاسف اخويا طلق مراته بعد ما اتنازلت له عن حضانه العيال ساعتها اتفقت معاه انه يجبهم كل يوم عندي وياخدهم بليل وفعلا بقي يعمل كده وعدي شهور واكتشفت اني حامل ويوسف اخويا اتجوز تاني بس المرادي اختار صح اختار بنت ادب واخلاق واحترام وحنان عاملت عياله علي انهم عيالها هي وهما حبوها اووي وبقو يقوللها ياماما وعاملتني علي اني اختها لحد مبقينا اخوات وعاملت ماما وبابا علي انهم ابوها وامها هي كسبتنا كلنا بحنانها وباحترامها وبحبها لينا قدرت تكسبنا كلنا وتبقي مننا وطول فترة حملي ويوم مولدت هي اللي شالتني مع ماما واخدت بالها مني ومع مرور السنين ادم كل مبيكبر بيتقرب مني اكتر واكتر واياد كمان بس اياد قريب لمها مامته اللي ربته اكتر مني بكتير وانا خلفت تالين و سماء تؤام وهما اغلي حاجه في حياتي وفي عيد ميلادهم الرابع وانا حامل في التاسع واقفين كلنا بنطفي الشمع وجمبي مها اللي جابت چوري وحامل هي كمان بس في الرابع لسه وجمبي الناحيه التانيه جوزي حبيبي اجمل صدفه في حياتي وهو حضني وفرحان ببناتنا وبيا وفي نهاية عيد الميلاد انا صوت وفضلت اضربه واقوله انت السبب قعد يضحك وشالني ونزل بيا علي المستشفي وكلهم معانا ودخلت اوضة العمليات وبعد مطلعت من العمليات بشويه خرجو كلهم وسبونا شويه لقيته باسني من راسي وقالي مبروك علينا تالت حوريه
_مش زعلان اني جبتلك بنت لتالت مره
_بطلي هبل ازعل ايه بس ده انا اسعد واحد في الدنيا هو حد يطول يبقي عنده تلت حوريات هما اللي هيدخلوه الجنه وهما اللي هيشلوني لما اكبر واتعب وهما اللي هيبقو حنينين عليا
_انت اجمل راجل في الدنيا الدنيا انا بحبك اووي يااجمل صدفه
_وانا بعشقك ياام الحوريات وايدي في ايدك نتعهد اننا نربيهم احسن تربيه علشان يبقو بنات بس بمية راجل
_وانا ايدي في ايدك بس علفكره هما لازم يبقو بمية راجل طالما هيبقو تربيتك انت ياسيد الرجاله
_ربنا يحفظك لينا ياام الحوريات
_ويحفظك لينا ياابو الحوريات مقولتليش بقي هنسميها ايه
_هنسميها وعد علشان هي جت علشان تفكرنا بالوعد اللي بنا وعد الحب والموده والرحمه اللي عمرهم مهيقلو في يوم
وساعتها بقي ومع اخر كلمه قالها قام وجاب وعد ونادي علي تالين وسماء وعطاني وعد وقعد جمبي وحضني وقعد سماء علي رجله وقعد تالين جمبي الناحيه التانيه وحضنتها ونادي ادم اللي كبر شويه اكيد وصورنا اجمل صوره بس مش اجمل صوره علشان هي مجرد صوره لا اجمل صوره علشان بتوصف مدي الحب والترابط اللي بينا وبعدها بصلي احمد وقالي_بحبك ياام الحوريات
_وانا بعشقك ياابو الحوريات يااحن راجل في الدنيا كلها
_وانا بحبك ياعمتو علفكره
بصتله وطبعا ده ادم وساعتها لقيت احمد بيقول في سره ده انت عيل فصيل بتيجي في اوقات اففف حاسس انه ضرتي والله ساعتها مقدرتش امسك نفسي وضحكت بصوت عالي وعطيت احمد وعد وفتحت دراعي وجري ادم عليا وحضني جامد وقولتله بحب_وانا بعشقك ياقلب عمتو
وبكده خلص الاسكربت 6 عايزه اعرف رأيكم فيه
دمتم سالمين ومتابعين
أنت تقرأ
اسكريبات بقلمي Menna Mohamed
Nouvellesاسكريبات كتيره بقلمي عايزاكم تقروها ومستنيه رأيكم فيها يارب تعجبكم
