သော်ကအခန်းထဲမှာတစ်ယောက်ထဲအထီးကျန်လာသလိုလို မျက်လုံးထဲမှာတော့မနေ့ညနေကအဖြစ်ရယ် ဒီနေ့အဖြစ်ရယ်.......
တကယ်တမ်းဆန်းစစ်နေမိသည်။သော်ကခတ္တာအပေါ်မှာစိတ်ဝင်စားမိပါသည်။
သော်ကမဖြစ်နိုင်တာတွေကိုနင်တွေးနေတာပဲလို့ကိုယ့်ကိုကိုယ်ပြန်ဆုံးမနေသော်လဲ ခတ္တာကြောင့်ရင်ခုံမိတာတွေ ခတ္တာအပေါ်တွယ်တာမိတာတွေ...
ဒါတွေဟာ သူငယ်ချင်းတစ်ယောက်အပေါ်မှာရိုးသားပါတယ်လို့သူမညာချင်...ဒါပေမယ့်ကိုယ့်ကိုကိုယ်ညာနေဆဲပါ
စိတ်တွေရှုပ်လာတဲ့အချိန်တွေဆို သော်ကအမြဲပြုလုပ်မိသည်ကစီးကရက်သောက်ခြင်း...
ဖေဖေမေမေမသိအောင်သော်ကဆေးလိပ်ခိုးသောက်တတ်နေသည်က ဖေဖေနဲ့မေမေအတိအလင်းကွာရှင်းထဲက
Broken Familyကြောင့်စိတ်ညစ်ချိန်တွေကို စီးကရက်နဲ့ကုန်ဆုံးတတ်ခဲ့တာ သော်ကကိုးတန်းထဲကပင်
ခုလဲသော်ကစိတ်တွေရှုပ်နေတာကြောင့် တစ်ယောက်ထဲရှိနေတာပဲဆိုသည့်အတွေးနှင့် ညနေကဝယ်ထားသည့်kentဘူးလေးကိုဖောက်သောက်နေမိသည်
ထိုအချိန်......ထိုအချိန်မှာပဲ
"သော်က......''
ရုတ်တရက်ထွက်ပေါ်လာသောအသံစူးစူးကအခန်းထဲပင်လှိုင်သွားသည်
"သော်က...နင်...နင်..''
ပြူးကြောင်ကြောင်နှင့်ကြည့်နေသောခတ္တာကိုသော်ကကခက်ညှိုးလေးနှင့်သူ့နှုတ်ခမ်းလေးကိုပိတ်ပြရင်းခတ္တာအနားကိုဘယ်လိုရောက်မှန်းမသိရောက်သွားသည်။
"တိုးတိုးပြောပါခတ္တာရ...''
"နင့်လက်ထဲက...''
"ဆေးလိပ်လေ.....''
"ဆေးလိပ်မှန်းတော့သိသားပဲ နင်ဘာလို့သောက်နေတာလဲ''
"တိုးတိုးပြောပါခတ္တာရယ် အဆောင်မှူ းကြားသွားလိမ့်မယ်.....
ငါစိတ်ရှုပ်နေလို့သောက်မိတာပါ''
"စိတ်ရှုပ်ရှုပ်မရှုပ်ရှုပ် နင်ကမိန်းခလေးလေ နင်နဲ့ဆေးလိပ်နဲ့ဆိုတာ ဘယ်လိုမှမသက်ဆိုင်ဘူး''
"Ommပါ နင်မကြိုက်ဖူးဆိုရင် ငါဆက်မသောက်တော့ပါဘူး....''
"မသောက်နဲ့ ဆေးလိပ်သောက်တာ လူအတွက်ဘာအကျိုးပေးလို့လဲ သောက်တဲ့လူကော ပတ်ဝန်းကျင်ကလူတွေကော ဒုက္ခရောက်ရတာကို....''
လူကြီးတစ်ယောက်လိုဆုံးမနေသောခတ္တာကြောင့်သော်ကမှာ အပြစ်လုပ်ထားတဲ့ကလေးငယ်လေးသဖွယ်ခေါင်းလေးငုံ့လျှက်
မျက်နှာလေးကတော့ဇီးရွက်သာသာရယ်
BẠN ĐANG ĐỌC
Memories |completed|
Lãng mạnဆက္ခ်စ္ရမွာလား ေနာက္ဆုတ္ရမွာလား မသဲကြဲေသးတဲ့အေျခအေနကိုဘယ္လိုရင္ဆိုင္သင့္လဲ ပထမဆံုးေရးဖူးတာပါ😁
