اتعلقت بيهم لدرجه ابعد من الخيال لدرجة اني متأكده ان لما اجيب عيال مش هتعلق بيهم زيهم وفي يوم كانو جايين وهما فرحانين اووووي فأنا فرحت جدا لفرحتهم دي وسألتهم هما فرحانين ليه فقالولي ان باباهم رجع من السفر وهيجي ياخدهم انهارده من الحضانه معرفش ليه قلبي دق ساعتها استغربت اوي بس مهتمتش وبعد مخلص اليوم بضحك ولعب جه باباهم وكان صدمتي انه هو ساكن قلبي الوحيد بقاله 8 سنين وعمر محد هيسكن قلبي غيره
لما شافني قالي بصدمه_ليلي
قولتله بنفس الصدمه:ادهم
حسيته حاول يكون طبيعي وقال:عامله ايه
_تمام الحمدلله وانت
_تمام انتي عيالك هنا وجايه تجبيهم ولا ايه
_لا انا متجوزتش ومعنديش عيال
_بجد
ساعتها سمعنا صوت يوسف وريان وهما جاين يجرو وبينادو علي ادهم فلقيت ادهم فتح درعاته ليهم بحنانه المعهود وحضنهم وقعد يبوس فيهم
وبعدها بصلي وقالي _عايز اقابلك علي الغدا في مطعم........ محتاج اتكلم معاكي كتير ايه رأيك
_تمام
مشي ادهم ودخلت انا وفضلت قاعده لحد ما الاطفال كلهم مشو وروحت وصلت بيتي وانا عماله بفكر يا تري عايزني في ايه طالما اتجوز وخلف وعلي معاد الغدا روحت للمطعم ولقيته مستنيني سلمت عليه وقعدت
_تاكلي ايه
_اي حاجه
_هطلبلك علي ذوقي
_ماشي
وطلب هو الاكل وبعدين لقيته بصلي وفاجأني وقالي
_بحبك
_قول والله
ضحك هو بصوت عالي وقال_والله
فوقت انا بقي لنفسي وقولتله _نعم يابابا جاي تعترفلي بحبك بعد مسبتني ست سنين وكمان روحت اتجوزت وخلفت ليه بايره انا ولا بايره ده انا الف من يتمناني يكش هي بس النفس
انفجر هو في الضحك لدقايق وبعدين لقيته قال_ايه هي المسوره مبتصدق تتفتح اهدي ياماما اهدي وخليني اتنيل اشرحلك مش عارف انا ايه اللي جابرني احب واحده مجنونه ولسانها مبيسكتش
_ليك الشرف علفكره
_طبعا ياقلبي وهو انا اقدر اقول غير كده ممكن بقي تسكتي وتسبيني اتكلم
_ماشي علشان تعرف بس ان قلبي طيب
_لا منا عارف متقلقيش وهو انا ايه اللي حببني فيكي غيره
_طب بث بقي علثان بتكثف
قالي بمشاكسه_بقي انتي بتتكسفي انتي ده من امتي ده
_بطل رخامه يابني واحكيلي
_هحاول دلوقتي بس علشان اعرف احكي
بصي ياستي من 6 سنين جالي تلفون من اختي انها محتاجاني ضروري جدا ولازم اسفرلها كنت مرتب نفسي اني مسافر شهر وراجع بس هي كلمتني وقالتلي انها محتاجاني جمبها مده طويله جدا فوافقت طبعا منا مش هتخلي عن اختي لأي سبب وسافرت ولما شوفت الوضع مكنتش عارف هاجي امتي بس كنت متأكد اني هغيب سنين قولت لسيف اني هقعد 3 سنين علشان تفقدي الامل فيا وتعيشي حياتك وتتجوزي وفعلا كان عندي حق لاني لقيت اختي تعبانه جدا وعندها الكانسر بس كان لسه في اوله طبعا قررت اني هستقر هناك علشان افضل جمبها ومعاها وفعلا فضلت ودخلت عمليات والحمدلله الورم اتشال بعد سنه وكام شهر من مرواحي هناك وبعدها اكتشافنا انها حامل وبرضو كان تعبانه جدا في حملها ده ففضلت جنبها ومعاها انا وجوزها وماما لحد مولدت يوسف واللي احنا مكناش عارفينه بقي ان الورم رجعلها تاني بعد الولاده والمره دي كانت اصعب مرحله فضلنا سنه وكام شهر بتاخد كماوي وحتي التدخل الجراحي مكنش ينفع وهي رفضته اصلا فبالتالي لجأنا للكماوي اللي بجد كنت بحس انها في كل جلسه بياخد من روحها كتير كأنه بيقتلها بالبطئ كانت بتحاول تضحكلنا وانا متأكد ان جواها نار محدش يستحملها مكنتش بقدر اعمل حاجه غير اني اخدها في حضني وده كان بالنسبالي منتهي العجز وانا شايفها بتدبل كل يوم عن التاني ومع كده بتحاول تعيش حياتها طبيعي معانا بس وقت مكانت بتاخد الجلسه كانت بتنهار وبعد سنه كمان وكام شهر اكتشافنا انها حامل الدكتور رفض حملها ده وقال لازم تنزله لانه خطر علي حياتها وكمان الورم ممكن يتنقل للجنين ساعتها هي عيطت واترجته وفضلت مصره انها مش هتتنازل عن ابنها مهما يحصل وانها كده كده هتموت وان الدكتور قادر يديلها ادويه تحمي الجنين من ان الورم يوصله وفعلا امام اصرارها الدكتور عمل كده فعلا والنتيجه ان يوم ولادة ريان كان يوم موتها هي ساعتها بقي انا انهارت مكنتش عارف افرح علشان عذابها اللي كنت بشوفه بعيني انتهي وانها راحت للي احن عليها من اي انسان ولا ازعل علشان الاطفال اللي بقو ايتام وهما لسه ميعرفوش حاجه في الدنيا ولا ازعل علي اختي الوحيده اللي مليش غيرها فضلت كام شهر في صدمه مبعملش حاجه غير اني بهتم بيوسف وريان ولما فوقت من الصدمه كنت مقرر ارجع مصر واربيهم في بلدهم بس للاسف باباهم رفض فاضطريت اني افضل هناك علشان ابقي جمبهم وبعد معدي سنتين باباهم اتجوز واللي اتجوزها مش عايزاهم معرفش ازاي قست قلبه عليهم في الاخر رماهم ليا ساعتها قولتله ان من النهارده ملوش عيال عندنا وميفكرش يجي يشوفهم في يوم وحجزت لماما وليهم ورجعو وفضلت هناك بصفي شركتي اللي فتحتها هناك وبعدها جيت النهارده وانتي عارفه الباقي بقي وعلفكره انا بحبك من 8 سنين من اول يوم عرفني فيه سيف عليكي بس كنت مستني اشتغل واكون نفسي واجي اتقدملك بس لما كنت خلاص هاجي كلمتني اختي وسافرت ولما شوفت الوضع اللي كنت حاسس اني هفضل فيه كتير محبتش اظلمك معايا وطبعا مع مرور السنين افتكرتك اتجوزتي وخلفتي علشان كده اتصدمت لما قولتيلي اتك متجوزتيش
عيني دمعت بحزن ووجع علي اللي هو شافه وقولت_ياه انت عيشت كل ده لوحدك وانا مكنتش جمبك
بصلي بحنان وقالي_وهو انتي تعرفي منين بس وبعدين انتي كنتي جمبي في احلامي وبعدين امال يعني مين اللي كان بيقويني
بصتله بحب وقولتله_ بحبكك اوي وعمر قلبي ده محب ولا هيحب حد غيرك واكيد مكنش ينفع اتجوز علشان انا مكتوبه ليك انت وبس ومكنش ينفع حد غيرك يبقي جوزي
_وانا بعشقك وعمر قلبي ده مدق لحد غيرك من يوم مشوفتك وانتي سكنتي قلبي وومفيش حد يقدر ياخد مكانك فيه ابدا علشان المكان ده ليكي انتي وبس
بعدها الاكل جه وقعدنا ناكل بهزار وضحك وحب ولاول مره احس بالسعاده بعد السنين دي كلها وبعدها لقيته افتكر حاجه كده وقالي _مستعده تبقي ام ليوسف وريان ولا لا اصلي مش هقدر اتخلي عنهم وعارف انك من حقك تعيشي لوحدك بس
_بس انت متكملش يوسف وريان عيالي قبل ميكونو عيالك ومن النهارده زي مكنت انت الاب ليهم انا هبقي الام ليهم صحيح هما قالولك بابا امتي
_من يوم مبتدو يتكلمو وهما بيقلولي يابابا يلا بقي تعالي اروحك مشي لاني اكيد مش هقبل تركبي معايا العربيه من غير متبقي مراتي فيلا بينا
بصتله بفخر وحب وقولتله_يلا بينا ياساكن قلبي الوحيد
وبعدها بقي جيه اتقدملي واتجوزنا علطول وعوضت يوسف وريان عن مامتهم وبقو يقلولي ماما وحقيقي حسيت كأني مامتهم بجد وانهم عيالي وحته مني كمان وديما بيجي في بالي الجمله اللي قولتها لنفسي زمان وهي ان حبه اللي ربنا حطه في قلبي اكيد لهدف وانا هفضل مستنياه لحد ميتحقق الهدف ده وفعلا ربنا عوض صبري خير وفهمت الهدف وهو اني اكون ام للطفلين دول واعوضهم حنان مامتهم وعمري مفرق بنهم ووبين عيالي لانهم كلهم عيالي واني افهم كويس ان عوض ربنا مفيش احسن منه وزي مخلاكي تبكي في يوم من وجعك وحزنك قادر يخليكي تبكي في يوم من فرحك وسعادتك وخلفت تالين وجاسر وعشت مع عيلتي الصغيره جوزي واولادي احلي حياه وديما ومع كل عيد لجوازنا او عيد ميلاد حد من عيالنا بقول لجوزي انت ساكن القلب الوحيد وعمر محد هيسكنه غيرك
وساعتها هو بيرد عليا وبيقولي وقلبي ده عمره مدق غير ليكي انتي وبس ياملكة قلبي وحياتي
كده خلص الاسكريبت التاني ومعلشي لو طويل شويه و يارب يكون عجبكم وفادكم وياريت كلكم تدعو لمرضي السرطان بالشفا والصبر ومستنيه رأيكم اللي بيفرحني ديما
أنت تقرأ
اسكريبات بقلمي Menna Mohamed
Historia Cortaاسكريبات كتيره بقلمي عايزاكم تقروها ومستنيه رأيكم فيها يارب تعجبكم
