_اه ياااارب خدني انا تعبت بقي هو انا مكتوب عليا الوجع والفراق ديما كده
_كفايه بقي علشان خاطري مش قادره اتحمل اشوفك كده قلبي وجعني عليكي يارهف
_وانا قلبي وجعني علي ابويا وامي اللي ماتو وسبوني في الدنيا لوحدي طيب قوليلي انا هعيش علشان مين يارغد
_انا هتعيشي علشاني انا علشان انتي عارفه اني مليش غيرك في الدنيا بعد ما بابا وماما اتطلقو وكل واحد فيهم راح اتجوز وخلف وعايش حياته ونسوني انا علشان انتي عارفه انك بالنسبالي مش صاحبه لا انتي اختي وامي وابويا وعيلتي كلها عايزه تسبيني طب مين يحضني لما اعيط مين اللي اجري علي حضنه اول ميحصلي حاجه مين اللي هيخاف عليا وهيهتم بيا وبأكلي قوليلي مين مين طب لو عايزه تمشي متمشيش لوحدك خديني معاكي مش هتحمل اعيش من غيرك لحظه واحده علشاني انا علشان بنتك اللي مخلفتهاش مش ديما بتقوليلي كده طيب ينفع تسيبي بنتك لوحدها وهي ملهاش غيرك علشاني انا بس استقوي
_بس انا تعبت يارغد والله انا مش جبل
_عارفه والله عارفه بس انا جنبك وهنعدي الازمه دي مع بعض وهندعيلهم ديما علشان هما محتاجين دعواتنا اووي وكمان هنتصدق علي روحهم وهنعمل كل حاجه تفرحهم بس واحنا مع بعض يارهف واحنا سند لبعض
_انا تعبانه وعايزه انااام
_تعالي ياقلبي في حضني ونامي ومتخفيش من حاجه انا جنبك ومعاكي وعمري مهسيبك ابدا
ثواني وراحت في النوم وبعدها انا كمان نمت وصحيت الفجر علي صوت عياطها اخدتها في حضني وقعدت اطبطب عليها واهديها وبعد مهديت شويه
_تعالي ياروحي نصلي وانتي هترتاحي
قامت معايا بضعف وقيلة حيله وساعدتها وهي بتتوضي وفضلت سنداها لحد مقعدتها علي الكرسي علشان تصلي مردتش واصرت انها تصلي من غير كرسي وفعلا صلت واولا مسجدت علي الارض سمعت انهيارها اللي بجد وانا قلبي بيتقطع عليها هي توأمي وكل حاجه في حياتي مش قادره اشوفها بتعيط والله مقادره المهم بعد مصلت وانا صليت سندتها وقعدتها علي السرير وفضلت حضنها وبطبطب عليها وبقرأ قرأن لحد منامت تاني ساعتها بقي انا مجاليش نوم خالص من كتر وجعي عليه فضلت صاحيه لحسن تصحي وتلاقي نفسها لوحدها وانا نايمه مسكت التلفون بتاعي وفتحت الفيس وكتبت (ساعات كتير الحياه بتدينا شخص واحد بس يبقي بالنسبالنا هو الدنيا واللي فيها يوم ما الشخص ده بيتوجع بنحس كأننا بنموت بالبطئ واحنا شايفينه بيتوجع ومش قادرين نعمل حاجه بجد هو ده الضعف اللي بجد انك تشوف اقرب الناس ليك موجوع وانت مش قادر تداوي جرحه)بعدها قعدت ثواني باخد نفسي اللي مكنتش قادره اخده وبعدها كتمت(كمية الوجع والقهر لما تحب شخص وتحسه عيلتك كلها ويبقي هو اللي ليك في الدنيا دي والشخص ده يتوجع ويتكسر ساعتها بجد بتحس انك اتكسرت بدل المره اللي هو اتكسرها الف مره ومره بس علشان شايف وجعه ده ومش قادر تداويه)بعدها قفلت الفون وفضلت قاعده ببص عليها بحزن وقومت صليت ركعتين لله علشان ادعيلها وبعدها قعدت قريت قرأن شويه وحاولت انان معرفتش فضلت قاعده لغايه ما النهار طلع والساعه كمان جت 10 الصبح ولقيتها صحت اول مصحت بصتلي بحزن وبصت قدامها مقدرتش اشوفها في الموقف ده بجد اخدتها في حضني وفضلت تعيط وفضلت انا بعيط معاها وفضلنا علي الحال ده كتير لحد مجمعت شجاعتي ورفعتها من حضني ومسحت دموعها وقولتلها بقوه _ايه الضعف ده من امتي وانتي ضعيفه كده عارفه ان اللي حصل كتير اوي عليكي بس برضو لازم نقوي انتي مينفعش تبقي ضعيفه فاهمه وانا مش هسمح بكده اصلا اديني قولت ففوقي كده واستهدي بالله ده قضاء ربنا مفيش في ايدينا حاجه وهما حتي لو ماتو فهما برضو لسه عايشين جواكي وهيفضلو عايشين جواكي ديما
ساعتها بصتلي بدموع وقال_محتجاكي اووي
_ياروح قلبي وانا جنبك ومعاكي والله وعمري مقدر ابعد عنك هو انا ليا غيرك اصلا
_طيب خديني في حضنك حضنك بيطمني
اخدتها في حضي وانا قلبي بيعيط عليها وفضلنا علي الحال ده شهور لحد مقدرت اخليها ترجع رهف امي واختي وصحبتي اه هي برضو مكسوره من اللي حصل بس يكفي عندي انها كملت حياتها ورجعتلي تاني انا مبحبش اشوفها زعلانه ابدا المهم كنت قاعده بتفرج علي التلفزيون وهي جوه بتغير هدومها اصلي سيبت شقتي اللي كنت قاعده فيها وجيت سكنت معاها وبعدها جت قعدت جمبي ونيمت راسها علي رجلي وفردت جسمها وقالتلي بهدوء_انتي عارفه انا محظوظه اووي ان عندي صاحبه زيك بجد انتي مش صاحبه ولا عمرك هتكوني مجرد صاحبه انتي سكن وراحه وامان انت حضن ودفا انتي قلب خالف عليا بصدق واتوجع عليا انا في عز وجعي انا مقدرش استغني عنك ولا عن وجودك في حياتي
ابتسمتلها بحب وقولتلها_وهو انا بس اللي كده امال مين اللي كان بيحضني وبيفضل جمبي في عز زعلي مين اللي كان سندي وضهري ها مين اللي كان اماني وراحتي
ابتسمتلي وغمضت عنيها بأمان وهدوء وفضلت انا العب في شعرها وانا بتنهد وبشكر ربنا انه رجعلي صاحبتي وعشرة عمري من تاني وقواها وصبرها علشاني انا
وبعد كتير اووي لقيتها جايه وبتقولي وهي فرحانه_ قابتله قابلته قابلته
قولتلها _ايه يامجنونه انتي قابلتي مين
_قابلت فارس الاحلام اللي خطف القلب والعين
_وهو مين ده بقي ياستي فارس الاحلام اللي خطف القلب والعين
_اسمه يوسف البحيري بس مقولكيش بقي بجد يعني مشوفتش زيه تحسيه راجل كده بجد محترم جدا وجدع جدا
_طيب يلا احكيلي بقي شوقتيني
_من عيوني ياعسل انت هحكيلك كل حاجه بصي بقي ياستي
وخلص الاسكريبت ده علي كده بس الاكيد انه له جزء2 ممكن اكون طولت شويه في حكاية موت اهل رهف ورد فعلها بس كنت عايزه ابين من خلالها نقطه مهمه جدا وهي معني الصحاب اللي بجد مش صحاب اليومين دول دول اصلا مينفعش يتسمو صحاب الصحاب سند وضهر سكن وامان وحب وخوف عليكي بجد غير كده ميبقاش اسمهم صحاب يارب يكون الاسكريبت عجبكم ووصلكم اللي عايزه اقوله وبعتذر عن اي اخطاءات املائيه التليفون بيكتب علي مزاجه بقي معلشي معرفتش اربيه انا😂😂مستنيه رأيكم فيها
أنت تقرأ
اسكريبات بقلمي Menna Mohamed
Kurzgeschichtenاسكريبات كتيره بقلمي عايزاكم تقروها ومستنيه رأيكم فيها يارب تعجبكم
