My Little PRINCE🍬(Completed)

အပိုင်း- ၈🍭(သူပေးတဲ့ nickname)

(Unicode)
" ရှောင်ယဲ့..တောင်းပန်ပါတယ်....ကိုယ်ဘာအမှားလုပ်မိလို့ လမ်းခွဲစကားပြောခဲ့ရတာလဲ"
" ရှင့်ကိုကျွန်မ ဖုန်းမဆက်ပါနဲ့တော့လို့ပြောတယ်မလား..မတွဲချင်တော့လို့ လမ်းခွဲတာသိပြီလား"
" မဟုတ်ဘူး...မဟုတ်ဘူး..အဲ့လိုဖြစ်စရာအကြောင်းမှ မရှိတာ "
" အိုက်ယား..စိတ်ရှုပ်ဖို့ကောင်းလိုက်တာ..အိမ်ထောင်ရှိတဲ့ ယောကျာ်းတစ်ယောက်ကို လိုက်ကပ်နေရအောင်သောက်ရူးမဟုတ်ဘူး... ရှင်းပြီလား.."
" ဘာ..."
" ဟုတ်တယ်လေ...ရှင်က လက်ထပ်ပြီးသား လူတစ်ယောက် ကျွန်မက မကောင်းတဲ့သူဖြစ်သွားမှာပေါ့ ရှင်နဲ့ ဆက်တွဲ ရင်.."
" ဒါပေမဲ့..ဒါက ဟန်ဆောင်တာပဲလို့ပြောပြီးပြီလေ "
" မသိဘူး...မသိဘူး..ထပ်ပြီး ဆက်သွယ်မလာနဲ့နော်.."
ဝမ်ဟောက်ရွှမ်း ဆံပင်တွေကို ထိုးဖွကာ ဒေါသကြောင့် ဘေးနားက ပန်းအိုးကို ခွဲပစ်လိုက်သည်။ကြမ်းပြင်ပေါ်တွင် ကြွေစအပိုင်းတွေက ဟိုတစ်ခုဒီတစ်ခု ပွစာကြဲနေ၏ ။ကျိရမ် အောက်ထပ်ကနေအသံကြားတာကြောင့် အခန်းထဲကနေ ထွက်လာလိုက်သည်။
အပေါ်ထပ်ကနေ ဆင်းလာတဲ့ သကြားလုံးလေးကို မြင်တော့ သက်ပြင်းဖွဖွချလိုက်၏ ။သို့ပေမဲ့ အကွဲအစတွေရှိနေ၍ တားလိုက်ပေမဲ့ နောက်ကျသွားပြီ။အသေးလေးရဲ့ ခြေဖဝါးမှာ သွေးထွက်ကာ ရဲရဲနီနေ၏ ။
" ကျိရမ်...!! "
" အာ့..."
" ကျိရမ်...ဘာကိစ္စဆင်းလာတာလဲ ကွ..မင်းနဲ့တော့..တောက်.... ဝမ်ယဲ့..ဒီအကွဲအစတွေအခုလာရှင်းစမ်း.."
" ဟုတ်ကဲ့..အစ်ကိုဝမ်"
အိမ်အကူ ဝမ်ယဲ့က အမေတို့သွားပြီး တစ်ရက်နှစ်ရက်လောက်ကြာတော့ ပြန်ရောက်လာ၍သာတော်သေးသည်။
ကျိရမ်ကို ပွေ့ချီလိုက်တော့ အကွဲအစတွေရှင်းနေတဲ့ ဝမ်ယဲ့က ပြုံးစစ ၊ ကျိရမ်ခြေထောက်က သွေးတွေမြင်တော့မှ ပြာပြာသလဲ အော်တော့လေသည်။
" အ..အစ်ကိုလေး ဘယ်လိုဖြစ်တာလဲ ခြေထောက်မှာသွေးတွေ..မဖြစ်ဘူး အစ်ကိုဝမ် ညီမဆေးသေတ္တာသွားယူပေးမယ် "
" အာ့ဆိုရင်တော့ ကျေးဇူး "
ပြာပြာသလဲ ပြေးလာကာ ဆေးသေတ္တာယူလာသည်။
ကျိရမ်ခြေထောက်ကို ဆေးထည့်ပေးသော သကောင့်သားလေးက မျက်မှောင်လေးကို ကျုံ့ထားကာ အရမ်းမလုပ်ရဲ။
မထိရဲမကိုင်ရဲဖစ်နေတဲ့ ဝမ်ဟောက်ရွှမ်း ငနာကို စိတ်မရှည်တော့၍ ပိတ်အော်လိုက်သည်။
" ဟေ့ကောင်..အဲ့လိုလေး တတို့တို့လုပ်နေလို့ ပျောက်မလားဟ🙃ဖယ် ငါ့ဘာသာ လိမ်းတော့မယ်..တကယ်ပဲ "
" ကျိရမ်..စိတ်မဆိုး... "
" ဘာကိစ္စပန်းအိုးကို ခွဲရတာလဲ...ဟဲ့ကောင်ရ! !!"
အော်ထည့်လိုက်တော့ ဝမ်ဟောက်ရွှမ်း ခင်ဗျာ ကိုယ်လေးတောင်တုန်တက်သွားရ၏ ။လူကောင်သေးသလောက် စုန့်ကျိရမ်တို့က အသံစွာသည်။
" ရှောင်ယဲ့က..."
" ငါထင်တယ်..မင်းအဲ့ကောင်မလေးကြောင့်ပဲမလား...မင်းကိုဒီတစ်ခါတော့ မနှစ်သိမ့်ပေးနိုင်ဘူး..ငါအကြိုက်ဆုံးပန်းအိုးကိုမှ ခွဲပစ်တယ်"
ပြောပြီး တစ်ခြားတစ်ဖက်သို့ ချက်ချင်းလှည့်သွားသော သကြားလုံးလေးရဲ့ စကား​​ေကြာင့် ဟောက်ရွှမ်း ရင်ထဲဒိန်းခနဲ။အဲ့တာကြောင့်ငါ့ကိုခုနကတည်းက ရန်လိုနေတာကို။
ဝမ်ဟောက်ရွှမ်း..ရာ...မင်းဟာလေ လုပ်လိုက်ရင်အရာရာနဲ့ အကြောင်းကြောင်းချည်းပဲ။
" ငါ...တောင်းပန်ပါတယ်ကွာ..ပြန်ဝယ်ပေးပါ့မယ်နော် ကျိရမ်..စိတ်မဆိုးပါနဲ့ "
" နေတော့ကွာ..ဝယ်မနေနဲ့တော့ ဒီလို ရှင်းရှင်းလင်းလင်းလေးက ပဲ ပိုကောင်းပါတယ်"
"............"
" ဒါနဲ့ မင်းကို သူကဘာပြောလို့ အဲ့လောက်ပေါက်ကွဲရတာလဲ "
" ငါ့လိုလက်ထပ်ပြီးသားလူနဲ့မတွဲနိုင်ဘူးတဲ့..ဟန်ဆောင်ထားတာပါ​ပြောတာတောင် မရဘူး "
" နောက်ဆုံးတော့လဲ..ဒီကမ်းပဲ..ဟင်း..ငါ့အပြစ်ပါလေ..အစကတည်းက ငြင်းပေးသင့်တာ "
" မ..မဟုတ်ဘူး..မင်းအပြစ်လုံးဝ မဟုတ်ဘူး..သိပြီလား..ဆေးသေတ္တာသွားပြန်ထားဦးမယ်"
" အင်း..."
🍭💗🍭💗🍭💗🍭💗🍭💗🍭💗🍭💗
ကိုယ်စိတ်ညစ်နေတာ ဘယ်ရောက်သွားမှန်းမသိ၊ အသည်းကွဲနေတာက ကြ က်ပျောက်ငှက်ပျောက်ကို ပျောက်သွားရသည်။
အသေးလေးက ကိုယ်တွေပူကျစ်နေ၏ ။သေချာတာတော့ အနာအရှိန်ကြောင့် ဖျားနေပြီထင်။ဆူးသွားတာကလည်း နည်းနည်းနောနောမှမဟုတ်တာ။
သကောင့်သားလေးက ဖြစ်ပြီဆိုလည်း ဆေးခန်းတွေ ပိတ်တဲ့ အချိန်မှ ထ ထ ဖြစ်သည်။
" ဝမ်ယဲ့..ရေအသစ်ထပ်ပေးဦး "
" ဟုတ်.."
အသေးကောင်လေးကို ကိုယ်ပူများလျော့သွားမလား..အထင်ဖြင့် နှဖူးကို ရေစိုအစလေးနှင့် ကပ်ပေးနေခြင်းပင်။
" ဝမ်ယဲ့..နင်သွားနားတော့ "
" အစ်ကိုဝမ်..ရရဲ့လား တစ်ယောက်တည်း "
" အေးဆို.."
" အာ့ဆို သွားနားတော့မယ်နော် "
" အင်း"
အိပ်နေရင်း သကောင့်သားလေးက မျက်ရည်တွေစီးကျကာ ငိုနေသည်လေ ။
ပါးစပ်မှလည်း ယောင်ယန်းကာ ပြောနေ၏ ။
" ဟောက်ရွှမ်း..ငါ့ကိုထားမသွားပါနဲ့ကွာ..ငါတောင်းပန်ပါတယ်..နော်....ငါ့ကိုထားမသွားပါနဲ့ကွာ "
ထိုစကားကြောင့်ယောက်ရွှမ်း ရင်တွေခုန်နေ၏ ။ရှက်နေတာကြောင့် မျက်နှာလည်းပူလာရသည်။
ထပြီးထွက်သွားဖို့လုပ်တော့ အသေးလေးက မိမိလက်ကို လှမ်းဆွဲ လိုက်သဖြင့် ပြန်ထိုင်နေရသည်။သူ့လက်ဖြူဖွေးဖွေးကို ပြန်အုပ်ကိုင်တော့ပြုံးယောင်လေးသန်းကာ အိပ်နေ၏ ။
" တော်တော်လည်တဲ့ကောင်"
ကိုယ်ပါအဖြူကောင်လေးကို ကြည့်ကာ နှစ်နှစ်ခြိုက်ခြိုက်ရယ်လိုက်မိသည်။
သံယောဇဥ်..အနေကြာလာသည်နှင့်အမျှ.
သံယောဇဥ်ဆိုတဲ့ ကြိုးတစ်ချောင်းက
သူတို့နှစ်ယောက်ကြားမှာ
ရစ်ပတ်နေလေပြီ။
ထိုညတစ်ညလုံး စုန့်ကျိရမ် လက်လေးကို ကိုင်ကာ ဟောက်ရွှမ်း အိပ်ပျော်သွားခဲ့သည်။
" အစ်ကို... အဟွတ်..အဟွတ်"
ဝမ်ယဲ့ တံတွေးတောင်သီးသွားရသည်။စုန့်ကျိရမ်အတွက် ဆန်ပြုတ်ယူလာပေမဲ့ ဝမ်ဟောက်ရွှမ်းကတော့ ခွံ့တောင်ကျွေးနေပြီ။
ကြည်နူးဖို့ကောင်းတဲ့ အတွဲလေးလို့သူမထင်မိသည်။တစ်ယောက်ကလည်း သူ့ကောင်လေးကို ဂရုတစိုက် ပူမှာဆိုး၍မှုတ်ပေးကာ တိုက်လေသည်။နောက်တစ်ယောက်ကလည်း နေမကောင်းသာဆိုတယ်..ပါးစပ်ကနားရွက်တက်ချိပ်မတတ် ပြုံးပျော်လို့..မျက်နှာလေးကို ကြည်နေတာပဲ။
" အော်..သကြားလုံး..ဟိုမှာ ဝမ်ယဲ့ ဆီမှာဆန်ပြုတ်ရှိသေးတယ်..ထပ်စားဦး "
" တော်ပြီကွ...မစားချင်တော့ဘူး ဗိုက်တင်းနေပြီ.."
နဖူးလေးပေါ်လက်တင်ကာ ကိုယ်ပူစမ်းတော့ သူပါသိချင်၍ မျက်လုံးလေးပေကလပ်ပေကလပ် လာလုပ်ပြနေတာ ချစ်ဖို့ကောင်းသဖြင့် မျက်နှာကို ချက်ချင်းလွှဲမိသွားသည်။
လက်နဲ့နှဖူးကိုဆောင့်တွန်းလိုက်တော့ သကြားလုံးကောင်က ပွစိစိနဲ့ ဘာတွေပြောနေမှန်းမသိ။
" ဟေ့ကောင်..ငါ့အတင်း ဘာတွေတုပ်နေတာလဲ...ပြောရင်ကြားအောင်ပြော.. ဟင်း..ကိုယ်တောင်သိပ်မပူတော့ဘူး..ညတုန်းကတော့ သေပြီတောင်ထင်တာ"
" မင်းငါ့ကိုဒီတစ်သက်စကားအကောင်းပြောဦးမှာလား ဝမ်ဟောက်ရွှမ်း "
" တော်တော့ ..အသံကျယ်တိုင်း လာအော်မနေနဲ့ အနာဆေးလိမ်းမယ်..ဝမ်ယဲ့ အဲ့မှာ မတ်တပ်သေမနေနဲ့..ဆေးသေတ္တာယူခဲ့ "
" ဟုတ်...ဟီးဟီး "
မျက်နှာကစပ်ဖြီးဖြီးနဲ့... ဝမ်ယဲ့ကို ကြည့်ကာ ခေါင်းသာတွင်တွင်ခါမိသည်။
သကြားလုံးလေး...သကြားလုံးလေးလို့ သူခေါ်တဲ့နာမည်လေးကို အတော်သဘောကျသည်။သူပြောတယ် သူ့ကောင်မလေးကိုတောင် nicknameလေးနဲ့ မခေါ်ဘဲ ကျွန်တော့်ကိုတော့ ပထမဆုံးဆိုတာကြောင့် ပိုပြီး သဘောကျသည်။
💗🍭💗🍭💗🍭💗🍭💗🍭💗🍭💗🍭
အခုဆို တော်တော်သက်သာလာပြီး ခြေထောက်ကအနာကလည်းသက်သာလာပြီ။ဒီနေ့တော့ ဟောက်ရွှမ်း..ကျိရမ်နဲ့အတူတစ်နေ့လုံးအပြင်လျှောက်သွားဖြစ်သည်။
"သကြားလုံးလေး.."
" ဘာတုန်း..."
" Club သွားရအောင်.."
" ပင်ပန်းနေပြီကွ "
မျက်နှာငယ်လေး လုပ်ပြတော့ သက်ပြင်းဖွဖွ ချသည်။ မနေနိုင်တော့တဲ့ အဆုံး ခေါင်းသာငြိမ့်လိုက်ရ၏ ။
" ဟေးဟေး..."
မီးရောင်စုံကြားကတောက်ပနေမှုတွေ ၊ သံစဥ်တွေက မြူးကြွကာ အလှလေးတွေက မိတ်ကပ်အပြည့်နှင့်။လူများလွန်း၍ စုန့်ကျိရမ် ကတော့ သဘောမကျ။စိတ်အိုက်လွန်း၍ မျက်မှောင်သာ ကျုံ့နေမိပြီ။
" ရော့.."
အရက်ပြင်းပြင်းတစ်ခွက် ကို လက်ထဲလာထိုးထည့်တော့ သောက်ချင်စိတ်မရှိ၍ သူ့ပြန်ပေးလိုက်သည်။
" ဟေ့ကောင်..မြူးမြူးကြွကြွနေစမ်းပါဟ"
" မင်းပဲနေပါ..ငါဒီမှာပဲ ထိုင်တော့မယ် "
" ပြီးရော.."
လူအများကြားထဲ ရောက်သွားသော ဝမ်ဟောက်ရွှမ်း ကို ကြည့်၍သာ အအေးတစ်ခွက် သောက်နေလိုက်တော့၏ ။
ဟောက်ရွှမ်း..လူအများကြားမှ မိမိကောင်မလေး ရှောင်ယဲ့ကို မြင်တော့ လက်ကို ဆွဲလိုက်၏ ။သူမက ကိုယ့်ကို မြင်သည်နှင့် မျက်လုံးပြူးမျက်ဆံပြူးဖြစ်သွားသည်။
" ရှောင်ယဲ့..မင်းငါနဲ့ ရှင်းရဦးမယ်"
"လွှတ်..ကျွန်..ကျွန်မ... "
သူမကလည်းရုန်းနေတာမို့ လက်ကို မလွတ်အောင် အတင်းကိုင်ထားရ၏ ။တစ်ယောက်ယောက် က ဟောက်ရွှမ်းကို တွန်းလိုက်တာကြောင့် ထိုလူကို ကြည့်လိုက်သည်။
အရပ်ရှည်ရှည်..ဗလ တောင့်တောင့်နှင့် ထိုလူက မိမိကို မထင်မဲ့မြင်အကြည့်နှင့် ကြည့်ကာ ပြောလာသည်။
" မင်းငါ့ကောင်မလေးကို ဘာလုပ်တာလဲ ဟေ့ကောင်"
" ဘာ..ကောင်မလေး..အဲ့တာကျွန်တော့ကောင်မလေးဗျ.."
ထိုလူက ကျစ်တစ်ချက်စုတ်သပ်လိုက်ပြီး ဟောက်ရွှမ်း ကို ကြည့်ကာ ရယ်၏ ။
" ရူးနေလား..မင်း..ဘာဖြစ်ချင်နေတာလဲ ဒါငါ့စော်ကွ..."
" ဒါ..ပေမဲ့..ရှောင်ယဲ့..မင်းရှင်းစမ်း "
" ရှောင်ယဲ့..အချစ်..မင်းဒီကောင်နဲ့သိလား..သူပြောတာဟုတ်လား"
" မ..မဟုတ်ဘူး.."
" ဘာ..မင်းလိမ်မပြောနဲ့လေ "
" ကျွန်မရှင့်ကို မသိဘူး..မြင်လဲ မမြင်ဖူးဘူး..ကိုကို..သူလျှောက်ပြောနေတာ..ရှောင်ယဲ့ သူ့ကို သိတောင်မသိဘူး "
" မင်း.."
ထိုလူ ဟက်ခနဲ ရယ်လိုက်ကာ.. ဝမ်ဟောက်ရွှမ်းကို စပြီး လက်သီးနဲ့ ထိုးတော့လေ၏ ။
" ဒီကောင်ကတော့..."
ဝမ်ဟောက်ရွှမ်းကလည်း တစ်ချက်ပြန်ထိုးကာ ထိုနေရာတွင် ရုတ်ရုတ်သဲသဲဖြစ်ကုန်လေသည်။
ရန်ဖြစ်နေတာ သူတို့နှစ်ယောက်တည်းမဟုတ်၊ တခြားအုပ်စုနှင့်ပါ ရောကုန်သဖြင့် ဗလုံးဗထွေး ဖြစ်ကုန်ရလေသည်။
စုန့်ကျိရမ်..ရုတ်ရုတ်သဲသဲဖစ်နေသဖြင့် ကြည့်တော့ ကိုယ်တော်လေးက ရန်ဖြစ်နေတာကြောင့် အမြန်ထိုနေရာသို့သွားကာ ဆွဲတော့ လူတစ်ယောက်က စုန့်ကျိရမ်ကိုပါ ထိုးလိုက်လေ၏ ။မျက်နှာဖွေးဖွေးလေးက.ချက်ချင်းရောင်ကိုင်းသွားရသည်။
စုန့်ကျိရမ်ထိတော့ ဝမ်ဟောက်ရွှမ်းလည်း ဒေါသပိုထွက်ကာ ပြန်လုပ်သဖြင့် ရန်ပွဲကမရပ်သည့်အပြင် နောက်ဆုံး သူ့အုပ်စုကိုယ့်အုပ်စု အကုန်ရောနှော၍ ရဲစခန်းသို့ရောက်သွားကြရသည်။