اسكريبات بقلمي Menna Mohamed

اسكربت13

_مامي انا خايف من بابي
_ليه ياحبيبي انت عملت ايه
_اصلي وانا بجري وقعت الفون بتاعه
_طيب حبيبي متخفش
_لا انا خايف بابي هيضربني ويزعقلي
_وانا من امتي سمحت ان حد يضربك يا سولي انت سندي ياحبيبي وانا استحاله اسمح لحد يكسرك ادخل اوضتك وملكش دعوه يلا
_حاضر يامامي
دخل ابني اوضته وانا اتنهدت بحزن علي حياتي اللي عايشاه قبل محكلكم عن حياتي هحكلكم عن نفسي انا اسمي ايمان مدحت متخرجه من كلية تجاره انجلش اتجوزت عمر وانا في تالته كليه وكملت وانا متجوزه عمر طيب بس عصبي جدا للاسف ضربني مره لما اتخناقنا وساعتها انا روحت علي بيت اهلي وطلبت الطلاق وعمل المستحيل علشان يرجعني وفي الاخر وافقت ارجع علشان ابني وبس وطبعا مع تهديد مني انه لو مد ايده عليه هيطلقني وعلشان كده حرم وبقي ميقدرش يمد ايده عليا بس للاسف بقي بيحاول يضرب سليم وتقريبا مشاكلنا كلها عن الموضوع ده انا مبقلبش حد يزعق لسليم او يضربه هو سندي في الدنيا وانا مش هخلي اي حد اي كان مين يكسر سندي وراجلي وعلشان كده ديما بقف قصاده بس حقيقي انا حياتي جحيم وحتي ابني رغم انه مبيضربش لاكن مدمر نفسيا بسبب باباه انا لازم اعترف لني اخترت اب غير سوي لابني اني لما وافقت علي قرار جوازنا مفكرتش في حاجه غير اني اتجوز الانسان اللي اختاره قلبي مفكرتش هل هيكون قدوه صالحه لعيالي ولا لا مفكرتش هيبقي ليا اب واخ وصاحب قبل ميكون زوج ولا لا وللاسف انا اللي دفعت التمن ومش لوحدي ابني كمان معايا ابني اللي اتولد جواه الخوف من باباه فوقت من تفكيري ده علي صوت جوزي وهو بيزعق كالعاده
_ابنك فين يا هااانم
_ابني جوه في اوضته
_كده طب عديني بقي انا لازم اربيه
_عملك ايه
_يعني انتي مش عارفه كسرلي الموبيل
_وانت فاكر اني هخلي ايدك تتمد علي ابني علشان حتت موبيل
_انتي بدافعي عنه كمان ده ولد مستهتر ولازم يتربي انتي مدلعاه
_ابني راجل مش مستهتر وايدك مش هتتمد عليه ياعمر كفايه بقي يااخي كفايه انت بدمر ابنك باللي انت بتعمله ده انت ايه طيب نظرة الخوف اللي كل ميشوفك يبصلك بيها مش بتوجعك انت المفروض تبقي سند وضهر وصاحب واخ انت كده مش بتربيه انت كده بدمره فوق بقي فوق ياعمر وبطل الزفت اللي انت بتشربه ده
_ما كلنا اتربينا بالضرب وطلعنا زي الفل اهو
_كذاااب ومليون كذااااااب فين زي الفل ده انت لو كنت زي الفل كنت قدرت تمسك اعصابك علي الطفل الصغير اللي كل ذنبه انك ابوه انت لو كنت زي الفل كان نظرة ابنك ليك وجعتك وياريت تبطل الزفت اللي بتشربه علشان هو اللي عامل فيك كده
_مش هبطل الزفت اللي بشربه الزفت اللي بشربه هو اللي بيريحني من الدنيا دي انتي بتتكلمي وكل اللي همك نفسك وابنك وبس لو كنتي جربتي اللي انا عيشته مكنتش هتقولي كده لو كنتي جربتي ان امك تدعي عليكي كل متعملي حاجه ان ربنا يخلصها منك مكنتيش هتقولي كده لو كنتي جربتي ان ابوكي يضربك بالحزام كل متغلطي ويشتمك بأقذر الشتايم مكنتيش هتقولي كده لو كنتي جربتي اي حاجه من اللي انا جربتها مكنتيش هتقولي كده
_ومين قالك اني مجربتش ها يمكن اه انا امي مدعتش عليا ولا ابويا ضربني بالحزام بس انا امي ماتت من وانا صغيره وملقتش حد يقولي الصح والغلط بس انا ابويا علشان مكنش عارف ازاي يربيني كان كل معمل غلط يضربني ويقولي ياريتك موتي مع امك ورغم كل اللي عيشته ده الا اني مش عايزه ابني يعيش نفس تجربتي عايزه افهمه انه سندي وضهري عايزاه يبقي سوي نفسيا ينفع نفسه واهلع وبلده عايزاه لما يمنع نفسه من حاجه غلط ميمنعش علشان خايف مني لا يمنع علشان خايف من ربنا علشان مقتنع ان اللي هو بيعمله ده غلط مضيعش ابنك يا عمر بلاش تخليه يعيش اللي انا وانت عيشناه انت قدوته وسنده ولما نكبر هو اللس هيكون سندنا ليه عايز تكسر سندنا
_انا مبقتش عارف ولا فاهم حاجه انا تعبت من الدنيا دي
_انا جينا الدنيا علشان نتعب علشان ربنا يختبر صبرنا وقربنا منه وثقتنا فيه تعالي نحط ادينا في ايد بعض وتبطل الزفت اللي بتشربه ونربي ابننا صح نربي ابننا انه يكون سند لينا انه يدعيلنا ميدعيش علينا ياعمر
_حاضر حاضر بس دلوقتي انا عايز انااام ياايمان
_تعالي ياقلب ياايمان
اخدته ودخلنا اوضتنا واخدته في حضني لحد منام ولما نام نيمته علي السرير وقومت روحت لأبني ولما دخلت لقيته قاعد خايف روحتله وحضنته لاني عرفت انه خاف من صوتنا العالي
_متخفيش حبيب مامي
_هو بابي ضربك يا مامي
_لا ياقلبي بابي مضربنيش ومن النهارده بابي مش هيزعقلك تاني او هو هيحاول ميزعقش واحنا هنساعده
_هييييييه بجد يعني بابي ممكن يبقي هادي ويلعب معايا ويحبني
_حبيبي بابي بيحبك جدا بس هو عصبي شويه وانا هحاول نخليه يتحكم في عصبيته اتفقنا
_اتفقنا
_دلوقتي بقي انت عارف انك غلط صح
_ايوه يامامي عارف
_طيب غلط في ايه
_ ان حضرتك قيلالي مجريش في الشقه علشان ممكن اقع وكمان ممكن اكسر حاجه ولما اعوز اجري اقولك وانتي هتشوفي يوم ونروحو الجنينه او هتفضيلي اوضه واجري فيها ونلعب كوره وانا مسمعتش الكلام وجريت هنا برضو
_تمام طيب من واجهة نظرك ايه العقاب اللي تتعاقبه بما اني قولت عن الموضوع ده كذا مره
_مممممممم مش عارف
_طيب انا هحطلك تلت اختيارات وانت اختار بينهم اشطا
_اشطا
_مفيش مصروف لمده اسبوع او مفيش نادي ولا خروج يوم الجمعه او تشارك بالفلوس اللي في الحصاله كلها مع بابي علشان يصلح الفون بتاعه
_رغم اني كنت عاوز اشتري اللعبه بالفلوس اللي في الحصاله بس هشارك بيها مع بابي علشان الفون بتاعه لانك قولتيلي قبل كده لما اغلط لازم اصلح غلطتي واتعلم واحارل علشان مغلطهاش تاني لانه مش عيب اننا نغلط العيب اننا منتعلمش من غلطنا صح يامامي
_صح ياقلب مامي خلاص يبقي بكره تجيب الفلوس اللي الحصاله وتديها لبابي
_طيب متديهالو انتي
_متخفيش ياقلبي بابي بيحبك ومش هيزعقلك تاني وانا هبقي معاك
_اوك مامي يلا بقي احكيلي حدوته علشان عاوزه انام
حكتله الحدوته وبعدها سألته عن اللي الحاجات اللي استفاد منها في الحدوته وقعدنا نتناقش شويه وبعدها نام في حضني لانه اتعود علي كده وقريتله قرأن وبعدها قومت من جمبه وغطيته وبوسته وروحت علي اوضتي نمت جمب عمر وانا بدعي ان بكره يبقي احلي لاني بجد تعبت انا بقالي سنين في العيشه دي حاسه اني في جحيم المهم اني من كتر التفكير والتعب نمت بسهوله وصحيت الصبح لقيت عمر قاعد جمبي وبيشرب سجاره اخدتها منه
_مش علي الصبح كده صحتك ياعمر
_اديهالي ياايمان ومتقلقيش انا زي الفل
_قوم افطر وبعدها ولع واحده تانيه
وطبعا رميت دي لقيته اتعصب اوووي وبعدها كأنه افتكر حاجه فسبني ودخل الحمام علشان يهدي ودي في حد ذاتها خطوه كويسه المهم روحت صحيت حبيبي الصغنن وعملنا الفطار مع بعض وسط ضحكنا وكلمنا وجبنا الحصاله وفتحناها وطلعنا الفلوس واللي هي كانت 60 جنيه وده لأن بقالنا شهرين بنحوشهم علشان هو كان عايز لعبه معينه ب60 جنيه وطبعا انا مش كل يومين هجبله لعبه فأتفقنا انه يحوش ويجبها وبقي كل يوم يحط جنيه من مصروفه في الحصاله المهم اخدنا ال60 جنيه وروحنا عند عمر اللي كان قاعد علي السفره وطبعا سليم كان خايف بس انا كنت بشجعه
_بابي انا عارف اني غلطان سوري مش هكررها تاني ومش هجري في الشقه بس ممكن انت متزعلش مني انا بحبك اوي يابابي ومش عاوزك تزعل مني
بصراحه كنت خايفه جدا لحسن يحرجه بس لقيته بصلي وبعدها بصله بحزن وحنان وفتح درعاته لسليم اللي مصدق وجري علي حضنه اللي بقاله كتيييييير اوي مجربوش المهم بعد معمر حضنه لقيته بيقوله
_فداك يا قلب بابي مليون موبيل وانا اصلا مقدرش ازعل منك هو انا عندي كام سليم يعني
_بجد يابابي الكلام ده ليا انا
_طبعا ياقلب بابي الكلام ده ليك انت
_انا بحبككك اوي يابابي وحبيتك اكتر لما بقيت هادي وحضنتني حضنك جميل اوي
_ياروح قلبي وانا بعشقكك ووعد من بابي انك عمرك مهتبعد عن حضني ده تاني ابدا
_بجد يا بابي
_بجد ياروح بابي ايه الفلوس اللي في ايدك دي
_ده العقاب اللي انا ومامي اتفقنا عليه لاني غلطت ومامي محذراني كتير من موضوع الجري ده فأتفقنا اني اديلك الفلوس اللي كانت في الحصاله كمشاركه مني في تصليح فونك
_حبيب بابي خلي الفلرس معاك وخلاص انا هصلح الفون
_لا معلش ياعمر ده عقاب واحنا مش بنرجع في العقاب بتاعنا ده ياسولي
_صح يامامي
_شطور حبيب مامي خد بقي الفلوس ياعمر ويلا ناكل لأني جعااااااااااااااااااااانه
_ايه خلاص بس بس يلا بينا ياابني قبل ما مامي تاكلنا
_طب يلا ياظريف
_يلا ياقلب الظريف
المهم اننا قعدنا ناكل واحنا بنضحك وبنهزر بجد مكنتش مصدقه ابدا انه ده عمر جوزي ده كأنه واحد تاني بجد فضلت ادعي ربنا يفضل كده علطول
وعدت اياام كتير وبصراحه عمر كان بيتعصب مهو ده فمش هيغيره بين يوم وليله يعني بس كنت ديما بفكره بكلامنا فبيدا شويه وطبعا لما حسيت انه حقيقي محتاج دكتور نفسي قولتله بس هو رفض بس انا اصريت عليه لحد موافق وروحنا فعلا والدكتور حددله وقت للجلسات بصراحه بعد الجلسات عمر اتغير كتير بقي انسان احسن بس لسه جواه زعل من اهله ومن اللي عملوه فيه وحتي لما بيروح يطمن عليهم بيروح من باب الواجب وبس ومبيقعدش كتير وانا كمان نفس الكلام من ناحية بابا المهم انه ابتدي يبطل الزفت المخدرات اللي كان بيشربها طبعا تعب جدا بس انا كنت جمبه وفي ضهره لحد ما عدينا الموضوع ده وساعتها بقي حرفيا انا قدرت اقول ان جوزي بقي راجل جديد بقي بيحترمني وبيقدرني بقينا بنتعاون علشان نربي ابننا صح والحمدلله قرب عمر منه لغي اي خوف جواه وحقيقي بجد احنا بقينا عيله كويسه اكيد بنمر بخناقات وبزعل لان هي دي الحياه بس عمره ما مد ايده عليا او علي سليم وكنا ديما ومهما زعلنا بنرجع لحضن بعض لاننا ملناش غير بعض وطبعا عدت الايام والشهور والسنين وسليم ابني بقي مهندس اد الدنيا واتجوز وخلف وهو فخور بينا وبيحكي لعياله عننا وعن تربيتنا له  وهو سوي نفسيا وقادر يربي عياله زي ما احنا ربيناه يربي عياله علي الاحترام والتقدير ويعامل مراته بمنتهي الحب والاحترام وعمره منسانا بالعكس بيجي كل خميس ويبات هو ومراته وعياله معانا يومين والفرق بقي انه بيعمل ده حبا لينا مش واجب مفروض عليه وفيه فرق كبير بين الاتنين

وبكده خلص الاسكربت 13 بس عايزه اوضح كذا نقطه هنا الزوج اتحسن ورجع احسن بس مش كل الازواج للاسف بيتغيرو علشان كده لازم قبل متوافقي علي الانسان اللي هيكون جوزك تفكري بدل المره الف تفكري حتي لو بتحبيه تفكري هو ده اللي هيكون قدوه لعيالك هو ده اللي هيكون زوج صالح ليكي واب صالح لعياله ولا لا لو مش هو يبقي ارفضي ايوه ارفضي ايه الفايده انك تتجوزي واحد بتحبيه بس هيهينك وهيضربك وهيدمر عيالك ايه الفايده الحب ممكن يقل علفكره مع الرقت ومع اهماله ليكي ولعيالك لاكن الموده والاحترام والرحمه دول مبيقلوش فكري بدل المره الف علشان مصير حياتك ومش حياتك لوحدك لا ده حياتك انتي وعيالك كمان في ايدك وفي ايد قرارك وكده خلص اللي عاوزه اقوله مبدئيا بقي عايزه اعتذر عن التأخير بس انا زي ما انتو عارفين ورايا دروس وهم ما يتلم فمقدرتش انزل الايام اللي فاتت وطبعا معاد الاسكربت مش هيكون كل يوم لاني خلاص بتفحط في الدروس فمش هقدر اكتب كل يوم وللاسف مش عارفه مواعيده هتكون امتي بس اول ميكون عندي وقت هكتب علطول وانزله وطبعا مستنيه رأيكم  في الاسكربت ده انا بقرأ كل الكومنتات علفكره وحقيقي بتفرحوني جدا تسلمولي واسفه اني مبعرفش ارد بس حقيقي انا مفحوطه في الدروس ومعنديش وقت نهائي اه وللي سأل انا في سنه كام انا في سنة تالته اعدادي لاكن متأخره سنتين وحقي اكون في تانيه ثانوي وطبعا شكرا لكل واحد دعي لوالدتي بالرحمه اللهم امين يارب العالمين ربنا يحفظكم ويرحم موتي المسلمين اجمعين

هتوحشوني جدا

دمتم سالمين ومتابعين