جنة ،،،،سلام

الحلقة -27-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-27-

جنات/ بقيت افكر ،،وكلساع اتخيل بالي فكره شكل ،،
وبقيت أتقلب ،اريد بس تمشي الساعه ماكو

سلام/ول ياب هودي شوي اريد أغفى
ساعه وانتي تتكلبين عبالك سمچه مزوهره

جنات/سلامي حباب أمشي نروح للمختبره هسه

سلام/ول ياب وين ماشيه هساع ب ٤ بعدها ماصايره
خليني مجضوع شوي اريح جثتي

جنات/أكوم أسوي جاي ،تريد كيك لو كعك

سلام/يالمدعبله ،،أزلفي عن وجهي خل أغفى شوي

جنات/هذا حجي يفيدك ،بس اخلص الجاي أجي أكعدك

-كمت تمشيت للمطبخ خليت مي وهيل بالقوري وخليه على الطباخ

-طلعت كعك ابو الدهن نص ماعون وكعك ابو السمسم نص الماعون الثاني

-جهزت الأكواب بالصينيه وخليت بيهم الشكر ،،غلى مي القوري ،،هديت النار وخليت ورق الجاي بالقرري

سمعت الباب تندك ،،أخذت حجابي وطلعت ،،
-منو بالباب

الجارة العجوز ام حسين/اني حبوبه

جنات/الف هلا بيج خاله تفضلي

الجارة/يزيد فضلج حبوبه ،،ويحفظلج راعي بيتج

-حبوبه بعد صلاة المغرب عنده مجلس أقرايه أجيت أبلغج

جنات/اي خاله ان شاء الله بس يكعد أبو فهد من النوم وابلغه تدللين

الجارة/عساه نوم العافيه عليه ،

-أنتظر جيتج حبوبه ،،وبعد بيتي ياحبوبه خبري حماتج هاي الدكتوره خلها تحضر وياج المجلس

جنات/اي بعيوني هسه أخابرها تدللين

-خاله فدوه ميصير تبقين بالباب واكفه ،
تفضلي جوه نشرب جاي سويه

الجارة/من فدوة رحت لهل جهامه يابعد گلب خالتج ،،
كوليلي أمشي حتى اعزم باقي نسوان الشارع ،
مع السلامه

جنات/براحتج خاله ،،مع السلامه

-رجعت ودخلت جوه واشوف بالهول
سلامي ضايج معقج وجهه لان مانام شويه ،،
واكف بنص الهول وبيده الريمونت ويقلب بالتلفزيون

-نوم العوافي نومك

سلام/نوم الثوم والبصل ،،

-يول يالمدعبله طولج شبر وما أكدرلج،،
حت ماخليتني شوي أجيل بالله مقفل وعيوني ثگيله

جنات/شسوي ما أكدرت أنام بالي مشغول

-غسل وجهك ،،بين ماأصب الجاي

-مشيت للمطبخ صبيت الجاي ورجعت للهول

-وبقيت أكلب بالتلفزيون طلعت قصيده حجي باسم سامحيني ،،
بدايتها ،،
-موقف أيهد الرواسي مر عليه
حيرتني من فوك مهري بلا أيديه
مدري أطيح على الوجه ،،مدري على ظهري
واني كل هذا وفكر شنهو عذري
سامحيني