#حب_إمتلاك

#حب_ إمتلاك
الحلقة (9)

ﻟﻴﺘﻬﺎ ﺗﻔﻬﻢ ...
ﺃﻥ ﺧﻠﻒ ﻗﻨﺎﻉ ﺑﺮﻭﺩﻱ ﺣﻘﻴﻘﺔ ﺇﻫﺘﻤﺎﻡ ﺗﻌﺸﻖ ﻛﻞ ﻣﺎ
ﻳﺘﻌﻠﻖ ﺑﻬﺎ

~~~~~~~~~~~~~~~
مذكرات ملكه 2014 وقت لعدا معاذ كان خاطري نوقفه ونقوله ماتزعلش مني ماتلومش علي انا مش ملك نفسي انا ملك حبيبي هيما بس ماوقفتش جمدت مكاني مع تسكيرته لباب بصوت عالي خوفني أكثر ما انا خايفه وعدا معاذ وماعرف سر لي في قلبي من سنين وياريته عرف وقتها ولا صار لصار...بعد جيت بنخش الحوش شفت قدامي هيما خفت يكون سمع حاجه ولا شافني مع معاذ ياربي استرني ياربي نموت كان شافني ..
~~~~~~~~~~~~~~~~
هيما ؛؛كنك قاعده هنا؟؟
وانا مرتبكه وخايفه بكل؛؛ ننننشوف في باب
هيما ؛؛ خشي جوا اقري مالكش دخل بيهم
"وقفت قدامه لأن تريحت بعد عرفت ان مسمعنش انا ومعاذ وماشفنش"؛؛ حاضر
هيما؛؛ يلا انا طالع تبي شي
انا؛؛ لا سلامتك وسكرت وراه الباب وندعي ان شاء الله مايشوفش انتصار وهي طالعه لتقويه ~~~~~~~~~~~~~~~~~
أموله؛؛ وين كنتي انتي تعالي سعديني في المطبخ "ومشيت معها ونظمنا كل شي
"أموله ؛؛ حي خذنا الوقت خلنا نبدلو توا قريب يجو
انا؛؛ باهي يلا وادوشت ولبست فستان أبيض قصير وطلقت شعري
"عائشه اخت معاذ ؛؛ ماشاءالله شعرك طويل ومش محتاج استشوار بكل يعوينك هههه
نوال؛؛ ماشاءالله تصدقن عمرها ماقصاته ولا استشوراته
رقيه اخت معاذ؛؛ بس لونه غريب صابغته انتي
أموله؛؛ لا ممنوع صبغه ياحنه لونه هك ذهبي من عند ربي وعيونها سود مش عدسات وبيضه مش من فير ولا بودره وتلبس 38ووزنها 48 تبن  تسألن حاجه آخره ههههه وانتن تقول تطلبن فيها" كلهن ضحكن الا ما انا ضايقت من اسئلتن ورد أموله"
رقيه ؛؛ستر ياربي وانتي مبجده شن فيها كان سألنا انتو ماطلعو فيها بكل
عائشه؛؛ لا من يوم وغادي كبرت وتوا نخلوها تجينا غصبن عنهم ههه😂😂
"انا عشان نقطع الحديث الي نرفزني بس ماحبيتش نبين لأن مهما كان هم اهل نوال ومن هل ماما فاطمه ولازم نحترمهم
قلت؛؛نوسي ازك ليا طالعه تهبلي
نوسا؛؛ والله جد يابنات انا حاسه روحي ثقيل ميك اب توا يضحكن علي
نوال؛؛ لا والله يجنن قمر طالعه البسي فستانك بسرعه وقت
رقيه وهي تحط في روج لروحها وانتي يا كوكا ماتبنش نديرلك ميك اب خفيف نوسا سبقتني في رد ؛؛ لا لا فكينا توا العويل يهزبو
رقيه؛؛ ياساتر   عليك حكم انا مقدرتش نمسك روحي عد من بدري ماسكه هل لسان
؛؛وانا راضيه بحكمهم وعمري ماحنشكي لأنهم هم يخافو علي لو مايحبوني كانو خلوني على غايتي نفس بنات جيلي بس الحمدالله ان هضا حكمهم على قولتك
"سكتت رقيه وسكتن كلهن وحسيت من عيون أموله ونوسا انهن عاجبهن ردي وانا طلعت من دار معش قدرت نتحمل برادتن ورن جرص باب حطيت وشاح على كتوفي وفتحت طلعو عرب نوسا وخششتهم دار المقعد وجن بنات وسلمن عليهم وقعدن وانا واموله ونوال في المطبخ ونوسا كانت خايفه موت مع ان مش اول مره يجو بس شعورها هضا محولش بكل هههه
نوسا؛؛ حي عليكن قولن عمتي على من قعدت تقصقص في انا واموله ونوال بلهفه وبصوت واحد ؛؛من ؟؟
نوسا على فرخه كوكي  انا استغربت وأموله طبعاً ديما سبقتني ؛؛ايش قالتلك عليها وليش تقصقص فتحي عندا خوت ولا ايش
نوسا؛؛ يابي يابي عليك تبجيد ايش هضا احكي بشويا كنك تقول زامطه راديو -_-
أموله ونوال؛؛ ها احكي
نوسا؛؛ قعدت تسأل في على عمرها وايش تقرا انا رديت عليها بهزوا؛؛ ماديما تجي ايش خطرها تسأل نوسا؛؛ شكلك عشان اول مره تلبسي فستان ومبينه جسمك عرفاتك كابره ههههههه
أموله؛؛ كوكي نبي فستان هضا بعد يجو هل عماد شكله فيه مفعول هههه😂😂
نا؛؛ مغير خله يجي وانتي تاخذي دولاب كله هههههه
اموله ؛؛قولي ان شاء الله تفألي >_<
نوسا ؛؛ جذري يشيلكن وانتن مناقره 24ساعه نمشي نشوف عميمه احسنلي نوال خطرها ايش مازال وتحطي موالح و عصير غازي
نوال وهي تفتح في كوشه ؛؛ اهو خلاص سخنن توا نظمو في اطباق ونمدو خلاص
"وضيفناهم وعطو فلوس نوسا وحددو فرح بعد شهر وعدو ولمينا كلنا في صاله ~~~~~~~~~~~~~~~
نا واوو خلاص انا تكسرت وحتى كتاب مافتحته اليوم
أموله ؛؛ حتى انا مزلت ماقريت وبكرا الإمتحان
رقيه؛؛أموله قريب تكملي صح
أموله اها خلاص عندي ماده آخره خاطي بكره وبعدها خلاص حتى نوسا نفس شي
نوسا؛؛يانعلي خلني في حالي باالله عليكن شهر شن ندير بيه بس وانا مزلت ماشريت شي
عمتي سعاد؛؛ مخطوبه لك 6شهور وماجهزتي شي ستر ياربي راقده نوسا جت ترد بس ماما قاطعته وردت ؛؛ بنت كانت تقرا مافضت بكل وساهله الفلوس في أيدينا ومانبو شي نوحلو في مشي لسوق
عمتي سعاد ؛؛ وانتي ياكويكه وين طبيتي وقعدن بنات يضاحكن طبعاً عشان اسم كويكه هضا لمدرعنا من وين زرق 😂😂
انا كويكة شن ياعميمه انا كوكي عمتي سعاد ومع تعليقة خشم عد كلها واحد وانتن مغير تسهوكن  ومشينا العشيه ونوال ونوسا دارن العشاء وجو هيما وأحمد وانور وراجل عمتي ومعاذ وانا كنت في داري نبدل نلبس في جينز وبدي وطلعت تعشيت مع بنات في مطبخ وجا هيما يجيب في سفرة عشاء ؛؛ وين شاهي جاهزه نوال وهي تأكل؛ ؛طيبته تبي تسخين بس وهيما قعد يسخن فيها وانا غير نبحت فيه ياربي يهبل حبيبي لحيته وصوته وعيونه وعصبيته وحنيته كل مافيه رجوله ♥ياناس حبيبي يجنن مفش منه وهو ملكي انا وبس
انا؛؛ الحمدالله
هيما؛؛ كنك ماكملتي عشاك
انا ؛؛ لا عصرت وخري وتوا ماشيه نقرا تجي تقريني باهي "طبعاً انا لعندي قرايه لا شي مغير نبي نحقه وخلاص نبي نشبع منه مرايفه عليه ♥
هيما؛؛ ارجيني
~~~~~~~~~~~~
بعد وقت جاني في غرفتي
انا؛؛ كنك طولت قبل رقدت 😴
هيما؛؛ كنت نرجا فيهم يمشو عيب نسيبهم نعسانه انتي
انا؛؛ لا توا صحصحت وخذا كرسي زي كل مره وقعد يشرحلي وانا اصلا فاهمه درس وخليته يعودا قريب عشر مرات
هيما؛؛ كوكي حرم عليك مليت ونا نعود
حفظته انا بصوت دلوع عد؛؛
أنا.. كنك هكي شهاده انا را وكلكم تبوني نجيب نسبه عالية لازم نفهم كويس
هيما؛؛ أمري لله توا نعاود
انا ؛؛ لا خلاص معش نبي تشرح بلا نيه عارفتك انا لا تعبان لاشي تبي تهرب من شرح عشان تسهر على فيس هيما قعد يبحت في وقرن حواجبه "نعلي منا بعد يعصب" ♥
هيما؛؛امتا عمري قصرت معاك عشان تغلطي في هك "انا لنقني منتحمل نزعله بكل ان شاء الله حتى نقوله الحقيقه .
.؛؛هيمتي حرام يعني كان قعدت معي شوي انا خليتك تعاود واجد عشان مرايفه عليك وااااجد"

تقولو بنت وجريئه وفارضه روحها على شخص مش من عمرها ومعها في نفس الحوش وهو مش مبين اصلا اذا كان يحبها ولا بس متعاطف معها ولا عشان هي أمانة عندهم اها انا هكي انا نحبه وحبه فاضحني ومايهمني يعرف هو ولا غيرا مجنونه انا وقتا وكنت مراهقه وعفويه بكل ومانشوف في شي خطأ "

وقعد يبحت في نظرات غريبه "اخخخ وخلاص لو نقدر نخش عقلك ونعرف شن فيه ونظراتك لي شن تفسيرهن وليش ماتحكي وتقولي نحبك ♥ معقوله حبي لك مازلت ماحسيت بيه معقوله ماتسمعش في دقات قلبي كيف يقون لما تجي قريب مني امتا تفهم انك حب حياتي انك ملكي اني أنانية فيك مانبي حد يشاركني فيك لأنك ملكي وبس
انا؛؛"كنك ساكت احكي ؟؟
ورن فونه وطلع برا وسيبني مع أسئلتي وحيرتي يلي كل مانكبر يكبرن معي وقعدت نرجا فيه طول وذكرت ان صبا عشان يرد على فون زعما في من يكلم وقت هضا كله وتوا ليل من شخص لخذاك من جنبي وخلاك تنساني من ؟؟
~~~~~~~~~~~~~~~~~
بعد وقت جاني هيما وملامح وجه مايتفسرنش
وقالي ؛؛شن بينك وبين معاذ 😡؟؟
انا انهرت طحت على.. ......
..يتبع ~~