جنة ،،،،سلام

الحلقة -17-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-17-

جنات/شيماء ترضع بحمودي كالت فدوه صبي جاي واخذي الهم بالربعه كاعد بيها بس سلام وعماد

-اخذت الجاي ورحت ردت ادخل اوديلهم الجاي وانصدمت بالكلام
وبقيت أسمع الحديث بين سلام وعماد

عماد/يوول سلام أنت من گل عگلك تسولف

سلام/الشي مو بيدي اذبح نفسي يعني

عماد/يوول عجل صارلها شكثر يمك ولهساع ما مااخذها الك حرمه شنو چنت تسوي كل هلمده تلعب دعبل وياها

سلام/لا يتزومل هساع دماغگ ويحرن نفس دماغ الگر

-مو گتلك اول شي چنت مستخطيها لان عمليه وجسمها متاذي

-ثاني شي مرتين حاولت أتقرب منها وماكدرت ،،تجي براسي صوره النذل شلون تهجم عليها وكشف عليها وهي بذمتي

عماد/يول سلام بالله أنت مگبر الموضوع صح لو أني بمكانك
أفكر نفس الشي

-بس أنت كلت أني متأكد ماامتكلط عليها ،

-وبالله أني أشوفه خوش حرمه وتساهل كل خير

سلام/يول ياكديش تعلمني بحرمتي ،،يول بس روحها الخام كافي

يعني تصور ماتقبل احظنها لو أبوسها لان مجازه شرعاً وشيماء كايله الها حرم يتكلط عليج

وهي حت السالفه مافاهمتها شنو عبالها أتكلط عليها يعني أبوسها

بالله نظيفه ،وملكاها حلو ،ودوم مرتبه ،،واشوفها تحاول تكسب رضاتي

حت تضغط على نفسها وهي تعبانه وعمليتها وتحاول تسكب رضاتي بأي طريقه ،،مو بحيله ومگر لا بس هي الصدك حابتني

عماد/وأنت شنو ناوي تسوي بهاي الحاله

سلام/بالله ياخوي ماادري ومحتار ودايخ

ومااجذب عليك روحي ساكنتلها ومهوده وياها يعني أشعر تجاها شعور حرمتي ونصفي الاخر

نفس شعوري تجاه هناء الله يرحمها وتجاه رحاب النسره

يعني هساع احساسي تجاها مو مجرد رغبه لو نزوه بنفس نيتي أول ماعقدت عليها أو نفس الاحساس العقدت عليهن جوه العبايه ،

لا أحس تجاها بألفه وسكينه مثل أي زوج وزوجه ،

عماد/عجل كل هاي الأحاسيس والمشاعر تجاها ولهساع ما ماأخذها الك حرمه عجل متكلي شمنتظر،،

او أني أكلك كول جزت روحي منها منتظر حسين ابن عمها واردها اله

سلام/يوول يا گررر أفهم عاد مو سالفه جزت روحي منها ،،
لو مليت منها نفس هذنيج بنات ضحاوي

السالفه من اتقربلها يجي براسي مشهد الكديش أبن الكديش شلون كشف عليها وهي بذمتي

يعني أتخيل الموقف عبالك يگولي حالها حال بنات ضحاوي هم كشفت عليهن وهنه بذمتك