_انا عايزه واحد يصوني ويحافظ عليا ياملك هو ده كتير عليا
_لا ياقلب ملك مش كتير بس مش يمكن يكون مروان هو الشخص ده
_لا مش هو ده واحد بيعرف بنات وبيصاحب وبيقابل هيصوني ازاي وهيحافظ عليا ازاي ها
_الاء ياحبيبتي احنا مش ملايكه احنا بشر وبنغلط وهو غلط بس ده مش سبب انك ترفضيه اقعدي معاه وفكري مش يمكن عرف غلطه وندم وانتي اللي هتغيريه
_مش عارفه ياملك بس انا مش هعرف اتعامل معاه والله مهعرف هبقي بشك فيه وفط كل حركه هيعملها او كلمه هيقولها في بنات ممكن عادي تقبل ولد كان بيعرف بنات بس ندم وبتبقي واثقه فيه لاكن انا لا كل واحد عارف طاقته وانا مقدرش اتجوز واحد كان يعرف بنات قبلي
_انتي عايزه واحد كامل وده عمرك مهتلاقيه لان الكمال لله واحده
_لا والله مش عايزاه كامل لاننا كلنا فينا عيوب بس كل واحد مننا في عيوب يقدر يتحملها ويعديها وفي عيوب لا وعيب البنات اللي كان يعرفهم ده انا مقدرش اتحمله انا عارفه نفسي وعارفه طاقتي ياملك
_خلاص يبقي ارفضيه
_بس لو رفضته عمي ومراته هيزعلو
_مينفعش توافقي علشان خاطر عمك ومراته وانتي عارفه انك مش هتعرفي تتعاملي معاه ولا هتعرفي تتقبلي عيوبه لو اتجوزتيه واطلقتي ساعتها عمك ومراته هيعملولك ايه ارفضي ياحبيبتي وراضي عمك ومراته لاكن مضيعيش حياتك علشان عمك ومراته
_عندك حق ياملك تسلميلي بجد انتي اختي اللي امي مجبتهاش
_بس ياهبله هو انا عندي اغلي منك يابت يلا روحي ارفضي العريس رقم الا صحيح هو رقم كام
_ههههههههههه متعديش بس تقريبا كده العاشر
_يلا عقبال متقفليهم دسته
_قولي ان شاء الله
_ان شاء الله ياخرة صبري يلا اقفلي سلام
_سلام
وطبعا بعد كل ده وبعد تفكيري رفضته طبعا بابا عارضني لانه مش عايز يخسر عمي بس لما قولتله اني سعادتي مش معاه وانه اكيد مش هيفرح لما ارجعله مطلقه ساعتها قالي خلاص اعملي اللي انتي عايزاه وانا عملت اللي انا عايزاه وفهمت مروان وجهت نظري وهو بصراحه احترامها مروان شخصيه كويسه وفعلا هو ندم وبطل يكلم بنات بس انا مش هستحمل انه كان بيعمل كده ممكن واحده غيري تقدر تتحمل ده وتثق فيه اه نسيت اعرفكم انا مين انا الاء عندي 24 سنه ومتخرجه من كلية اداب قسم لغه عربيه بحب اللغه العربيه بجد وبدور علي شغل وطبعا لاني مش لقيه شغل في البلد دي قررت اشتغل مدرسه في حضانه وفعلا دورت في الحضانات ولقيت حضانه حلوه ومستواها عالي وروحت قدمت واتفقت معاهم والمفروض اني هنزل الشغل من بعد بكره المهم بعد مخلصت معاهم روحت وانا طالعه علي السلم سمعت مرات عمي بتزغرط فطبعا الفضول قاتلني علشان اعرف بتزغرط ليه فخبطت ولقيت مروان فتحلي
_عندكم فرح ولا ايه ومن غيري كمان ياناااس ياواطيه
_اهدي يابت انتي وادخلي هتفهمي كل حاجه
وبعد مدخلت ولقيت مرات عمي قاعده وفرحانه وعماله تزغرط قولتلها_كده يازوزو بتزغرطي من غير متقوليلي كنتي قولتيلي كنت هعمل الواجب معاكي وهساعدك
_وهو انتي بتعرفي تزغرطي ياموكوسه
_الصراحه لا بس كنت هساعد برضو يعني المهم فرح مين ها ها
_يابت اهدي وهقولك ياستي مروان قرر يخطب تاني
_ليه وهو خطب اولاني
_بلاش نفتح السيره دي علشان انا مش طيقاكي بقي ترفضي ياتربية ايدي ها
_يازوزو بقي منا فهمتك وبعدين انتي قادره عليا وانا بنت اخو جوزك لما هتقدري عليا وانتي حماتي بقي وشغل الحموات بتاعك ده
_بقي انا بعمل شغل حموات ياجزمه
_اه اكذب يعني حتي اسألي مرات ابراهيم وجوز اسراء وهما يقلولك
_تصدقي لا انا ولا امك عرفنا نربي
_اه منا عارفه
_بت امشي من وشي
_تؤ قاعده علي قلبك يازوزو وانت يامروان بقي هتخطب مين
_هخطب ملك صاحبتك ياستي
_هييييييييه بجد بجد يعني انا هبقي اخت العريس وكمان صحبة العروسه ايوووه بقي
_انتي غريبه اووي انا فكرتك هتزعلي
_هزعل ليه بس ده نصيب يامروان وانا وانت اخوات ومينفعش الاخوات يتجوزو بعض وانت مكنتش بتحبني انت كنت عايز بنت محترمه وخلاص وقولت انا احسن من الغريب صح
_بصراحه صح بس مهي ممكن ترفض زيك
_مروان كل واحد فينا فيه عيوب وكل واحد فينا عنده فدرة تحمل انه يقبل عيوب ناس وميستحملش عيوب ناس تانيه فاهمني انت مفكش عيب بس انك كنت عارف بنات دي حاجه انا مقدرش اتحملها لاكن ملك غيري احنا اه صحاب بس انا حاجه وهي حاجه فاهمني
_فاهمك بجد انتي جدعه اوي ربنا يرزقك بأبن الحلال اللي يستاهلك
_تسلم يااحسن ابن عم
قولي بقي هتروحو امتي
_انهارده بليل
_تمام
_هتيجي معانا
_لا انا هطلع البس واروحلها من دلوقتي
_تمام
بجد انا فرحنالهم اوي حقيقي انا مبشوفش مروان اكتر من اخ وعلشان كده مزعلتش لما قرر يخطب صحبتي بالعكس انا فرحنالها جدا والله المهم طلعت لبست وروحتلها وطبعا اتفاجات انا متعرفش مين العريس بصراحه حبيتها تبقي مفاجأه فمقولتش وفضلت معاها لحد مجه العريس واهله وطلعنالهم لقيتها اتفاجأت اوي وبصتلي وهي بتهز راسها بالرفض الحيوانه دي هتعمل ايه انا فهمت تفكرها هي هترفض علشاني علشان مزعلش طبعا لما لقيتها هتعمل كده استاذنتهم وشدتها ودخلنا وساعتها قولتلها
_هتعملي ايه ياهبله انتي
_انتي بتساليني هرفض طبعا انا مش هسمح لاي حد يبعدنا عن بعض
_ومين قال اننا هنبعد عن بعض ها وبطلي هبل انا مقدرش ابعد عنك وبعدين انا عن نفسي موافقه
_بجد موافقه
_والله موافقه وفرحنالكم كمان
_يعني مش هتبعدي عني
_نفسي تبطلي هبل هو فيه حد بيبعد عن روحه يابت احنا روح واحده
_بحبك اووي
_وانا بعشقك اوي يلا بقي نطلع علشان اتأخرنا عليهم
وطلعنا بره ليهم وشويه وسبناهم مع بعض وخرجنا كلنا وبعد حوالي نص ساعه طلعو وهما مشيو وانا فضلت طبعا علشان اعرف اخر الاخبار فبعد ممشيو مسكت ملك من قفاها ودخلتها اوضتها
_ايه يابنتي الغباوه دي انتي ماسكه حرامي
_هشششششش مش عايزه اسمع صوتك غير لما ندخل اوضتك
واول مدخلنا اوضتها _ها انطقي بقي كنتو بتقولو ايه
_انتي ليه محسساني انك قلبتي وكيل نيابه
_بت كنتو بتقولو ايه
_مكناش بنقول حاجه يابنتي كان بيحكيلي عن ماضيه القذر وبيقولي موافقه ولا لا وحكالي عن نفسه وكده يعني
_اه طيب وانتي ايه رأيك
_مبدئيا موافقه بس هصلي استخاره الاول طبعا
_تمام انا هروح بقي
_طيب متباتي معايا
_خلي البيات ليوم الحنه بقي
_هو انا لسه وافقت يابت
_لا ما انتي هتوافقي
_انتي رخمه علفكره
_عارفه علفكره يلا سلام
_سلام يارخمه
ومشيت انا وروحت وبعد يومين عرفت انها وافقت وحددو الفرح بعد شهرين طبعا طول الشهرين دول انا اتبهدلت فيهم بهدله لحد مخلصنا الشقه وفرشناها وجبنا الفساتين وكل حاجه المهم اخيرا جه يوم الفرح وروحنا الكوافير ولما خلصنا جه العريس وركبنا العربيه بعد الزفه اللي عند الكوافير وطبعا انا ركبت معاهم وفضلنا نهزر ونضحك ولما وصلنا بقي كان فيه احلي مفاجأه لملك وهي ان اخوها اللي كان مسافر من 4 سنين رجع علشان يحضر فرحها وبصراحه اكبر انا اللي كلمته علشان يجي بس مكنتش متصوره انه هيجي المهم ملك اول مشافته حضنته وقعدت تعيط والمكياچ بتاعها باظ وايه بقي مقولكوش شكلها كان شبه امنا الغوله كده المهم اخدتها بعد وصلت الاستقبال دي ودخلنا الحمام وظبطلها مكياچها وطلعنا فلقيتها قالت_باسل انت جاي من نفسك ولا
_بصراحه صحبتك كلمتني علشان انزل وكلامها خلاني مقدرتش اسيبك لوحدك يوم فرحك
ساعتها بصتلي بحب وحضنتني جامد اوي وقالتلي _بحبك اووي بجد انتي اغلي حاجه في حياتي
_ياروحي وانا بعشقككك ياملوكتي يلا بقي نبدا الفرح المهم فضلنا نرقص ونغني ونعمل كل حاجه وغنتلها اغنيك اختي حبيبتي لانها فعلا اختي حبيبتي هي مش صحبتي هي اختي وروحي كمان المهم خلص الفرح وبعده بأسبوعين عرفت اني جيلي عريس وافقت اقابله وجت ملك من بدري ولما جه العريس واهله حقيقي اتصدمت صدمة عمري العريس يبقي باسل اخو ملك ساعتها بصتلها لقيتها بتضحكلي وبتقولي وهنبقي كمان نسايب مش صحاب واخوات بس ضحكت اوي وفرحت وبعد شويه سبونا لوحدنا
_بحبك علفكره
_من امتي
_من ايام مكنتش لسه عيله بضفاير بس كنت بحاول اطلعك من قلبي علشان كنت حاسس انك بتعتبريني اخوكي علشان كده سافرت بس لما كلمتيني علشان ارجع لفرح ملك مقدرتش اقاوم اكتر من كده ولما نزلت وشوفتك قررت اني اتقدملك علطول بس استنيت لما ملك ترجع من شهر العسل
_ياه ده من زمان اوي
_اوي اوي
_طيب بس هتقدر تتحمل هبلي ومش هتزهق
_عمري مهزهق انتي بنتي قبل متبقي حبيبتي ومحدش بيزهق من بنته
_وانا بحبك علفكره
_من امتي
_من وقت محبتني بس كنت فاقده الامل انك تحس بيا وتحبني وبرضو كنت فكراك معتبرني اختك
_يارتني كنت اعترفت ليكي من زمان كان زمانك مراتي
_كل شئ بوقته واوانه
_عندك حق والمهم انك خلاص بقيتي من نصيبي
_مين قال كده مش ممكن موافقش
_طيب لو جدعه اعمليها
_هتعمل ايه يعني لو عملتها
_هخطفك
_مجنون وتعملها
_مجنون بيكي علفكره وعلشان اعمل اي حاجه
_طيب يلا ناديهم
وبعد منداهم قولت ان انا هفكر طبعا باسل كان هيتجنن مني بس كان لازم اصلي استخاره وفعلا صليتها وحسيت نفسي مرتاحه ووافقت واتجوزنا انا وهو وللصدفه انا وملك حملنا بعد جوازي بأربع شهور مع بعض وولدنا في نفس اليوم ولدنا بنتين وطلبنا ينقلونا في اوضه واحده وبعدها خرجنا من المستشفي وربينا عيالنل واحنا مع بعض وعدي سنين وكبرو البنات وكانو برضو روح واحده مبيسبوش بعض ولو للحظه ولو واحده عيطت التانيه بتعيط معاها وبيدافعو عن بعض ومع كل ده بصينا لبعض واحنا قاعدين وشيفين مدي قربهم لبعض وقولنا في نفس الوقت شكل الصحوبيه عمرها مهتنتهي حتي بعد منموت وهتكمل بس مش معانا مع عيالنا هما اللي هيكملو مسيرة صحوبيتنا واخويتنا
وبكده خلص الاسكربت 9 بتمني يكون عجبكم وبشكركم كلكم علي رايكم اللي فرحني جدا في الاسكريبات اللي قبل ده ومستنيه رأيكم في الاسكربت ده لاني حقيقي بفرح جدا برايكم وبيشجعني اني اكمل كتابه
أنت تقرأ
اسكريبات بقلمي Menna Mohamed
Historia Cortaاسكريبات كتيره بقلمي عايزاكم تقروها ومستنيه رأيكم فيها يارب تعجبكم
