رجع للواقع ديالو فاش تحل باب الدار ودخل منها صاحبو لي جالس معاه .. شافو داخل تاينهج ووجهو صفر .. تقاد فالجلسة مهبط رجليه من فوق الطبلة .. عقد حواجبو باستغراب وسولو ..
محمد : ياك لباس؟
لاخور ماجاوبوش وجلس حداه حاط وجهو بين يديه تايتنفس بجهد ويحرك راسو مرة مرة .. محمد حس بشي حاجة كبيرة واقعة حيت اول مرة يشوف صاحبو هكا طيلة هاد الاسبوع لي جلس معاه فيه موالف يدخل من الخدمة وهو ضاحك ومرة مرة يخرجو معاه يساريه شويا ولكن واخذ احتياطو باش مايشكوش فأمرهم ولكن اليوم مختالف وهاد الدخلة لي دار فشكل ..
محمد : أنس دوي اصاحبي اش واقع؟
أنس (هز راسو) : موصيبة اخويا، موصيبة
محمد (بقلق) : قول اش كاين من اللخر؟
أنس : هاد السيمانة غير ديال الكوارث، والبارح زادت تأزمات نيت ولاد الحرام خرجو علينا، يديرها شي ويغرق فيها كلشي، ديك المرة شدو قاصر داوها للغابة تكرفسو عليها ومالقاوهمش وبردات القضية شويا والبارح زادو سخنوها اخويا شدو شي 10 الألمانيات تكرفسو عليهم ودابا الدنيا مقربلة فينما كاين شي مهاجر حصلوه تايتفاهمو معاه مزيان وتايغبروه
محمد : أوااااه! زعما دياولنا لي دارو هادشي؟
أنس : وشكون من غيرهم، بنادم مكبوت جا هنا شاف اللحم وتلف، الواحد تايغامر باش يخدم على راسو ويدير لباس وواحد جاي يدير المشاكيل يحسابهم هنا بحال لهيه، اغتاصب وقتل وماكاين لي يحاسبك را ألمانيا هادي والله مايعتقوك ودابا العنصرية زادت عندهم وولا خطر علينا نخرجو هادشي يلا ماقرقبو علينا
محمد (تايفكر) : مشكلة صافي ودابا شنو المعمول؟
أنس : والله ماعرفت اخويا، دابا انا يقدر يضمني دك لي خدام عندو واخا صعابت فاش وقع لي وقع، ولكن نتا شنو مصيرك فهادشي!! كنت ناوي ندبر ليك على خدمة تخشا معايا وفاش وقع هادشي ماغايثيقوش ويقدرو يسيفطوك نيشان
محمد زفر بجهد ورجع ظهرو اللور حاط يدو على راسو ماعرفش هادشي منين خرج ليه ثاني حتى قال غاتقاد أمورو ودابا زادت تكفسات .. رجع شاف فصاحبو لي حدر راسو وعارفو مافيديهش مسكين .. باغي يعاونو ولكن ماكاينش باش، دار لي فجهدو معاه واستقبلو هاد الاسبوع فدارو وتعامل معاه زوين وبقا يخطط معاه لشحال من حاجة ولكن الكارثة لي وقعات ضربات حساباتهم كاملين فالزيرو ودابا خاصو يفكر شنو يدير ..
أنس : ألمانيا قاصحة اخويا ماشي بحال السبليون والطاليان ليهم الدوا، ولكن هنا صعيب ترصي راسك وتدير بلاصتك وبالخصوص ماعندنا لا وراق لا والو، كان عليا نصحك من الاول بلا ماتضرب الطريق وتجي تا لهنا كون حبستي فالطاليان عند الخوت تما راهم عايشين فوق بيخير وكاين فيهم لي دار وراقو وحتى السبليون عايشين فيها مزيان، وصراحة ا محمد من حدك ماضربتي والو هنا رجع اخويا للطاليان ولا طلع للسبليون يقدر الله يسهل عليك تما بلا ماتجلس هنا ضيع عمرك ويقدرو كاع يشدوك وتما غاتكمل بالمعقول والله تايكرفسوك عاد يرجعوك لبلادك
أنت تقرأ
إخترقَت قلبي 💘
Romanceكان لا يؤمن بالحب ومشتقاته، مجرد إسمه يصيبه بالضحك، يستهزئ من اي شخص يدعي وقوعه في فخه كما يسميه .. حتى رآها فإخترقت قلبه كالسهم، أحبها من أول نظرة .. كانت عكسه، فتاة شقية مرحة غير مبالية بأي شيء تعشق الروايات وتحلم دائما بفارسها المغوار الذي سيأتيه...
