#حب _إمتلاك
الحلقة الثالثة
وفجأة خشت نوسا للغرفه "
نوسا : اووو معناها كوكا رضت يلا غدا صقع وأحمد واموله روحوا..
مشو تغدو وشربو شاهي خضر بنعناع وأموله لمت حوسة المواعين والمطبخ ونوسا شورها الحوش وكوكا طبعاً قعدت تقرأ/
كوكا وهي حاطه يديها على وجها : اوووف ياربي مفهمت شي انا من درسس اليوم/ وطلعت من غرفتها ورقت لشقة هيما وجت لغرفته لقتها كعادتها مفتوحه وهو راقد "
كوكا :هيما هيما هيماااااااا نوض يلا
هيما فتح عيونه مفجوع / بسم الله كنك شن في شن صار لوطه
كوكا/ 😂😂 لا ماصار شي نبيك تقريني رياضيات مفهمتش فيها شي اليوم
هيماوهو يمسح في وجه / خلني توا نرقد بعد عصر نقريك😴
كوكا قعدت تشد في ايده تبي تصبيه/ لا لا توا قريني اصلا عصر قريب يأذن وانا عندي مواد اخره نبي نقراا فيهن صبي تواااا ولا نصب عليك كأس ميه مصقعه
هيما // اووف خلاص انزلي قولي نوسا تجهزلي قهوتي
ونزلت كوكا وجهزتله نوسا قهوه
نوسا// كوكا جهزته له ونا توا ماشيه نحكي وكان سألك علي قاطعتها كوكا "نقوله راقده خلاص فهمنا عدي
نوسا//😂😂 شاطره خيتو نا امووووووه 💋💋
وخشت نوسا تحكي مع خطيبها وهيما نزل يشرب في قهوته وبدا يقري في كوكا 📕📕
هيما // الكتاب على طاوله مش في وجي😒
كوكا نزلت عيونها بحتت في كتاب // ماهو مره نبحت فيك ومره في كتاب عشان نفهم 😐 هيما// ها فهمتي توا؟؟
كوكا// لا لا عاود
هيما // عاودتلك واجد
انتي بيش تفهمي كوكا بصوت دلع // حرام عليك هيمتي هي واعره وتبيلها شرح واجد
هيما//اسمعي هذي اخره مره نشرح ركزي معي
وعاودلها شرح مسائل مع طلعت احمد من حوش شافته كوكا //مادي وين طالع احمد// ماشي محلات
هيما//كوكا ركزي معش نعاود قتلك!
كوكا//لا خلاص فهمته توا نحلهن بروحي هيما//باهي تمام ارجا يااحمد نطلعو مع بعضنا كوكا// لا مادي كان مشيت من يبي يقريني "طبعاً تقصد بأن يقريها في انقلش لأن احمد يقري فيها وهيما يقري فيها في رياضيات"
احمد// توا مش فاضي بكل عندي شغل توا وانتي كان نقريك تقعدي بساعات ومافهمتي " وقعديضحك عليها هو وهيما "
هيما// والله صدقت فيهااسالني نا على حركه هذي توا كنت في قلب الحدث 😂😂
كوكا// به به تضحكو علي😞 الغلط مش مني منكم كان تعرفو تشرحو را نفهم بسرعه هيما// باهي تمام طيري ودوري من يشرحلك
كوكا// هيما حبيبي نبصر معاك انا خلاص اقعد 😕
هيما//لا خلاص طالع عندنا شغل / واحمد يتفرج على عركتهم ويضحك وجو فتحو باب يبو يطلعو
كوكا //هيما جيبلي معاك مصاصه وشيبس وشكولت🍭🍬🍫
هيماوهو يحكي في احمد//وتقولك بعد هضا كله نا كبيره مش صغيره أحمد//لاصغيره ماتكبرش هذي ههههههههه هبله
كوكا//وشن فيها عادي نحبهن وانتو ماعندكم حاجة تهزو عليها غير نا خلاص معش نبي
هيما// نعلي نا من دلوع خلاص توا نجيبلك وخشي توا اقري وغمزلها وضحكت😉
احمد//يلا يا هيما وراي شغل
هيما //خلاص اوكي هيا
"وطلعو من حوش وكوكا خشت تقرا" ~~~~~
احمد//خلنا نطلعو في سيارتي كان ماعندكش مشاوير
هيما// ارجاني في سياره ماشي شور جارنا توفيق نحل قصة كوكا
احمد//خلاص تم ماطولش بس
~~~~~~~~ ومشى هيما ورن جرس حوش جارهم وفتح توفيق باب؛؛؛
توفيق// خير يابو جار
هيما //خيرات عليك يا وفيقه شخبارك توفيق//الحمدلله
في نعمه خش تفضل جوا / هيما//لا والله مافاضي وراي محلات ماغباك في الحال نا جايك في موضوع على سريع/ توفيق// ان شاء الله خير احكيلي
هيما //وآلله بخصوص اختك صغيره إنتصار "وحكاله هيما القصه ... " توفيق عصب /بت ال..والله نأدبها
هيما//لا وسع بالك ياراجل هي بروحها بنت صغيره وتغلط بس نا جيتك عشان تنبها ماتحكيش مع كوكا باالموضوع هضا انت عارف ان موضوعها حساس ويجرح فيها
توفيق//تي والله وجي متزلط منك اسمحولي وامسحه في وجي ومايصير إلا الخير توا نا كنت نبي نجيبها من تقويه وتوا نتفاهم معها
هيما//اسمحلي عاد نا وراي شغل وكيف ماقتلك كلنا نغلطو وماتشيلش منها
توفيق// يسير خير تفضل يابو جار
هيما//لا والله مش فاضي واحمد يرجا في عطلت عليه ان شاء الله مره اخره سلامات
توفيق // سلامات ياجار "وفي سره والله نربيك يا انتصار الله يفضح بيك "
وخش الحوش خذا مفتاح سيارته وطلع يجيب انتصار /ليلتك سوده ياانتصار/ 😂😂
~~~~~~~~~~~~~~~
هيما مشا لي أحمد في سياره
أحمد//ها كملت قصتك؟
هيما// اهاا خلاص أطلع تأخرنا ويرن فون هيما "
هيما// ايوا ياكوكا
كوكا// ههههههه كيف عرفت ان انا لنتصل ؟
هيما// ماهو معروفه نوسا عمرها ماكلمت ترن وتسكر وانتي تسكني ترني عند مانرد
كوكا//باهي صار انا نسكن 😕وصلت ولا لأ
هيما//لا مازال
كوكا//من معاك؟؟
هيما//معي أحمد خلاص ياكوكا نبي نسكر كان ماتبي شي
كوكا//هيما حبيبي متعصبش كنت نبي نطمن عليك خلاص اوكي وعينك من روحك باااااااي "وسكرت وهيما قعد يضحك مجنونه بت هذي متبش تكبر بكل
احمد وهو يسوق //كنها كوكا ؟
هيما //ماكنها شي تسأل وين وصلنا بس
أحمد//متعلقه بيك ..
هيما// من؟؟
أحمد//من يعني كوكا متعلقه بيك
هيما خذا نفس طويل//متعلقه بينا كلنا
احمدالتفت لي هيما وهو يسوق//لا متعلقه بيك أكثر "ورد يسوق وهيما ماردش عليه اكتفى بأن يطلع سيجاره وفتح روشن وبدا يدخن .
~~~~~~~~~
كوكا خشت على نوسا في المطبخ / /حيييييي تبي تديرلنا بيتزا
نوسا//اها عشاء وديره معها كفته وطاجين ايش رأيك في
كوكا// باستها في خدها نجك لي هييييي نسيت هاكي فونك خش عليا فتحي انتظار "فتحي خطيب نوسا "
نوسا//حي عليااا وحي وانتي شن درتي
كوكا وهي تفتش في ثلاجه// مادرتله شي قتلك يانوسا مفش بيبسي🍷 خاطري فيه مع بيتزا 😋😋
نوسا ضربت كوكا على كتفه
كوكا /اي عنشكلك كنك يابت
نوسا//شي برود فيك تفتشي وخاطرك في بيبسي وانتي ديرتلي جريمه معش نعطيك فوني
كوكا//ريتي هاالحاجه كبيره لعطيتيها ياحنه معطيتش الا لما خذيتي كرت نعن وجع
نوسا //يلا وجك توا اهو توحا يرن كوكا // عادي قوليله كان معي ماديمه نأخذ فيه وهو يهزب فيك عاتيييي حبيبتي هههههه😂
نوسا //اطلعي يلا قريب يفصل "وطلعت كوكا بعد نشفت دم نوسا ~~~~~~~~~~~~~~~~
فتحي// كنك ان شاءالله انتظار ؟
نوسا//وعليكم السلام الحمدالله انا بخير وهلي كويسين -_- مغير قول الو قبل
فتحي//نوسا ريحيني من جو هضا عارفتني ترقالي بعد نشوفك انتظار قريب ثلاث مرات يضرب عند مايفصل تفوتي في
نوسا // والله مش انا هذي كوكا انا كنت في مطبخ نجهز في عشاء حبيبي متزعلش مني عارفني مايهونش عليا زعلك نحبك والله نحبك
فتحي// وانا نموت فيك ريفت عليك ياشينه
وقعدو يحكو هما اثنين على مستقبلهم واموله وكوكا قعدن يقرن
اموله// كوكي ماما وين ؟
كوكا//طلعت من بدري لي لمت رجاء "رجاء جارتهم"
اموله// ييييييييي صح المه اليوم
كوكا// امولي نا كملت قرايا نبي نكسد على Tv اموله باهي نا نبي نحكي كان جا حد لاهيه
كوكي //باهي
~~~~
ومشت اموله تحكي مع حبيبها عماد وكوكا حطت على قناته المفضله وناسه
كوكا//شعلومه باديه وعلت صوت على اخر وقعدت تغني وترقص ومشا الوقت هك عند ماجت اموله تجري طفت Tv
كوكا//كنك انتي ليش طفيتي اموله// مصيبه .....
يتبع~~
أنت تقرأ
#حب_إمتلاك
عاطفيةقصة "حب إمتلاك" نبذه عن أبطال القصه ملكه وينادولها "كوكا" 16سنه بداية قصه حتكون في نهاية سنه 3أعدادي بنت يتيمة الأب وبعد وفات بوها امها تزوجت وسافرت وكوكا عاشت معه عائلة عمها المتوفي تربت معهم وتعتبر فيهم ع...
