الاسكربت 10
_انتي يابت اصحي يانيله اصحي بقي عندي شغل وهتأخر عليه اصحي
طيب ماشي طلاما مش هتصحي يبقي براحتك بقي استحملي المايه الساقعه
_لا لا خلاص والله انا صحيت خلاص
_ايوه كده ناس متجيش غير بالعين الحمرا
_علفكره انت رخم
_عارف علفكره المهم اخلصي يلا قومي البسي علشان اوصلك لمدرستك يلا
_حاضر يا خويا قايمه اهو
استنو اعرفكم بيا انا حلا عندي 17 سنه في تانيه ثانوي فس متأخره سنه كان حقي ابقي في تالته بس لاني في مدرسه تجريبي بقي اتأخرت سنه واللي كان بيصحيني ده اخويا الكبير وابويا التاني وكل حاجه في حياتي هو اللي مربيني بعد موت بابا الله يرحمه اللي مات من سبع سنين وهو اسمه فهد وعنده27 سنه وبيشتغل موظف في بنك وخاطب المهو طبعا بعد مخرج فهد من اوضتي رجعت للنوم تاني ومفيش دقايق ولقيت فهد بينادي عليا بصوت عالي فطبعا او مسكعت صوته روحت قايمه واقفه علي السرير ونطيت وجريت غيرت هدومي وجهزت حاجتي وطلعت روحت عند ماما اللي كانت في المطبخ وبوستها وسلمت عليها ونزلت جري علي العربيه بتاعت فهد اللي ورثها من بابا الله يرحمه وركبنا ووحنا في الطريق
_هتقابل خطيبتك الرخمه النهارده
_انا مش عارف انتي مبطيقهاش ليه
_وانا مش عارفه انت خطبتها ليه وقابل تكمل معاها ازاي
_خطبتها علشان اخلص من زن امك عليا بالجواز وعادي مكمل معاها هي معملتليش حاجه وحشه
_بس انا مبطيقهاش يافهد بقي دي هتبقي مرات اخويا ازاي بس
_يابنتي ايه مدايقك بس منها وبعدين البت مبتجيش جمبك
_هو كده بقي
_بت مش ناقص جنان انا انزلي للعصابه المجنونه بتاعتك وسلميلي عليهم وحلي عن سمايا ها
_ماشي يابتاع چيهان ابقي خليها تنفعك بقي
_غوري ابت يخربيت رخامتك
طبعا نزلت اجري من العربيه ودخلت جري علي المدرسه علشان اقابل عصابتي وبجد والله انا مبكرهاش بس مبحسش انها هي اللي هتسعد فهد وبعدين قلبي مش بأيدي انا حقيقي مش بطيقها ومبحبهاش المهم دخلت الحوش بتاع المدرسه لقيت العصابه كلها متجمعه في مكانا المعتاد
_ياصباح الناس الواطيه اللي بتضحك من غيري
كلهم_ياصباح الناس اللي جايه متأخر في اول يوم
كارمه_مالك يابت قالبه بوزك ليه
_اصل فهد مصمم علي البت اللي هو خاطبها دي وانا مش موافقه
كارمه بحزن_معلشي حبيبتي وافقي علشان خاطر سعادته
_بس انا كان نفسي انتي اللي تبقي مرات اخويا
كارمه_ده نصيب ياحلاتي المهم سعادته
_ياريت بجد سعادته تبقي معاها
كارمه_ان شاء الله
لوچين بمرح_خلاص بقي اجدعان بطلو نكد اللي له نصيب في حاجه هتحصله المهم بقي عاوزين نعمل مصيبه كده ايه رايكم
كلهم_ايوه بقي بقي هو ده الكلام
لوچين_طيب نعمل في مين بقي
هايدي_ايه رأيكم في ميس عليا
لوچين_لا بلاش ميس عليا لحسن عملنا فيها كتير ياحرام صعبت عليا والله من ساعة اخر مره
ضحكو كلهم لما افتكرو اليوم ده وقالت چودي_اه والله صعبت عليا انا كمان كانت هتموت من الخوف لما لبسنا الوشوش وعملنا عفاريت
_ولا فاكرين يوم مكسرنا المج اللي بتعشقه
هايدي_ولا فاكرين لما حطنالها الصبونه في الارض ووقعت اتزحلقت بس البت يارب الجزمه لحقتها
يارا_انتو عارفين مبحبش اذي حد انا اعمل مقالب واجنن الكل بس نأذي حد لا
_عندك حق يايارا دي كانت اول مره نقرر نعمل حاجه تأذي حد وانتي اتصرفتي صح بجد
لوچين_طيب المهم قولو المقلب هيبقي ايه
سما_عندي فكره طالما احنا لسه في اول السنه دراسيه ايه رايكم نعمل مقلب بسيط في مستر اسامه موافقين
الكل_موافقين
المهم اتفقنا علي الخطه وطلعنا الفصل بتاعنا ودخلنا بهدوء و طبعا الفصل والكل استغرب اوي المهم بعد شويه جه مستر اسامه
مستر اسامه بشك_انتو مالكو هادين ليه كده اكيد عاملين مصيبه صح
احنا بكل براءه_لا طبعا هو احنا وش كده
مستر اسامه_هو انتو بتعملو حاجه غير كده اصلا المهم
ولسه مكملش جملته واول مقعد علي الكرسي راح مصوت وقام بسراعه وفضل يجري في الفسل وكلنا بنضحك ولما هدي وبص علي الكرسي قال
_دبابيس مين اللي حاطط الدبابيس دي
الفصل كله _مش احنا
وفجاه بطلنا بشك وقال_ااكيد انتو صح انتو هتبطلو المقالب دي امتي ياجزم
صحكت انا والعصابه وبعدها قولنازبصوت واحد_المقالب دي متعه يامستر ومش اي حد يعملها
_لا والله طيب تعالو نبدأ الدرس بدل ما اقتلكو
كلنا_لا وعلي ايه نبدأ احسن طبعا
وبدئنا واحنا بنضحك طبعا مستغربين ازاي المستر عداها هو عداها لانه عارف ان مفيش مننا امل اصلا اتعودو خلاص علي كده المهم بعد ما مشي مستر اسامي دخلت ميس عليا
ميس عليا بمرح_ها ياعصابه الدور عليا النهارده ولا يوم تاني
احنا_لا ياميس انهارده عفونا عنك وعملنا النقلب في مستر اسالمه
_يخربيتكم حتي مستر اسامه مرحمتهوش وعملتو في ايه
تبرعت بنت من الفصل انها تحكي وطبعا ميس عليا انفجرت ضحك وقعدنا نتكلم ونهزر شويه وبدأنا الحصه بقي وفي البريك كنا قاعدين وبنتكلم وكملنا بقيت اليوم عادي وبعدين روحنا سوا اه مهو احنا ساكنين قريب من بعض بس مش في نفس الشارع المهم عادي اليوم عدي بضحك وبهزار وكملنا الاسبوع وسط المقالب والضحك واللعب وكاننا لسه اطفال ومكبرناش المهم جه بقي يوم الاجازه وكل واحده فينا بتقضيه في بيتها بس بنتكلم فون مكالمه جماعيه او بنتكلم عادي علي الفيس لاننا عاملين مجموعه لينا المهم بقي في اليوم ده كان معزوم عندنا الزفته چيهان وطبعا كنت في اوضتي بكلم العصابه ولقتها دخلت ومن غير متخبط
_انتي ازاي متخبطيش قبل متدخلي
_ليه هو فيه حد بيخبط علي حد وهو ضيف في بيته
_بيت مين ياماما انتي ده بيتي انا
_ده كان بيتك انتي لاكن بعد متجوز اخوكي هيبقي بيتي وهعيشك في عذاب لحد متطفشي والبيت ده واخوكي يبقو ليا لوحدي من غير شريك
_انتي مجنونه والله ايه اللي بتقوليه ده ها
_بقول اللي لازم يحصل
_اللي لازم يحصل انك تخرجي برا البيت ده استحاله واخده زباله زيك تبقي هي مرات اخويا
وبعد مقولت الجمله دي سمعت صوت بيقول_ايه في ايه ياحلا انتي ازاي بتقوليلها كده انتي اتجننتي اكيد
وطبعا قبل ما ارد لقيت العقربه دي بترد هي وبتقول بدموع التماسيح_شوفت ياحبيبي اختك بتقولي ايه
فهد بقي قالها_ثوانتي انتي بس وانتي ياحلا احكيلي اللي حصل
كنت متأكده انه هيسألني استحاله يخذلني ده هو اللي رباني وعارف اني مستحيل اقول كده وطبعا انا حكتله كل حاجه بصراحه ولقيته بصلها بأستحقار وقالها_اتفضلي اطلعي بره البيت ده وقولي لأهلك اني فسخت الخطوبه اتفضلي يلا
_انت صدقتها هط وكذبتني انا
_انتي هبله يابت دي اختي وبنتي اللي ربتها وانازاكتر واخد عارف انها استحاله تكذب وبعدين انتي تبقي مين علشان اصدقك وبعدين مين ابقالي انتي ولا هي
_انا طبعا
_لا هي طبعا انتي انا ممكن اتجوز غيرك وبدل الواحده اربعه لاكن عي منين هحيب اخت تانيه انا معنديش غير واحده بس وعلشانها مستعد اتنازل عن كل حاجه
كده طيب ياخويا اشبعو ببعض
ومشيت واول مخرجت اترميت في حضن فهد وقعدت اعيط وقولتله_النهارده بجد اول مره احس اني مش يتيمه قبل كده كنت ديما مشغول في شغلك لاكن دلوقتي بجد اثبتلي اني مليش غيرك وانك ابويا التاني بجد وسندي انت عارف انا مبسوطه جدا علشان انت معملتش زي اغلب الاخوات دلوقتي وصدقتها هي
_حبيبتي انا متأكد انك مبتكذبيش وبعدين حتي لو كانت هي الصح انا معنديش اي استعداد اخسرك انا معنديش اغلي منك
وبعدها سابني وطلع وبجد ساعتها بس حسيت اني ليا سند وضهر وعدت الايام عادي بجنوني انا والعصابه لحد ما ماما كانت مصممه تخطبله تاني ساعتها بقي انا ادخلت
_انا عندي العروسه
فهد بصلي بااستغراب_مين هي بقي ياختي
_كارمه صحبتي
_كارمه اه هي محترمه وكويسه بس انا اكبد منها بعشر سنين
_ايه المشكله يعني مش فرق كبير علفكره
_ مش عارف سبيني افكر
_فكر ياخويا فكر بس اعرف اني موافقه وبتمناها تبقي مرات اخويا
_اه منا عارف علشان بدل متبقي مجنونه واحده تبقي اتنين صح
_صح طبعا انا هقوم انام بقي
_تصباحي علي طاعة الرحمن
_وانت من اهل الجنه
ودخلت نمت وعدي يومين واخيرا حضرته وافق وروحنا خطبناها وطبعا العصابه كانت هناك عند كارمه ولما عرفت كارمه اني انا اللي قولتله عليها كرامتها نقحت عليها بس انا فهمتها انها تقدر بحبها ليه تخليه يحبها وان ده ميعبهاش في حاجه واقنعتها ووافقت واتخطبو
وفعلا انا كان عندي حق مليون في الميه كارمه قدرت تخلي فهد يحبها ويعشقها كمان واتخطبو شهرين وبعدها كتبو الكتاب وقررو ان الدخله هتبقي كمان سنتين لما تدخل اولي جامعه وهتكمل في بيته واحنا عادي محدش عبرنا ومتخطبناش بس فضلنا ديما ايد واحده زي مكنا ديما ايد واحده في المصايب فضلنا ديما ايد واحده في كل حاجه وفضلنا جمب بعض وفضلنا سند لبعض ولما خلصنا تالته الثانوي ورغم كل المصايب اللي عملناها في المدرسين الا انهم قالولنا اننا هنوحشهم جدا وحقيقي هما كمان هيوحشونا مننكرش انهم سابو لينا اثر طيب بكلامهم وبحبهم وبقربهم لينا هما كانو اخوات كبار اكتر من انهم مدرسين علشان كده احنا عمرنا مهننساهم واتفقنا اننا هنروح نزور المدرسه والمدرسين كل فتره كده المهم كل واحده فينا اختارت مجال غير التاني انا اختارت تربيه ولوچين اختارت طب وسما اختارت علوم وهايدي اختارت اعلام وچودي ويارا اختارو صيدله اما بقي بالنسبه لكارمه فهي اختارت تجاره انجلش ورغم ان كل واحده فينا دخلت كليه الا اننا فضلنا صحاب وبقينا بنتجمع كل جمعه وكارمه اتجوزت اخويا وجت عاشت معانا وحقيقي كنا بنجننه بجد وبنعمل فيه مقالب كتير المهم ومفيش سنه عدت وبقيت عمتو وده بقي كان دلوع العيله ودلوع العصابه كمان وعدت حوالي كده 3 سنين وجالي العريس اللي هياخدني علي حصانه الابيض ويطير وطبعا ده كله كان احلام بس المهم بعد مقعدت معاه وافقت واتخطبنا وفي الخطوبه بمعني الكلمه كنا كل يوم في خناق وعلي حاجه تافهه وكنت اعمل فيه مقلب يروح يردهولي وكنا عاماين زي القط والفار بس رغم كده حقيقي حبيته وقلبي دقله والعصابه كلها اتخطبت وبقينا يوم الجمعه كل واحده فينا بتجيب خطيبها او جوزها وبنقعدو كلنا مع بعض لحد مخليناهم هما كمان يبقو صحاب بعد معدي سنه قررنا نتجوز واللي لسه بيدرس هيكمل دراسه وهو بيت جوزه بقي وطبعا لأننا مجانين قررنا نعمل فرح ونسميه فرح السبع بنات ورغم ان البت كارمه اتجوزت من اربع اسنين بس خلناها تلبس فستاه فرح علشان تبقي عروسه معانا وعملنا فرحنا كلنا مع بعض ومعانا كارمه و فهد وكتابنا علي القاعه من برا فرح السبع بنات وده بجد كان احلي يوم في حياتنا كلنا وبعد الجواز بكام سنه كعادتنا المجنونه قررنا نبيع شققنا واشترينا عماره واحده وكل واحد فينا اخد دور وضمه علي بعض وعشنا مع بعض وخلفنا عيال كتير اتربو مع بعص وكبرو مع بعض والاكيد انها مش هتنتهي ابدا حتي بعد منموت هتفضل مكمله لانها بكل بساطه صحوبيه بجد
وبكده خلص الاسكربت 10 الصراحه مش عارفه هو حلو ولا لا ممكن يكون الحوار فيه مش كبير والسرد اكتر بس يارب يكون عجبكم ومستنيه رأيكم فيه ويارب اكون قدرت اوصل من خلاله اللي عايزه اوصله وبعتذر كالعاده علي الاخطاء الاملائيه واني معنديش وقت نهائي للاسف ارد علي الكومنتات بس اول مبلاقي وقت برد حتي لو علي كومنت واحد بس طبعا بقرأ كل الكومنتات وبتفرحني جدا جدا تسلمولي ديما
دمتم سالمين ومتابعين
أنت تقرأ
اسكريبات بقلمي Menna Mohamed
Nouvellesاسكريبات كتيره بقلمي عايزاكم تقروها ومستنيه رأيكم فيها يارب تعجبكم
