جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-22-
جنات/دك تلفون سلام ،،شفته يباوع على شاشه التلفون وانوب
باوع بوجهي
-باوعت بسرعه خطف على شاشه التلفون مكتوب بس حرف ((ج))
-مارد على الاتصال أنطاه رفض
-رجعنه للسياره وصعدنه كل الغراض والعلاليك بالخانه الوره ،صعدت بالصدر ،وهو صعد شغل سياره يريد يشغل ونرجع للبيت
-رجع دك تلفونه ،،رفضه ،،
رجع دك هم رفضه ،،
وصلته رساله ،قراها وبقى عاقج حواجبه
دك مره ثالثه ،اخذ تلفون ونزل من سياره فتح الخط ومشى مسافه وبقى يخابر ،،
-نزلت من السياره ،كلشي مااسمع لان شوي بعيد عني ،بس اشوفه تعصب وطلع باكيت الجكاير من جيبه ورث جكاره
واني أنحمست روحي حمس ،،بقيت أفور ،واخاف اتمشى واروح يمه لان شكله عصبي اخاف يرزلني لو يضربني بقيت واكفه بمكاني والنار تشعل بروحي
يعني معقوله هذا الرقم لوحده من هذني المو زينات وهيج كاتب عليه ،
زين ليش هيج متعصب وشكل الموضوع مهم وهل مااكدر يصبر حتى نوصل للبيت ويرد عليها
غلق الخط ورجع عليه ،،ليش محدره من السياره
جنات/منو هذا الرقم ،،وليش هلكد مهتم للمخابره
سلام/شنو حضرتج تحاسبيني ،،
جنات/مو احاسبك ،بس اريد اعرف منو هذا الرقم
سلام/أصعدي وبالبيت اسولفلج ،،الناس والشارع
مو وكتها السوالف
جنات/صعدت واني أفور ،،وهو هم صعد وورث جكاره ثانيه ،،
وانوب الجام صاعد ومشغل التبريد وريحه الجكاره خبلتني ،،
سلام وكف السياره
سلام/شكوو
جنات/بس وكف السياره روحي لعبت من ريحه الجكاير
-طبك السياره على جهه مالحكت انزل يادوب فتحت باب السياره ورجعت كل معدتي ،،
وهو جاب بطل المي وغسل وجهي واني روحي فرفحت ،،نزلت من السياره اشتم هواء
-سلام فدوه كم مره كتلك لا أدخن جكاير والله روحي طلعت
سلام/ول ياب اذا ماادخن انجلط ،،هل بنت الكلب علت قلبي
جنات/منو هاي
سلام/بالله اسولفلج سالفتها بس خل أغلق موضوعها ،،
وبس اكضبها الا أفصم ظهرها
-هساع شلون صرتي ماشويه أحسن
جنات /لا أحسن الحمد لله
سلام/هساع نرجع لو تبقين شوي ترتاحين
جنات/لا نرجع بس لا أدخن
سلام/صار سهله هاي،،بس ديري بالج على وليدي
أنت تقرأ
جنة ،،،،سلام
ChickLitهو:-أحس بأنه يستمع لكلمة سلام لأول مرة في حياته،، لم يكن يعرف إلى أي حد هو بحاجة إليها إلا حين سمعها.!!!! عندما سمع أسمه،،،صرخ ألسلام داخل نفسه،،فأصبح شخصاً من النوع الذي يمكن أن يعيش في سلام مع الآخرين. هي:-انسان ضائع.. متشرد بدون أهل.. بدون سكن بد...
