جنة ،،،،سلام

الحلقة -19-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-19-

جنات/أعتدى عليه سلام  بكل وحشيه ،،وبكل عنف ،وبكل قسوه ،،من كد الوجع والالام الشفته
صارت عندي رجفه نفس الصارت بيه من تهجم عليه حارث ،،
وخشمي كام يكت دم

-واعيه واسمع واشوف بس الرجفه موتتني ،،كهرباء وتصعق بروحي ارجف مثل رجيف السعفه وهو ابد مارحمني

-رفعت راسي على باب الهول وأشوف ظل رجال عاكس على الباب بس مادخل عبالك واكف باب الكلدور

قصي /سلااااااااااااااااام،،،يوووول سلاااااام

-جنات يخوي ادخل لو لا حاجيني ،

-ياب بالله صوتج واصل لباب الشارع بالله قلبي انمرد عليج بس حاجيني

-يووول سلاااام حاجيني

-من انعل شيطانك ،،يوول سلام انت شارب ،،

-يووووولو بس أحد يحاجيني

جنات/اسمع صوت قصي خطيه يصيح عليه،،ويحاجيني بخوف وقلق

بس مااكدر اجاوبه ،،وهو الظاهر فهم شنو الموضوع لان مادخل بقى واكف باب الكلدور

-سلام نهض من عندي وعافني طير وشلعوا جنحانه من جسمه ،،اخذ ملابسه من الكاع وراح للغرفه

-الوجع ذبحني مااكدر اتحرك ،،الوجع مو مثل أول مره صار بيها تقارب بيني وبين سلام ،،هذا الوجع بثاني لقاء أذاني أكثر

-الرجفه موتتني صح سكن جسمي من الخارج بس احس اعصابي من داخل بعدها ترجف

مديت ايدي سحبت باقي دشداشتي ماكدرت اكعد والبسها لان ماعندي قوه انهض روحي

-صحت على قصي بصوت متقطع من كد الرجفه ،،قققصصي اااريدد شششيماااء

-سمعته يخابر شيماء ويسب ويغلط على سلام ،،ويكلها يوولي الحگي عليها سلام أغتصبها

- هو يمكن شارب ومايدري بروحه ،،ومااكدر ادخل عليهم لان هي بالهول خطيه خاف أنها مكشفه

-حاولت اكعد على حيلي مااكدر الرجفه كهرباء وتصعق بداخل جسمي ،،

-يعني اليشوفني من الخارج مابيه شي بس من الداخل لا رجفه كلش قويه

-شمرت الدشداشه على روحي وبلكوه أنكلبت على صفحه ،،راسي ذبحني  من كد الصداع والالم مااكدر أشوف ،،وخشمي يكت دم

-بعد ماسمعت صوت سلام وين راح لان أختفى

-واسمع قصي يكول ،،يوولي ألحكي من أشتعلت لشتوا سلام ،

-يولي بالله يمكنها فطست ،،صريخها لباب الشارع ،،

-يوولي اتركي هذا الدكمه ولحكي على الحرمه