جنة ،،،،سلام

الحلقة -8-

جنة ،،،،سلام
بقلم/فراقد حسن علي
البارت -8-

-الاحداث جرت في يوم الاثنين ؟؟١٣/٤/٢٠
(يوم ١٣،،شهر ٤)

سلام/بالله خوش تفكير ،،امش ويايه نروح للشقه ،واتصلي على شيخ ماجد خل يجي غاد للشقه وبلغ هشام يحضر معوا

-مشيت اني وعماد ووصلت لشقتي ،،دكيت الباب ماتفتحها ،رجعت دكيت عليه اقوى من اول مره

جنات/ماادري غفيت بمكاني على التخم واحس الباب يدك بقوه ،،كمت على كيفي ووكفت وره الباب ،،،منو بالباب

سلام/اني سلام افتحي الباب

جنات/خفت افتح الباب ويطلع مو هو ،،منو يكول انت سلام

سلام/هههه ول ياب قابل ظلوا ،،اني سلام الزتيتج للمستشفى ،وسويتلج عمليه

جنات /دقايق هسه افتحها،،من تاكدت هو سلام تمشيت على كيفي واخذت شالي من التخم وحطيته على راسي واني اصلا نايمه بعباتي الاسلاميه،، وفتحت الباب

وتفاجأت بسلام وياه هذا الضابط عماد ولابسين ملابس عاديه مو عسكريه ،،

يمه كلش خفت وكلبي كام يدك سريع ختلت وره سلام ،،ماادري أحمي روحي من عنده ،،لو أحمي روحي بي ،من هذا الضابط عماد

سلام/شويه وفتحت الباب ولابسه حجابها وعبايتها ،،من دحكت على عماد ويايه خافت منوا ولبدت بسدي،،بالله ردت اطردوا لعماد بره الشقه لان هيج مسوي بيها خرعه

عماد/مو اگولك عياره وانت تگول لا تختلف عنهن

سلام/يوووول عماد هين وأكظب حدك ،يزي عاد ،،زگحت بي ورديت غمزتلوا حت لايزعل ،

هو افتهم علمود العقد أبتسم وانجعم ،،واني بداخلي صدك مااريده يتگلم عنها بگلام مو زين

جنات/سلام ليش جاي وياك الضابط عماد

سلام/لاتخافين تعاي أستريحي بالاول ،،وهذا الضابط عماد أبن عمي ،،ونسيبي مااخذ اختي ،،وراح يكون شاهد على زواجنه

جنات/مشيت على كيفي وكعدت على التخم وهم  كعدوا گبالي،ومن عرفني عليه سلام مااستغربت صدك عبالك اكو بيناتهم شبه وصلة الدم

بس تفاجأت من كال شاهد علىً زواجنه ،،سالته بستغراب زواجنه !!!

سلام/اي زواجنه حقعد عليج هساع ،،حت اعرف اساعدج ،،واكدر ابقى يمج،، واعينج واداريج ،،واتكلط بگربچ ،وافتهم منج وتفتهمين مني

وكل هذا مااكدر اسوي الا يصير بيناتنه عقد شرعي ،،وتصيرين حرمتي چدام الله ورسوله ،،وتكونين محلله عليه ،ومحلل عليج

دغني بخاصرتي عماد وشاورني ،،
-أثاريك مانك سهل يالذيب خوش تعرف تقنع

-رديت شاورتوا ،،
-هههه يول مو كلنه شاربين من نفس المعجن ،،
ول ياب عجل خبرة هاي السنين جثيره تروح أبلاش