إخترقَت قلبي 💘

البارت 31

نزلات الطائرة لي حاملة جثامين المغاربة لي لقاو حتفهم فحادث الحرم الشريف .. فمطار محمد الخامس .. كانت فانتظارهم إلى جانب أمين وسلطان ومحمد وياسين أيضا معاها مرافقينها وهي وسطهم بلباس أسود وعيون باكية .. كانو جنبهم أهالي الضحايا الباقيين وكذلك بعض مسؤولي الدولة ووزير الأوقاف والشؤون الإسلامية .. نزلو صناديق الموتى ووراوها جدها وجداتها .. قربات منهم وحاسا برجليها فاشلين عليها .. تكات على صندوق جداها عنقاتو كانها معنقاها هي تاتبكي وتبوس .. كلشي دمعات ليه عينيه ودازت لصندوق جدها دارت نفس الشي .. عطاوهم وقتهم يتوادعو معاهم وقدمو ليهم التعازي وخبرهم أنهم غايتكلفو بمصاريف الدفن جميعها .. جاو سيارات الموتى وهزو كل واحد نقلوه لمسقط رأسو فين غايتدفن ..

خرجات من المطار شادا فياسين لي ساندها لاطيح .. ركبو فسياراتهم وديماراو من ورا سيارة نقل الأموات .. طول الطريق وهي غير تاتبكي وتردد أسماءهم .. وصلو للمدينة وبالضبط للدار باش يقدرو يودعوهم الاهل والاصحاب .. كانو تايتسناوهم والخزانة مصاوبة وسطها الكراسى فاستقبال المعزين .. غير شافوهم وتجمعو كاملين عليهم .. فرحة غير طلعوها للسيارة حطات يدها على الصندوق هبطات وهي تسخف تما .. ماهبطوهمش من السيارة خلاوهم فيها جايين واجدين من لهيه فصنادقهم لي ماتفتحوش وماشافوهمش حيت حالتهم ماتسمحش بهادشي .. جات ثاني سناء لي لصقات فيهم تاتغوت ربي لي خلقها وتبكي وتمرمد هبطوها غير بزز عاطيينها لصحاباتها شادينها ..

كملو توديعهم وقصدو المقبرة وسط حشد كبير من الناس .. صحابهم وجيرانهم والناس لي خدامين معاهم .. كلشي مشا معاهم للمقبرة .. قطعو الطريق والناس لي غاديين وقفو حتى فاتوهم بشحال عاد تحركو ..

سناء دخلوها للدار بزز وهي تاتهز وتحط وتسرح فالارض ..

سناء : ااااااااااااااه هئهئهئ وا ااااااااااااهئهئهئ طلقوووووو منييييي هئهئهئ جديييييييي جدااااااااتي هئهئ ماتخليونييييييييييييش عفااااااااااااااكم ماتخليييونييييييش ديييييييييوني معااااااااكم هئهئهئ دييييييونيييييييي علاااااااااش مشيييييتووووووو وخلييييتوووووونيييي علااااااااااااااش هئهئهئ وا علااااااااااااااااش جدييييييي هئهئهئ جدييييييي جدااااتي هئهئهئ وااااااا ربييييي علااااااااااش

هي تغوت وتركل وهو يبكيو قطعات ليهم قلبهم وبقات فيهم كي العافية .. شوااااتهم ومالقاااو ليها جهد .. نعسات ليهم فالارض مابقات بغات تنوض وبدات تمرمد كلها وتقلب على ظهرها وعلى كرشها وغواتها مازال مسموع مجهد وبكاها كذلك .. سلطان مشا مع الجنازة وماعرفوش شنو يديرو معاها .. فرحة شمموها الريحة فاقت وجات لعندها على يدها ورجلها معنقاها تاتنوض فيها ومشاركاها البكا وسناء تاتبعد فيها ووالو لصقات فيها نييت ..

فرحة : ااااااااجي ابنتييي عندييي ااااجييي عنقيييييني هئهئهئ اااااااجييي عنديييي وخليينااااا نبكييييو هئهئهئ مشاااااااااو الغالييين مشااااااااو هئهئهئ مشاااااات صاااااحبتي وختييي مشاااااات لي كاااانت تفهمني مشاااااااات كي مشاااااو العزاااز مشااااااااات هئهئهئ