أسود مملكه الراوي

الفصل الثلاثون

#الفصل_الثلاثون
#أسود_مملكه_الراوي
#الجزء_الثالث_من_الذئب_القاسي
#سلسله_لعنه_العشق
#بقلمي_فاطمه_عماره

ملحوظه هامه :-
ترتيب اولاد صُهيب حسب الخاتمه كانت
_ رتيل
_ريان
_يامن
_سيف
هيحصل تعديل بسيط جداا ان ريان هو الكبير وبعدين رتيل عشان الاحداث تمشي بطريقه احسن
فيبقي كدا الترتيب الجديد
_ريان
_رتيل
_يامن
_سيف

اومأت السكرتيره بجديه شديده ثم دلفت الي غرفه مديرها وخرجت بعد أقل من دقيقه وطلبت منها ان تدلف..

دلفت رتيل بهدوء وثقه اكتسبتها عن أبيها قائله بجديه

_ السلام عليكم..

وقف عز وإبتسم بعمليه ثم قال بهدوء

_ وعليكم السلام يا بشمهندسه اتفضلي

اقتربت ثم جلست علي المقعد أمام مكتبه وأخرجت بعض الملفات ثم قالت بجديه

_ دي دراسه الجدوي وأنا رجعتها كويس وهي حقيقي ممتازه..

أخذ منها عز الملفات بهدوء ثم قال بجديه

_ طب تمام جدا يا بشمهندسه.. كدا ناقص نشوف الموقع اللي هيتبني عليه الفندق ونمضي العقود

اومأت ثم قالت بجديه

_ تمام يا بشمهندش نحدد معاد مناسب ونشوف الارض

اومأ عز ثم قال بهدوء وإبتسامه

_ كدا تمام.... آنا آسف تشربي إي..!!

إبتسمت بهدوء ثم قالت

_ لا شكرا ملوش لزوم يا بشمهندس خلينا نكمل شغل

إبتسم ثم اتجه الي طاوله الاجتماعات وأخذ حاسوبه وابتدوا يعملوا بهدوء وقد أعجبه جديتها وثقتها في نفسها بتلك الطريقه...!!!

**********

_ وحياه أمي يا توليب لو مفكتيش بوزك دا لهديكي بوكس يحولك...!!!

قالها يونس بغضب وهو يراها عابسه بشده منذ ذلك الاجتماع ثم انتقل ببصره نحو الطريق

نظرت اليه بحده وقد التفتت اليه بجسدها كله وقالت بإندفاع دون توقف

_ يا سلااام مش عايزني أبوز والهانم اللي ضربالي اكسجين بتتسهوك عليك وقال أي تعمل نفسها هتقع وتقول "سوري يا يونس"

قالتها وهي تقلدها وتقلد طريقتها التي تثير الاستفزار ثم اكملت بغيظ

_ لكن أنا اتكلم تقولي أسكتي.. اتحرك تقولي أقعدي..لا بقي مبحبش الديكتاتوريه دي

ركن السياره جانبا ثم قال بغضب وهو ينظر اليها

_ يعني انتي سكتي..ما انتي جبتيها من شعرها وفضحتينا