جنة ،،،،سلام

الحلقة -15-

جنة،،،سلام
بقلم/فراقد حسن علي
،،،،،،،،،،،،،،،،،،،،
البارت -15-

جنات/شمرت التلفون ونداريت عليه بقيت اباوع بملامحه ومديت ايدي واتلمس بصبعي على كيفي حواجبه وعيونه خشمه ،

-تلمست شفايفه وشواربه ،،كلشي حلوو بي ،،نزلت اصبعي على بلعومه

-حنجرته عاليه عبالك بيها طوبه صغيره كلش حلوه من يحجي تصعد وتنزل بلعومه

-ومااحس الا شي وكع من السكف على مخدتي بصف وجهي

-سلاااااااااااااااام

سلام/هاااااااا داعش أحتلت بغداد

جنات/من صرخت هو فز ووكف على حيله وعين عليه وعين على الباب ،،وضعه حيل مرتبك وقلق عبالك خايف

-واني طفرت من الجربايه ،،وكفت على الحايط وارجف وابجي

-سلاااااااام حيه على مخدتي وكعت من السكف

جنات/وماأشوف الا قصي دفر الباب وفات علينه ولابس بس برمودا

قصي/شبيييگممم ،،،يوووول سلام وكع گلبي عبالي أغتالوك

سلام/حيه ،،شنو حيه ،،يووووولي أنتي تعرفين شنو حيه لو لا

جنات/اي اعرف شفتها باليوتيوب

قصي/ماتشوفيني هل حيه وينها اليوم ،،أنعل مذهبها ،،
وأنعل دينها بعد ،،بالله يمكن صار بيه سكر من الخرعه

جنات/شفت قصي وسلام ،،أنخبصوا يدورون بالفراش وكلبوا فراش الجربايه گلاب

-أستحيت من قصي ،،ختلت وره البرده ،،ولفيت روحي طلعت بس وجهي

سلام/يووووولي أنتي متاكده شفتي حيه

جنات/اي والله شبيك متاكده

سلام/يوووولي هاي المنطقه ماتجي بيها حيايه

قصي/خويه خاف جنتي نايمه وتحلمين

جنات/يدورون بالفراش وينگتون بي ويحجون ويايه

-شفت قصي دنك جوه الجربايه ويباوع ،،وسلام يتلفت ويدور بالغرفه

-وچان أشوف الحيه صعدت بسرعه وصارت فووك التاج مال جربايه

-سلاااااااااام هذيج الحيه صعدت فوك الجربايه

سلام/يووووولي من خرررررب عقلج ،،

-يوولي هاي حيه هاي ،،هذا أبو بريص

-جنات/سلاااااام حباب راح تلدغني ،،سلاااام حباب والله أخاف منها

-أحجي وأبجي وأرجف وحيل خايفه منها

-وقصي وسلام يركضون وره الحيه ،،يردون يلزموها

-سلام لزمها ،،بسرعه لكفها بيده وچان يحطها بحلكه عضها بسنونه قسمها نصين ،،وشمر الجزء البيده بالكاع وتفل الجزء الثاني من حلكه بالكاع ،،