إخترقَت قلبي 💘

البارت 60

مركباه فظهرها وكاتراري بيه، منين فاق وهو تايبكي مابغاش يسكت تقول حس بسناء .. هزاتو وشافت ليه الكوشة وجابت ليه الحليب ووالو تا دارتو فظهرها وسكت شويا شاد سكاتة ففمو وبناتها كل وحدة ملاوحة فجهة وريحان تاهي معاهم متكية فوق السرير ديال خالها .. اما بنتها خلاتها مع راجلها ماقدراتش تخرجها من الدار فهاد البرد ..

فرحة : شفتهم تعطلو

ليليان : أمين دوى مع سلطان وقاليه كلشي مزيان وراهم جايين فالطريق

مروى : السبيطار ماكاينش فالدورة امّي راه خاصهم شحال باش يوصلو هنا

ريحان : المهم هو عرفناها بيخير

فرحة : قلبي كان غايسكت، الحمد لله لي هي بيخير وماوقع لداكشي لي فكرشها والو عوينة وصابتها

صفاء : تاهي امّي مابات دير عقلها، عارفا راسها حاملة وقبيلة شنو دارت للشطيح قدام العيالات تا من جفنة كانت ناويا طلع فوقها كون ماجراتها ياقوت وجلساتها وعاودات ناضت وحلفات لا حطات ترمتها للارض

ليليان : البنت صغيرة اصفاء ماعارفاش

صفاء : يلا صغيرة تجمع راسها ديك ساع وماتولدش ولا نقولو ماتزوجش من أصلو

فرحة (خنزرات فيها) : ونتي مالك

صفاء : عارفاك كاتجي عليها وكاتعزيها كثر مننا حنا لي بناتك

ليليان : دابا راك وليتي نتي لي صغيرة فعقلك اصفاء، غير قولي ليا ديك البنت شنو دارت ليك لي ماكاتحمليهاش؟ وزعما مرات خونا الصغير

صفاء : وحيت مرات خويا داكشي علاش كانقول هاد الهضرة، يلا مابيت ليها الخير لهلاا يرزقو ليا لا أنا لا بناتي، شوفو نتوما فين مشا بالكم وكيفاش أولتو هضرتي، كلام الحق ماكاتبغيوه

ناضت منفخة وخرجات من الدار راجعة للاخرى .. خلاتهم كايشوفو فبعضياتهم ومروى تاهي طلع ليها الدم مابغاتش ختها التوأم تقلق ووقفات تاهي ..

فرحة : مالك تانتي؟

مروى : غانمشي نطل على بّا

خرجات فحالها حتى هي وفرحة ساطت بجهد ..

فرحة : هادو لي كانو ناقصيني ثاني

ليليان : غير خليهم دابا يتنفسو

ريحان (شافت الباليزة حدا الماريو) : علاش ديك الشانطة محطوطة تما؟

فرحة دارت فين نعتات ليهم وشافتها، منين دخلات مانتابهاتش ليها ..

ريحان : ياك قلت ليكم مجيتو فهاد الليل وهاديك معاه راه ماغادوزش بيخير، وهادشي لي وقع لسناء غايكون بسبابها

ليليان : قولي الله اعلم

فرحة (سمعات الحس برا) : سكتي وماتجبديش هاد الهضرة قدامهم سمعتي