بقا معنقها حتى تهدنات .. ورجع خدم اللوطو وكمل على طريقو للدار .. وقف عند الباب هبط ودار عاونها نزلات وهبط ليها باليزتها هزها ليها وهي شادة فيه لاتطيح حيت كان الظلام ..
سناء : سمحليا امحمد خلعتك وجبتك فهاد الوقت
محمد : اصلا كنت قريب ليك غير دويتي معايا هزيت راسي دك ساع طرت عندك جاب الله بقيت عاقل على الدار من اخر مرة سولت عليهم
دخلو لقاو الصقيل من غير ضو الكوزينة لي مشعول كانت فرحة فيها ..
ريحان : اتسولني وانا مافياش لي يهضر
سمعات الصوت وخرجات من تما تاتمسح فيدها فطابليتها غير شافت ريحان وهي تشهق بصدمة ..
فرحة : ريحان
ريحان : تكلف نتا ا محمد
طلقات منو ومشات لبيتها القديم جارا باليزتها .. فرحة كانت غاتبعها وحبسها محمد ..
محمد : الواليدة خليها مادويش معاها دابا
فرحة : اويلي شنو واقع؟
محمد : مشاكل مع دار راجلها تا لغدا وتعاود ليك هي
فرحة : ويلي ستغفرتلاه العظيم
محمد : تصبحي على خير
فرحة : والعشا؟
محمد : ماعندو منين ندوز باغي غير نعس
خلاوها مافاهمة والو .. شافت تاعيات وطفات الضو ومشات لبيتها والفضول قاتلها تعرف حفيدتها مابيها ..
🎈دازت ديك الليلة طويلة عليهم .. شي دوزها فالتخمام وشي فالبكا .. جا الصباح وشرقات الشميسة لي كانت سخونة شويا .. فاقت فرحة كي عادتها ودخلات للكوزينة صاوبات الفطور .. محمد مع السهير ماقدرش ينوض وبقا خامر .. أما ريحان عينيها ماغمضوش الليل كامل وغير شافت ضو النهار وهي تنوض لبسات بيجامة وخرجات من بيتها دخلات للمرحاض غسلات وجهها وطرفات حالتها وع الخرجة لقات فرحة قدامها ..
ريحان : صباح الخير
فرحة : صباح النور، كي صبحتي؟
ريحان : شويا
فرحة : زيدي تفطري معايا خالك مازال ناعس وجدك خرج بكري بقيت بوحدي
مشات معاها لوسط الدار فين كانت محطوطة الطبلة وجلسو ياكلو وفرحة غير حاضياها وتاتشوف فيها كي ذبلات ..
فرحة : ماغاتقوليش ليا مالك؟
ريحان (عاودات ليها)
فرحة : بنت الحراااام هادشي كااامل خرج من ديك العقروشة، ونتي بقيتي ساااكتة ليهااا خليتيها دير فيك مابغات
ريحان : جدة عفاك لي فيا يكفيني ماتزيديش عليا، بيت الراحة اجدة مابقيتش باغا تجبد هاد السيرة ولا نهز راسي ونشوف فين نمشي وتا والديا مابيتهمش يسيقو الاخبار دابا
أنت تقرأ
إخترقَت قلبي 💘
Romanceكان لا يؤمن بالحب ومشتقاته، مجرد إسمه يصيبه بالضحك، يستهزئ من اي شخص يدعي وقوعه في فخه كما يسميه .. حتى رآها فإخترقت قلبه كالسهم، أحبها من أول نظرة .. كانت عكسه، فتاة شقية مرحة غير مبالية بأي شيء تعشق الروايات وتحلم دائما بفارسها المغوار الذي سيأتيه...
