#حب_إمتلاك

#حب_ إمتلاك

الحلقه5

هيما؛؛قتلك  وطي صوتك وفكيني من جنانك هضا ولي كسرتي توا تضمي يلا بلا دلع
"وخشن عليهم نوسا واموله "
نوسا؛؛شن هضا من كسره
اموله؛؛كنكم شنو في كوكا ليش تبكي
/هيما ؛؛ اطلعن برا يلا وانتي ديري لقتلك عليه" وطلع من مربوعه"/
/كوكا ؛؛ قعدت تضم وتبكي وفي خاطرها تحكي معقوله هيما يحب بنت غيري وانا موهمه روحي اخخخخ ياربي ساعدني حاسه روحي بنموت وانا نفكر في من يحكي ""وكملت كوكا وخشت غرفتها واستمرت في البكا عند مارقدت بدون ما تحس بروحه
ومضت ليله اموله تحكي مع عماد ونوسا مع فتحي خطيبها
وهيما يفكر ليش كوكا عصبت هكي
وأحمد! ! فتح فونه لقا مسجات من روعه ورنت عليه ...
.أحمد؛ ؛ ايوا كنك شن تبي؟؟/
روعه؛؛بيبي كنك تهزب خلاص سامحني شن ندير نغار عليك انا /
أحمد؛ ؛ هذي مش غيره هذا شك 
/روعه ؛؛ ساد تعذب في ياقاسي سكرت في وجي و قفلت فونك خفت تنهي لي بينا
أحمد؛ ؛قاسي اها تستاهلي .......وسهرو يحكوو~~~~~~~~~~~~~~~~
كوكا من تحت رغان؛؛اووووف شنو صوت هضا ازعاااج 😩😩رفعت كوكا رغان وقمعزت تبي تستوعب صوت شنو وبحتت جنبها لقت فون
كوكا ؛؛فون هييييييما نجك لي ماهنتش عليه "وباسة الفون وقعدت تنقز على سرير نحبك موووووووت❤❤❤ ""وعدت توضت وصلت وجهزت روحها
"كوكا ؛؛غريبه بنات مجنش يوعن في اكيد خذا عليهن نوم نمشيلهن خير "
نوسا نوسا يابت نوضي حي عليك تأخرتي نوسا بصوت نعسان؛؛ اليوم معندش واموله محضارته مش توا اووف خلني نرقد /
كوكا طلعت وصلت عند باب غرفه وردت توعي فيها اخره؛؛
نوسا نوسا صبي نبيك كيف ندير قهوة هيما صبييي /
نوسا ؛؛عليك قصه حرم عليك انا لي ساعتين راقده بس /
كوكا ؛؛ مانبي منك شي غير كيف ندير قهوة هيما قولي وانتي درهتي كبدي /
نوسا؛؛مفش كيفك في سكنان فنجان ميه وكشيكين قهوه وكشيك سكر هو يحبها مره واطلعي توا طفي ضي وسكري باب /
"وعدت كوكا ادير في قهوة لي هيما وجهزت معها توست وعصير وكورن فلكس لها "
كوكا؛؛وااووو توا 7وربع وهيما منزلش نمشيله خير "كوكا وهي تحرك في كتف هيما بشوي؛؛ هيما هيما "وفتح هيما عيونه وشاف كوكا
/هيما ؛؛ صباح الخير /
كوكا ؛؛صباح النور /
هيما؛؛ساعه كم توا
/كوكا ؛؛7وثلث
/هيما ؛؛اوو تأخرت في نومه "وصبا من سرير /
كوكا ؛؛ توا نرجاك لوطه
/هيما؛؛خوذي مفتاح سياره ولعيها
/كوكا ؛؛تمام ~~~~~~~~~~~~~~~~~
هيما؛؛وين بنات /كوكا ؛؛نوسا معندهش واموله محاضرته متأخر تعال افطر انا لجهزته/
هيما وهو يشرب في قهوة وكوكا تبحت فيه ترجا في ردة فعله بعد يشربها
/هيما؛؛افطري ليش تبحتي في/
كوكا ؛؛ماقتلش رأيك في قهوه 😕/
هيما ؛؛وليش ماذقتيها /
كوكا ؛؛عارفني نكرها هي وريحتها ويععع /
هيما ؛؛ اكويسه تنشرب 😀يلا توا ~~~~~~
هيما؛؛يابت صبح وانتي تقلبي على أغاني /
كوكا ؛؛ اسمع هذي بس تهبل🙈/
عايش في وعابالي وعنك كل الحكي ومنك دمع اليالي صرت بحب البكي حبيبي مابعرف ليش بحبك شو سرو حبيبي حبك جارحني ولقسوة قلبك اناا مشتاق "
وقعدت كوكا تغني وفتحت روشن سياره وطلعت ايدها برا
/هيما ؛؛ من وين تجيبي فيها طاقه هذي من صبح /
كوكا التفتت له؛؛ أصلاً فرحانه
/هيما؛؛ وشن مفرحك
/كوكا ؛؛  ووعيت لقيت فونك جنبي وقاعد تضحكلي من صبح وانت بعد تضحك نحس دنيا ضحكتلي /
هيما؛؛ اووو كلام كبير هضا مانبيش  نخرب فرحتك بس لصار امس مانبيش يتكرر/
كوكا؛؛ انا أسفه
/هيما؛؛ يعني عارفه روحك غلطانه تمام/
كوكا؛؛ لا مش هكي اذا غلطانه او لأ بس مانبيك تزعل مني اذا شايفني غلطت انا أسفه سامحني وخوذ فونك  !!/
هيما؛؛خلاص توا انزلي وركزي في دروسك هضا اخر اسبوع لك /
كوكا؛؛ انزل معي عشان الاستدعاء/
هيما ؛؛ انسيته بكل يلا باهي /"
ونزلو مشو إدارة  ومديره خلت كوكا تمشي وقعدت مع هيما وتفاهمو على موضوع وطلع هيما /
أبلة خيريه تنادي في هيما؛؛
ابراهيم /
هيما التفت وهي صبت قدامه في ساحه/
ابله خيريه ؛؛شن اخبارك يا إبراهيم /
هيما؛؛ الحمدالله بخير في حاجه ولا شنو ليش ناديتيني؟؟
/أبلة خيريه ؛؛ كيف توا قعدت نصبي فيك ضروري بأسباب ولا شنو قلت نسأل على اخبارك وانت لا تسأل ولا معدل
/هيما؛؛ نحنا مش بينا اخبار بينا بنت حطها في مدرسه وبس
/أبلة خيريه؛ ؛ ليش ماتردش على فونك /
هيما؛؛ ياابله انتي شكلك فهمتي غلط انا معطيكم رقمي عشان تكلموني لو صار شي مع كوكي مش عشان ترني علي في نص ليل"
وطلع هيما وسيب خيريه تحرق وجته كوكا لأنها كانت واقفة مع البنات في ساحه شافتهم /
كوكا؛؛اسمعي يابليه /
خيريه عيونها هك مفتوحات ومصدومه/انتي في ش..
قاطعته كوكا وعيونها شرر وغيره وبصوت عالي/اسمعي قتلك طلعيني على زي ماشي عرايك اوكي واستدعاءات بجو عادي بس هيما خط حمر لا لا هيما مش خط حمر هيما خطووووووط حمر اصحك تجي شورا تشوفي مني وج آخره واندير فيك الي مايندار 😎"
كوكاعدت سيبته وخلت خيريه ترجف ومصدومه من طريقة كلام كوكا وخلتا تسأل روحه 100سؤال/~~~~~~~~
~~أريج؛؛ وين كنتي يابت
/كوكا؛؛ كنت نربي في وحده /
اماني؛؛اصحا تقعد إنتصار ههههه سادها لجاها أمس/
أريج؛؛اها صح ياكوكي امس في تقويه هلبك نص عمرك بس صورتلك شوي من لصار/
كوكا ؛؛شن صار وكنها إنتصار
/أريج؛؛توا نحكولك بعدين توا حصه بدت /
ومضن الحصص وجت الاستراحة وقعدن بنات يفطرن وكوكا تفرج على ..
/كوكا؛؛هههههههههه واووو ريشه خوها  نعلي ياانتصار راحت فيها
/اماني؛؛راح عليها البرستيج قدام واحد طرف معانا في تقويه كانت تقالب فيه بعد خذا خوها نتشا قدامنا قعد يضحك عليها وهي انهارت/
كوكا؛؛ههههههههههههههههههه اكيد هيما حبيبي قالها  لي توفيق يأبرني ديما واخذ حقي/
أريج؛ ؛ يعوينك بيه ياحنه غير كان يوافق تخشي معانه تقويه ويديرلك فون واكونت على فيس هكي يكون تمام/
كوكا؛؛ هو بالنسبه لي تمام شن مايدير نحبه موت  وتقويه شن نبي فيها وهم يقرو في ويخلو في ناخذ في الاول ♥/
أماني؛ ؛ديريهن من ورا عادي/
كوكا؛؛لا مستحيل /
أريج؛ ؛كوكي انتي متعلقه بيه واجد بكل عند الهوس وانتي عند توا مش عارفه كيف نظرته لك من راي تحكمي في مشاعرك /
كوكا؛؛لا متاكده ان يحبني وماتفتحنش معي موضوع هضا تنرفزن في
/أماني؛ ؛بنات انا اختي كبيره تقولي انتي في سن مراهقه توا مفش حاجه عندك ثابته وتصرفي في حاجات بدون ماتفكري وتسحابي روحك ديما انك انتي صح بس بعد تكبري تقعدي تضحكي على حركاتك ايام المراهقه /
اريج ؛؛انا تسير معي وعشان هك متأكده ياكوكي ان حبك لي هيما مراهقه وفراغ بس بعدين توا تضحكي على روحك كيف حبيتيه
/كوكا تسمع في كلامهن  ومع  كل كلمه تعصب جواته
/اماني ؛؛كنك ساكته  شكله كلامنا صح هههههه /
كوكا؛؛لا مش صح انتن مراهقات لانكن  كل ماتشوفن شاب تحبنه وتموتن فيه وواو عليك طرف وواوو شكله يجنن سيارته  خيال بس انا مش هك انا ماعجبني حد غير هيما في كل حالاته نحبه ومستحيل حبي له مراهقه ولا وهم
/أريج؛ ؛اها صح اصلا نحنا عمرنا 15سنه وانتي 30سنه تي ماكلنا  في نفس سن ومعروفين ان في سن مراهقه
/اماني تضحك /
كوكا ؛؛عمرها ماتمت باالعمر عادي جدا  تلقي شاب ولا بنت في 30 ومازالو ماعقلو ولا ثبتو على حب حد معين وقصه كلها انتي وتفكيرك" وانا راقيه للفصل اوكي"
اماني؛؛ حسيته اقنعتني هههههه /
اريج؛؛انا لأ~~~~~~~~~~~~~~~~
~~~~~~~~~~~~~~~~
~وكملو حصص وروحن بنات وكوكا روحت مع هيما وجو للحوش وتغدو وقعدو كلهم يسهرو/
أنور؛؛كوكا اغسلي يدين روان/"
شالت روان ومشت تغسللها
/هيما؛؛ كلمني فتحي قالي نبي ندز هلي عشان يحددو فرح
/أنور؛ ؛ يعني يبيه امتا/
هيما ؛؛ قال نبي شهر جاي بس ناقتله امتحانات بنات وكوكا قريب يأجلها شوي ولا بعد أسبوع يجيب هله
/امهم فاطمة/أحسن مادرت مازلنا ماجهزنا شي ونوسا بروحها اسبوع جاي عندها إمتحانات /
"وجت كوكا مع روان وقعدت معاهم/
هيما؛؛ اها خطرها كلمتني امك ياكوكي تبيك /
كوكا؛؛ وشن تبي توا خطرت عليها لها شهر ماحكتش معي
/هيما ؛؛ عيب هذي امك وبلاش طولت لسان /
فاطمه؛؛ يابنيتي الله واعلم بظروفه انتي احكي معها اكيد مرايفه عليك/
كوكا ؛؛ باهي
/هيما؛؛ خوذي فون اهي على خط/
كوكا؛؛ ايو ماما
/سماح امها؛؛ ايوا عيون ماما شخبارك مرايفه عليك/
كوكا؛؛ تمام شن اخبارك انتي /
سماح؛؛ الحمدالله بخير بعد سمعت صوتك شن اخبار قرايتك /
كوكا؛؛ ماما قريب امتحاناتي /
سماح؛؛ عارفه ياماما حتى انا جايه قريب نبي نستقر /
كوكا ؛؛ ان شاءالله امتا جايه /
سماح؛؛ قريب خلها مفاجأة ♥عينك من روحك وتبي اي حاجه كلميني واقري حبيبتي نبي مجموع عالي باهي/
كوكا::حاضر خلاص اوكي "
كوكا؛؛خوذ فونك /
هيما؛؛ كنا وجك هك قالتلك حاجه ضايقتك ؟
كوكا؛؛ لا لا مفش حاجه جديده غير انها تبي تجي تستقر قريب
/هيما؛؛ ماقلتلكش امتا /
كوكا؛؛ لا قالت مفاجأة
/فاطمه ؛؛ نا نبي نمشي خوذني معاك ياأنور لعيت خالك /
أنور ؛؛وين أحمد
/هيما؛؛ عندا شغل اليوم في مستشفى ونا طالع للمحلات مش فاضي/
أنور ؛؛ خلاص ياامي وتي روحك نبي نرقا نغير دبشي وننزل ناخذك
/فاطمه ؛؛ باهي /"
كوكا عدت تقرا واموله ونوسه مرقدات وانور وامه طلعو
وهيما.../وهو طالع لاقا إنتصار/
إنتصار ؛؛ هيما
/هيما؛؛ يانعم شن تبي تزيدي على قلتي لي كوكا
/إنتصار ؛؛ ماتصدقهش هذي كذابه تبيك تكرهني /هيما؛؛ ومن قال ان نحبك ولا متقبلك أصلا بالنسبه لي انتي مش اكثر من جاره ومقدر لديري فيه لأنك في سن مراهقه ومطلوقه على غايتك /
انتصار ؛؛ عيب منك تقولي هكي كيف يعني مطلوقه على غايتي لو قصدك عشان طالعه توا ف انا طالعه لتقويه عشان امتحانات وانت عارف اني شهاده سنه والله غالب ماعندش في حوش واحد فاهم رياضيات واحد فاهم انقلش عشان يشرحلي كيف عرب  /
هيما؛؛ههههههههه ماهو كلامك هضا لمخليك في نظري  مراهقه يلا سلام /
وركب هيما سيارته
ومشت إنتصار وفي بالها مش ناويه على خير/~~~~~~~~~~~~~~~~~
كوكا؛؛يييييييييييي عليك قصه باب هضا مفش حد يفتحه غير انا 😤😤"
وفتحت كوكا /
معاذ؛؛😐انتي من /
كوكا ؛؛ عليك حناطه ران على جرس حوشنا وتسأل انا من ؟🤔
معاذ؛؛  انتي كيف تفتحي باب بلبسك هضا/
كوكا؛؛ وانت شن دخلك مبردك وسكرت باب طق باب اخره ترددت شوي وفتحت/
معاذ؛؛ انتي يابت
تي كيف تسكري في وجي😤 /
كوكا؛؛ وانت يولد بالكي نعزمك على قهوة جوا انتا تستعبط ولا شنو
/معاذ؛؛ هي إنتي مش عشان طرف اطولي لسانك /كوكا؛؛الحق مش عليك علي فتحلك ياقليل الأدب /وجت نوال خش يامعاذ عارف كنت نرقد في روان نسيت نفتحلك وخش معاذ كل عيونه شماته في كوكا
وكوكا استغربت كيف نوال خشاته
/معاذ؛؛من جالطه هذي/
نوال ؛؛هههههههه بلا بصاره صامطه كوكي حساسة ودلوعتنا متجش شورها
/كوكا؛؛وانت من ياحانط /
نوال ؛؛ هضا خوي معاذ لكان برا وجا الأيام لفاتن /كوكا؛؛اها هو هضا لقعدتي عند هلك وداروله حفلة /
نوال ؛؛ ايوا هو /
معاذ؛؛ باهي قصدك انتي ملكه صغيره/😂
كوكا وهي تنفخ ؛؛ ملكه لكبرت 😒
معاذ؛؛صح كبرتي ماشاءالله ولسانك كبر معاك /
كوكا؛؛انا ماشيه نقرا اوكي /
ومشو معاذ ونوال لشقه
/معاذ؛؛وامتا يجو شباب /
نوال ؛؛هيما وأنور اكيد شوي ويجو بس أحمد على حسب
/معاذ ؛؛ وين على طرف لعندكم  ودسينه هههههههه/
نوال؛؛ييييييي جينا عد اسمع هذي غير بنات  لعارفن خطاها احسنلك مازلت
صغيره وبريئه بكل/
معاذ/تي اي صغيره ماشاءالله عليك جمال فيها حتى لسانها طويل و سمح
/واستمر حديثهم ~~~~~~~~~~~~~~~~~
~هيما؛؛اووو معاذ شجو
/معاذ؛؛تمام شنجوكم انتوا
ريحين قلت نطل عليكم وعلى عمتي /
أحمد ؛؛والله اشغال ودنيا تلاهي/
أنور؛ ؛تفضل للعشاء /
وتعشو وسهرو كلهم مع نوسا واموله وامهم ونوال وشباب ماعادا كوكا/
احمد؛؛وين كوكي/
نوسا؛؛في دارها حتى عشاء مبتش قاعده تقرا /
هيما؛؛كيف ماتعشتش توا نشوفه
/هيما فتح باب غرفه
/كنك ماتعشيتي مع بنات /
كوكا وهي تقرأ ماعندش نية /
هيما؛؛باهي ارفعي راسك وريني وجك
/كوكا مبتش رفعلها هيما وجها ولقها تبكي/
هيما قعد على ركبه؛؛كنك في حد زعلك ولا عندك حاجه صعبه في القرايه /
كوكا ؛؛لا مافي شي /
هيما قرن حواجبه؛؛علي انا يعني على اساس مش عارفك احكيلي كنك؟؟
كوكا وهي تبكي ؛؛هك بروحي حاسه روحي وحيده خاصه بعد جا اخ نوال ومعرفتش حسيت روحي مش من عائله وقاعدين برا تضحكو وتبصرو ولكم ذكريات مع بعضكم وانا معندش شي ولا ذكريات مع حد غيركم /
هيما ؛؛ياساتر هضا كله في قلب بنتي صغيره ومسحلها دموعها مش سادك يعني ذكرياتك معانه صار باهي توا تشوفي وشالها طلع بيها وخطم على لي في صاله /
احمد ؛؛ههههههههههههههه هذي كنها وكلهم قعدو يضاحكو عليهم الا معاذ ماعجبتش لقطه لصارت /كوكا؛؛ نزلني خلاص اذكرت لما كنت تشيل في /وحطها في مطبخ وسخن عشاء وقعدو على صفرة الأكل وقعد يوكل فيها /
كوكا؛؛حرام عليك مش هكي كبرت توا انا😕/
هيما؛؛لا عشان تذكري صار تبي ذكريات يعني عشان ذكرياتك كلهن معي زعلانه/
كوكا ؛؛لا خلاص مش زعلانه وفرحااانه
/هيما ههههههههههه نجك لي يلا كملي عشاك ~~~~~~~~~~~~~~~~~~~~~
وكملو عقاب سهرتهم مع معاذ/
أحمد؛ ؛كوكي/صبي ارقدي تاخرتي
/كوكاوهي تثاوب؛؛وعيت بدري اليوم ومارقدش بكل /هيما؛؛لك ساعه راقده هنا /
كوكا؛؛حيي ماحسيتش بروحي
/أمولة؛ ؛هههههههه من بطل صبي توا لدارك/ورقدت كوكا وعدا معاذ وكل واحد مشا لغرفته /~~~~~~~~~~~~~~~~~~~~~~
وفي صبح مشت كوكا للمدرسه مع هيما
/ هيما؛؛مرات في رده منجيكش انا توا نوصي أحمد/
كوكا؛؛شن عندك/
هيما؛ ؛عندي شغل ضروري ننهي يلا انزلي"ونزلت كوكا وكملت حصص وجا وقت نهاية دوام وطلعت نفس ماتوقعت مالقتش هيما بس لقت .....
معاذ؛؛كوكي/
التفتت كوكا وكانت مستغربه صوت
/كوكا؛ ؛أنت😦شن تبي هنا
/معاذ؛؛نبيك .....................................................
الحلقه جايه ناااار
🔥🔥🔥🔥
..يتبع~~