جنة ،،،،سلام

الحلقة -23-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-23-

جنات/ترخصت من الكاعدين وطلعت للحمام مريت من المطبخ واشوف هاي جيهان العوبه وبت عمهم يسولفن مااهتمتلهن طلعت للحمام

-من رجعت مو قصدي اتسمع على حجيهن بس كلامهن جذبني وبقيت واكفه اسمع لحجيهن

جيهان/بالله عليج سمعتي سلام شلون متكاون ويه أمي علمود هاي الكح.....

كوثر/بعد حظ كح.....

جيهان/يولي بالله گلبي شابع قهر هل فصمه هاي تاخذ سلام من عندي

كوثر/صوجج چم مره كتلج خابري وجرجري بالحجي

جيهان/يولي مو عجزت ،،مليت ،،ماينطني وجهه
بس هل كح.... بعينوا

-يولي حت ماتستحي ولا عدها ذره مستحى وخجل ،،اهلوا وعشيرتوا موجودين بيتوا ،،كرصت بي بالغرفه وطلعتوا كلوا اثار

-والصبح تحظن بي چدام عماتي وخالتي وتبوسوا جدام الكل

كوثر /اي أمي هم كالت ،،

-والله حرام،، سلام هل هيبه والطول والرتبه والمنصب وكلاموا الياخذ العگل حرمتوا تصير هاي الكح ....

جيهان /حظ كح... جابها من الشارع ولفاها واخذت الاول والتالي

-واني الخلصت عمري اركض خلفوا حت ريك حلوا مانطاني ،،

كل ماأخابروا يزكح بيه ويلعب بيه چوله ،،مفضل هل ساقطه عليه

واني من جانت هناء حرمتوا اتمناه ،،

ومن تزوج رحاب يولي مو تدرين نار وشعلت بيه

يولي مو كتلج حت سحر سويتلوا ،ماخليت سحر يعتب عليه ،،لا سحر الطعوم ،،ولا سحر الرياح ،،ولا سحر الدفن

وكلوا ومافاد بي ،،اتلى المتلى ،،يفضل بنت شارع عليه أجت واخذت الجمل بما حمل ،،واني السحلت روحيه بالخيسه لأجلوا

كوثر /يمصكوعه امي تكول لو شايفتوا شلون متخبل عليها وعلى حملها بدوا يشيلها على جتافًوا بدل ماتمشي على الارض

جيهان/يولي مو أكولج متكاون ويه أمي وزاكح عليها علمودها ،،

-وعماد ،وحجي عثمان صافين معوا ومهددين النساوين اي وحده تجيب طاريها يصلخون جلدها

كوثر/اي ماتاخذ بس عگل سلام ،،لا راح تاخذ عكل الكل بسحورتها ،،شروكيه وبعد عندج الحساب

قصي/شعندج كارصه هين

جنات/يمااا ،،العن بليسك قصي وكفت قلبي

قصي/كتيهن كلهن شعندج واكفه هين ،،

جنات/ردت ادخل للمطبخ واستحيت البنات موجودات جوه

قصي/هذن خل يولن عبيرهن على غيري،،كول أنعديتي من زلمتج  وبدت تحقيقاتج الامنيه ،،صدك لو كالوا جدر وغلگ