جنة ،،،،سلام

الحلقة -21-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-21-

جنات/سلام كلش فرح بحملي ،،ميقبل اتحرك لو اشتغل شي زايد ،،

-يادوب على كد اسوي فطور ،،وبالدوام كل شويه متصل عليه ويطمئن عني ،،

-أخذتني شيماء للدكتوره نسائيه وسوتلي سونار الحمد لله مكان الجنين زين وموقع  التصاقه ببطانه الرحم كلش قوي وزين

-نطتني مقويات وفيتامينات ومثبتات وكالت كل شهر ابقي على مراجعه دوريه

-قصي خلصت بطوله الانديه الشبابيه للملاكمه والنادي مالته محصلين المركز الرابع ،،

-وهو كل مشاركه يجي مسحول ويوون ومن الضربات وكلساع صاح

-جنات على روح الماتلج مكعبات ثلج ،،

-يوولو تعوقت منو تقبل بهيج خلقه

واني أكله شجابرك اكعد واسكت ،،

-يكول مو بيدي چثير ،،اعشق الرياضه،،

-ولا جان مادخلت أفشل كليه بالعراق هي كليه التربيه الرياضيه

-واكفه بالمطبخ اسوي فطور ،،وحارره تذبح ،،ونفسي تلعب من ريحه حمس الجدر وهوواي عطشانه

- صارت عندي دوخه كلش قويه عبالك الكاع تحرتك جوايه ،،مديت ايدي وسندت نفسي على حافه الكاونتر

قصي/جنات بروح اهلج،،،،،هاي شبلاج

-سحب الكرسي وقربه يمي ،،

-تعاي أكعدي هين ،،وراح طفى الطباخ

-أخابرلج شيماء

جنات/لا لا ميحتاج ،بس يمكن صار عندي هبوط بالضغط

قصي/ابقي كاعده بمكانج خل اجيبلج جهاز الضغط واجي

جنات/طلع قصي وراح لبيت عماد جاب جهاز الضغط ورجعلي ،،

-جهاز الضغط الأكتروني ،،قست ضغطي طلع 10/7

-اي عرفت عندي هبوط

قصي/ليش ماتمشين يم أمي هناك بالديره ادرايج هي والبنوات لحد ماتولدين بسلامه

جنات/سلام وانت منو الكم هنا ،قابل اعوفكم وحدكم

قصي/اني باجر ماشي وراد البيت الاهل ،،شعندي بعد باقي هين البطوله وخلصت

-وسلام شو كل وقتوا بالدوام ،،ومن يجي الظهر ،،العصر عود خل يمشي للبيت عماد

جنات/لا فدوه قلبي ماينطيني اعوفه وحده ،،

-شيدبر وحده ،،أكله ،شربه ،ملابسه ،سوده عليه صايم
منو يسويله سحور فطور

قصي /براحتج أني علمودج

جنات/ماقصرت يخوي يوم الافرح بعرسك