_انت مين
_ انا جوزك
_افندم انت مجنون ولا ايه
_مجنون بيكي وبحبك
_انت تعرفني اصلا يابني
_اه طبعا انتي تبقي لوچين محمد عندك 23 سنه متخرجه بقالك سنه من جامعة السن وبتعشقي اللغات والترجمه بس رغم كده مش بتحبي تشتغلي في المجال ده ونفسك تفتحي حضانه لانك بتعشقي الاطفال وبتحبي الون الاسود والروز وبتحبي المحشي والمكرونه بالبشامل جدا جدا ومبتحبيش البزلا ولا الفاصوليا عايزه تعرفي حاجه تانيه
_ايه ده انت عارف عني كل ده
_واكتر كمان
_تمام ممكن اعرف حضرتك عايز ايه لان وقفتنا دي غلط جدا
_عايز رقم والدك
_زي معرفت عني كل المعلومات دي يبقي جيب رقم بابا بنفس الطريقه
ضحك هو وبانت غمزاته الجميله_طلعتي ذكيه ومتعبه
_شوفت بقي عن اذنك
_طب استني انتي موافقه
_اولا انا معرفكش لازم اعرفك الاول واصلي استخاره بس الطريقه اللي وقفتني بيها غلط كان مفروض تدخل البيت من بابه علطول ولما تتقدم هتسمع ردي
_في دي بقي عندك حق انا اسف
_ولا يهمك عن اذنك
_اتفضلي
وبعد يومين لقيت بابا بيكلمني علي العريس اللي متقدملي معرفش ايه اللي خلاني اوافق وجه اليوم اللي هنتكلم فيه قبل ميجي كنت عماله اعيط اصل ده اليوم اللي بتحلم بيه كل بنت وبتبقي مامتها جمبها لاكن انا ماما ماتت وسابتني لوحدي وهقابل العريس من غير متكون جمبي وفرخانه حتي يوم فرحي وخطوبتي هكون لوحدي من غيرها لما فكرت في كل ده فضلت اعيط بوجع قلب لحد ملقيت بابا بيناديلي وبيقولي ان العريس جه فغسلت وشي وطلعتلهم شويه وبابا واهله سبونا لوحدنا وطلعو بره
_هتفضلس ساكته كتير وبعدين مالك في ايه انتي كنتي بتعيطي صح طب لو مش موافقه قولي ومش هغصب نفسي
عليكي اكيد
_لا انا مبعيطش علشان انا رافضه لا انا بعيط لاني افتكرت ماما
بصلي بحنان وقالي_ ربنا يرحمها وعد مني اني هكون ليكي الاب التاني والاخ والصاحب والام كمان
_بجد يعني مش هتوجعني
_هو فيه حد بيوجع روحه لو وجعتك هبقي بوجع نفسي قبلك
صلي استخاره وهستني رأيك بس مطوليش اوي يعني
ضحكت وقولتله_حاضر
ومشي هو واهله بس مشي وخد قلبي معاه فضلت بفكر فيه كتير وصليت استخاره ونمت صحيت وحسيت براحه كبيره اووي وحلمت بحلم جميل حلمت ان انا وهو في مكان جميل حواليا زرع وخضرا وقدمنا بحيره فيها مايه كتير وهو كان واقف قدامي وشايل بنوته علي ايد وولد علي ايد وبيضحك وبيقولي تعالي انا مستنيكي علشان نعمل العيله دي بجد وصحيت وانا مبسوطه ومستريحه فوافقت وجم تاني واتفقو علي كل حاجه وكان جواز علطول مكناش عايزين فترة خطوبه واتجوزنا وكان بيعملني علي اني ملكه ملكته هو وبس بجد مش عارفه ليه بنات كتير بتتنازل انها تتجوز اللي يصونها ويقدرها ويعملها علي انها ملكه ليه لازم يتنازلو ويرخصو نفسهم رغم انهم غاليين جدا جدا ويستاهلو الراجل اللي يصونهم ويقدرهم المهم بالنسبالي انا بعد متجوزت حبيبي وجوزي ياسين فتحلي حضانه فعلاوبقيت بديرها وكنت مبسوطه جدا جدا بالاطفال وبعد كام شهر عرفت اني حامل وبعد 8 شهور بالظبط جالي احلي واحمل ولد وبنت وسمتهم سيف ونوران واتفقنا انا وهو اننا نربيهم بالطريقه الصح ونقرأ في التربيه علشان نطلعهم سويين نفسيا وده طبعا لانهم امانه من ربنا لينا وهنتحاسب عليهم يوم القيامه وطبعا كنا بنتخانق كتير جدا بس عمره منيمني وانا زعلانه وكان ديما يقولي لما تزعلي تجري في حضني انا وتشتكيني مني وفعلا كان هو ملجأي زي ماانا كنت سكنه وراحته
يارب تكون عجبتكم ومتركزوش لو فيه غلطات املائيه لاني مراجعتش الاسكربت والكيبورد بيلغبط الحروف وبيمسح حروف المهم اني مستنيه رأيكم في الاسكريبت وفي اسلوبي كمان
دمتم سالمين ومتابعين
أنت تقرأ
اسكريبات بقلمي Menna Mohamed
Historia Cortaاسكريبات كتيره بقلمي عايزاكم تقروها ومستنيه رأيكم فيها يارب تعجبكم
