#حب_إمتلاك

#حب _إمتلاك
الحلقة 6
وفي صبح مشت كوكا للمدرسه مع هيما ..
هيما؛ ؛ مرات في رده مانجيكش انا توا نوصي أحمد ..
كوكا؛؛ شن عندك..
هيما؛؛ عندي شغل ضروري ننهي يلا انزلي "
ونزلت كوكا وكملت حصص وجا وقت نهاية دوام وطلعت نفس ماتوقعت مالقتش هيما بس لقت ....
معاذ؛؛ كوكي.
"التفتت كوكا وكانت مستغربه صوت
كوكا؛؛انت شن تبي هنا
معاذ ؛؛ نبيك..
كوكا وهي تلفت وخايفه؛؛شن نبيك هذي عدي بسرعه قبل مايشوفك حد..
معاذ؛؛ تي كنك خايفه انتي وترجفي شوي ويغما عليك وين طولت لسانك لي أمس ههههههههه
كوكا؛؛ انا عمري ماصبيت مع حد ومانبيش حد يحكي علي توا يجي احمد ولا هيما يشوفوك عدي كنك بارد..😤
معاذ؛؛ يابت را خيرلك وانتي لسانك متبري منك ومش متحرك من هنا وليجي خلا يجي ما نحسش في حد…
كوكا؛؛ انت مش همك حد بجوك بس انا يهمني يلا سلام "وجت تمشي مسك ايدها…
معاذ؛؛ ارجي نبي نحكي معاك…
كوكا كانت مازالت في صدمه من جرأته معها و..فجأه ضرباته كف وجت تخش مدرسه لقت قدمها .....
إنتصار؛ ؛ واووو ياكوكي مجننتنا بي هيما وفي الآخر طلعتي تشلطي من وراه  هيماومن ورانا بس نقولك انقنا طرف لي توا لو محتاره ننصحك تاخذي وتفوتي هيما
كوكا؛؛ واخذا على روحك تسحابي ناس كلها زيك شكلك ماتربيتش من طريحة توفيق لك 
إنتصار؛ ؛ عاتي حبيبتي انا   بالضربه بس اليوم اكيد دورك انتي خاصة بعد يشوف هيما حبيبك صورك مصبيه مع شاب قدام مدرسه واووو عليك صدمه تجيه…
كوكا عصبت وعلت صوته؛؛نقتلك عارفه نقتلك ياحيوانه انتي ماجربتي شي مني والله تشوفي شي مايعجبك لو فكرتي بس ديري هكي ...
إنتصار تحكي بثقه وهدوء؛ ؛ وشن عندك ياحلوه هههههههه راحت عليك خلاص انا نعطيك نصيحه تصاحبي اللاجئين الايام هذن توا تعوزيهم واجد هههههههه بعد هيما يلزك زي كلبه من حوشه ..
كوكا جت تبي ترد جاها أحمد
أحمد؛ ؛ يلا كوكي
كوكا ؛؛ مسكت يده ومشت معه وعيونها قعدن علقات مع إنتصار يلي حاطه ايديها على خصرها وتبتسم إبتسامة شر وفكرها كله ماشي لحكي إنتصار
أحمد؛ ؛ كوكا
كوكا؛؛ نعم
أحمد؛ ؛ باهي لرديتي لي ساعه نادي فيك في شن سرحانه.
كوكا؛؛شي نفكر في امتحانات قربن..
أحمد؛ ؛ متخفش ساهله إنتي اقري وخلها على الله ..
كوكا؛؛ ان شاءالله ..
"روحت كوكا للحوش وماكانش هيما قاعد اول ماجت قعدت في غرفتها ومطلعتش حتى في الغدا قعد فكرها كله وخوفها من إنتصار لو دارت هك شن يسير موقفه ولو حكت لي هيما قبل حيسير مشاكل في عائله ونوال وهلها يكرهوها وهيما عصبي يمكن يدير اي شي اووووف مليت من تفكير وتوضت وصلت وقعدت تبكي وتدعي خشت عليها نوسا
نوسا؛؛ تقبل الله
كوكا؛؛ منا ومنك
نوسا ؛؛ جوك مش عاجبني كنك
كوكا ؛؛ قرايه بس وخوف من امتحانات
نوسا؛؛ ههههه متخفش انتي قدها اطلعي معي معاذ جاي وجايب معه حلويات قال هذن لبنتكم صغيره هههههه عينا لك
كوكا ردت اذكرت لتبي تهرب منه وقعدن عيونها معبيت دموع ..
كوكا ؛؛ نبي نقرا منبش نطلع.
نوسا؛؛ فكيني من سماطتك توا عيب يلا والله جو سمح برا طلعن كوكا ونوسا لجنان لبرا وكان جو عشيه حلوه ولقتهم كلهم يحكو وجوهم مبسوطين
كوكا سلمت على معاذ..
كوكا؛؛ هيما وين؟؟
أحمد؛ ؛ مش فاضي اليوم شغل على رأسه فتره هذي
"كوكا اضايقت اكثر لأن بوجود هيما كانت تحس بالأمان
"معاذ ؛؛ نبي حمام 'حشاكم'وين
فاطمه ؛؛ توا توري لك كوكا صبي معه..
كوكا في صدمه؛؛ اه باهي
ومشو كوكا ومعاذ
"معاذ ؛؛ مافي حد عمره مد يده علي..
كوكا مفش رد…
معاذ؛؛ ليش ماتحكش انا لانبي حمام لا شي درتا سبله بس نبي نحكي معاك ليش تهربي مني
كوكا ؛؛ احكي شن عندك وانت من امس ساكن تبي تحكي
معاذ؛؛ طالعه سمحه لمن
كوكا ؛؛ تصدق انك قليل ادب أصلا انا غلطانه لرديت عليك
معاذ؛؛ واووو هههه عشان قتلك لمن طالعه طلعتيني قليل ادب وكان نقولك حاجات اخره شن تقوليلي .😂😂😂
كوكا ؛؛ لا انت تبي تربيه من جديد وكف لبدري ما أثرش فيك..
معاذ؛؛ حتى لسانك طويل هضا يجنن.. 
كوكا؛؛ ييييييي عليك سريب هو وجت تمشي.
معاذ؛؛ يابت ارجي
كوكا ؛؛ انت هو قعدت تمادا را
معاذ؛؛ وطي صوتك قتلك عندك فون
كوكا ؛؛ شكلك تبي كف اخره
معاذ؛؛ جديات نحكي عندك؟
كوكا؛؛ مش مضطره نقولك ويلا اطلع توا يقولو طولو
معاذ؛؛ ماشي توا نشوفو من يغلب
كوكا؛؛ انا مانديرش في حرب ساد مشكله لجتني من تحت راسك
معاذ؛؛ مشكلة شنو؟؟!
كوكا؛؛ خلاص يلا
معاذ؛؛ شن فيها كان حكينا قدامهم
كوكا قعدت ساكته لأنها تفكر كيف تحل مشكلة انتصار وأصلا هي لها حل ولا لا
معاذ؛؛ هييييي إنتي وين رحتي
كوكا ؛؛ انا عندي مشكله
.........يتبع ~