#حب_إمتلاك

(1) "حب إمتلاك"
أموله: صبي ياكوكا وقت عليك يلا سقدي روحك يابت نوضي
"طبعاً كوكا لاحياة لمن تنادي نوووووووم 😴😴😴😴
هيما:يلا يابنات جهزن روحكن تأخرت أنا بسرعه إيناس: نحنا جاهزات بس كوكا منضتش أصلاً أموله :انا لي ساعه نواعي فيها وحلت شوفها انت هيما وهو معصب :فتح غرفة كوكا وصب عليها كأس ميه مصقعه 😨
كوكا وعت منفجعه": هيييييييييييي تي شنو هضا حرام عليكم شن درت انا
إيناس واموله :هههههههههههه منظرك يضحك تستاهلي
هيما:يلا بطلن ضحك وانتي جهزي روحك في 5دقايق بسرعه يلا
كوكا :أوووووووف باهي
هيما :مية مره نقول فكيني من تأفف وطولت لسان ردي حاضر وانتهى الأمر وطلع طربق الباب ورا وهو راقيتله
كوكا :حي عليا انا زعلته "وجهزت روحها بسرعه ونزلت لاقتهم يرجو فيها" يلا انا جيت حتى فطور مافطرتش
هيما:ومن قالك ماتفطري كان واعيه بدري را ماحد جا شورك بس هذي اخرلك مره فاهمه؟!
كوكا :فاهمه خلاص سامحني هيما حبيبي واسفه على لبدري مش قصدي
ماردش عليها هيما وسأل إيناس واموله قاللهن أنزلن هنا مش فاضي نوديكن يلا موصل كوكا إيناس :اوكي خلاص حتى هنا تمام ونزلن يأخذن باص وخلو هيما وكوكا في سياره
كوكا :حطلي اغنيتي ماردش عليها هيما خذت دسكه وحطتها بروحها وقعدت تغني مع الاغنيه "أنا يلي بحبك وحدي انا انا يلي بريدك ليا انا وشافها هيما وقعد يضحك وقالها انزلي يلا
كوكا:رد بالك على روحك اوكي ونزلت وهيا تضحك وفرحانه عشان راضت حبيب قلب أول ماخشت مدرسه سمعت أسمها بصوووووت عالي ملكككككككككككككه
كوكا خافت لأنها عرفت صاحبة صوت عرفتانا صباح معفن هذي جعبة خيريه اووووف ولتفتت كوكا بإبتسامه مصطنعه طبعاً😬صباح الورد على أحلا وأنعم صوت في مدرسه
أبله خيريه:فكيني من تلسون متاعك هضا لا صباح لا سعاد وبدت عد خيريه في محاظرتا لي كوكا" خيريه:انا مش قايلتلك وكل يوم ياخرا يلي ماتحشمي على وجك شفشوفتك هذي لميها ساعه معش تلبسيها...
كوكا طبعاً قاعده تغلي من جوا وقعدت تردد مع خيريه" وبلحن واحد وياحماره مش قلت اكسسورات وقربج على شناطي ممنوع ومونكير يابهيمه ممنوع وفطنت خيريه ان كوكا قاعدا تردد في كلام معها "خيريه :لا انتي اكيد في واحد مسلطك علي قاعدا بكل وقاحه تردي في كلام لنقول فيه لكي" وملكه قاعده تهز في رأسه وخلاص
""خيريه:ماهو مش منك تردي في كلام ما انتي حافظته لكن شي مش منفذه شي لكن وديني ياملكه نربيك وتوا تشوفي صبي في إداره لا طابور ولا حصص يلا سقدي
وعدت كوكا وهي تحكي في روحها ملا فكه من وجك من قالك أصلاً ان ميته عشان ها طابور لجرب وصبت ملكه في إدارة وكانت فاظيه بحكم إن وقت طابور صباحي وفتحت شنطتهاوخذت مساكه ولفت شعرها وسلحت اكسسوراته وحطتن في سفتيهاوطلعت أستون مسحت مونكير
"كوكا:توا نشوفو ياخيريه من ليتحمض في ساحة😆 كمل طابور وجت مديره وقالت ل كوكا "ملكة فيش ديري هنا؟
كوكا :بدموع تماسيح وصوت برائه "مش عارفه أبله خيريه حطتني هنا وقالتلي إنتي مخالفه زي ومحرومه من حصص اليوماهئ اهئ😭😭😭
مديره نجاح:خلاص عدي ارقي لفصلك توا نتفاهم معها
كوكا:حاضر ...
وعدت كوكا تجري للفصل لقت خيريه قدامها "هييييييي انتي وين ماشيه ؟
كوكا :ماشيه لي فصلي
خيريه:مش قتلك خلك عند الإدارة ولا إنتي بهيمه متفهمش
😲وفجأه كانت وراهم مديره نجاح"'
نجاح:شنو الأسلوب هضا يا ابله يامحترمه بدل مانعلمو طلاب ألفاظ الأدب ياخذو في كلام فاسق !! خيريه بصوت مرتبك:أسفه يا أستاذه نجاح غير كنت معصبه شوي
نجاح:أولاً متأسفش مني تأسفي منها ثانياً كان كل مدرس معصب حكا بأسلوب هضا برأيك شن جيل لنربو نحنا افهمي ياأبله كويس تربيه قبل تعليم ربي لسانك وبعدها ربيهم
"خيريه زلطت من موقف وزادت كرهت كوكا وكوكا تحكي في سرها عطب نهارات شكله يوم المحاضرات العالمي عليك تزريطه شكلها"
نجاح يلا ارقي يا ملكه لي فصلك "وكوكا واو وأخيراً حتى ابلة رياضيات لنكرها رايفت عليها بعد ها زيطه وطقت كوكا باب فتحنلها بنات
"كوكا 😯بإستغراب: كيف وين أبله صباح ؟
ردت اريج صاحبته " مازالت ماجت وين كنتي إنتي ياكوكا ؟
ردت كوكا تعالن يابنات نحكيلكن هلبكن نص عمركن هههههههه ولمتن وحكتلهن لصار كله" واوو عطك خير زلطتي خيريه
أماني صاحبتهن : ههههههههههههههههه هضا وجي كان سكتتلك بعدها هي من غادي كارهتك يا كوكا :تمشي تملح عانس هذي أعلى مافي خيلها تركبه
اماني :اسسسسس خلاص جت الأبله "وخذن الحصه وكملن باقي حصص عند ماجتن الأستراحه " اريج :وأخيراً جت الإستراحه
كوكا :بعدك انا حتى فطور مافطرتش جعانه موووت موني عدى اشريلنا
أماني :لا ياحناتي معندش راس لزحمة وحرب مقصف
كوكا :حرام عليكن صاحبتكن انا تعبانه من صبح وجعانه يلا عدن وحده منكن تصبي
أماني:خلاص وانتي تقزني توا نمشي هاتن فلوسكن "خذت طلباتن وجبتلهن فطور وقعدن يفطرن ويسهرن وكوكا طبعاً سهاريها كلهن على هيما❤
" كوكا تحكي ولوكال في فمها: يييييييييييييي جت بارده
إنتصار معاهن في فصل وجارت كوكا
:خير يابنات كنكن غمات علي وفطرتن وحدكن أماني :لا مغير كنا جواعه بس تعالي اقعدي انتصار :صار هكي باهي سماح مره هذي كنك ماتحكي ياكوك ؟
كوكا :لا كنت ناكل بس
انتصار:صحه حبيبتي
كوكا: سلمك ياقلبي
أريج واماني قعدن يأكلن وهن سكتات" إنتصار:شخبار هيما ياكوكا
وهنا عد كوكا رقالها سماوي وردت عليها :وانتي ايش دخلك ب هيما حبيبي تسألي على أخباره انتصار:غير اصحي على روحك راكي تغصي في لقمه ههههههههههههههههه
اماني :بنات عيب خلاص ساحه كلها سمعت صوتكن "كوكا ماسكه اعصابها وضاغطه على يدها وردت عليها"كوكا:مادخلكش بي هيما فاهمه؟؟ انتصار:هههههه ليش هو مكتوب بإسمك مثلا جاري ونسأل عليه شن فيها😐
كوكا: وانا حبيبي ونغار عليه منبش حد يسأل عليه إنتصار : حبيبك!! هههههه والله ضحكتيني صاعبه عليا انتي ياكوكا على اثر مانك يتيمه على اثر مانك متعلقه بشخص مش شايفك اكثر من اخت له تؤ تؤ تؤ ياحرااام ................يتبع~~