#حب_إمتلاك

#حب_امتلاك

#حب_ إمتلاگ
الحلقه (26)
.
.
.
حبيبي ﺃﻧﺖِ ﺍلرجلَ ﺍﻟﺠَﺪﻳْﺮَ ﺑﺎﺭﺗﻜﺎﺑﻲَ ﻛَﺒﺎﺋْﺮ ﺍﻟﻌِﺸﻖ !!
،
،
،
هيما;: شّن جيبگ توا انا مّش حابسگ
انا;: جيت نفهم ولا انا مشّ من حقي
هيما;: گوگي سگري على موضوع رجاءآ انا ماعاد نتحمل
انا;: طبيعي انت ولا فيگ شي
تبيني بعد گل شّي نفوت موضوع عادي انت تبي تجنني ولا شّنو
هيما مسگ ايدي لگنت نهزب بيهن;: ايديگ هذن معشّ ترفعيهن وصوتگ وطي
انا;: ياااااربي صبرني
هيما;: يابت گنگ 😑
لسانگ طول المده هذي اخره
انا;: 😒مروه شّن جابها عندگ في المزرعه
هيما;: جايه تغير في جو
انا ضغطت سنوني ;; هيما متجننشّ گنگ انت
هيما يضحگ :; هبله انتي ولا شنو يعني صدقتي
انا;: تضحگ تمام اصلا انا غلطانه وجيت نمشّي مسگ ايدي و…
هيما;; تعالي هنا
انا;; نعم شّن في
هيما ;; 🤐 نعم !!
جديده هذي ،، مهم عندي لگ مفاجأه
انا فرحت وابتسمت ;;شّنو هي
هيما;; درتلگ اگونت على فيس ^^
انا عصبت وفگيت ايدي منه ;; توا هذي مفاجأه لتقول عليها تشّوف في بنت صغيره ونمص في صبعي ولا شّنو ولا حاط في بالگ نخليگ في حالگ
هيما;: لا حول ولا قوة الا باالله
توا انتي مشّ گنتي مجننتني زمان تبي اگونت توا ليشّ عصبتي😤
انا قعدت نهز في راسي :: لا انت مشّ طبيعي شّوف انا في شّن نحگي وانت في شّنو ،، منبشّ  زفت نبيگ تفهمني بس شّن في ّشن غيرگ علي ..
هيما توتر وغمتله ;; مافي شّي
انا;: لا في وانا مشّ حنهدا الا لما نعرف
وسبته وطلعت وخشّ احمد وشّگله گان يسمع فينا ..
احمد :; ماقتلگ معندا ههههه
هيما;; ديما گاسر وذنگ عاد انت 😐
احمد :; اها ههههه
شّگلي نبي نقلب على روعه
هيما  رفع حاجبه وفنص فيه
هووو اهدا را نعطيگ بوج
احمد;: لا خلاص هديت ههههه
احسن شي تحگيلها السبب لأن گوگي عارفه ماتهدا إلا لما تعرف ..
هيما;: لا منقدرش مشّ ناقصه صدمات تبيها تنجن من امها ..خليني حقير في نظرها لگن امها لأ ..
...
انا اعصابي تلفن وقعدت نبرم في دار ونفگر في گل لصار لقيت قدامي حل…

.
.

يتبع

نبصر نبصر نرفز فيكم زي لعلقوا بملصق ولا تم 😡

طق طق
اموله :: نعم
انا فتحت باب ;; نبيگ في موضوع
اموله فرحت ;; تعالي احگيلي والله رايفت عليگ
انا لفيت ايدي في بعضهن ;;ماتفرحش واجد مازلت ماسامحتگ لگن نبي منگ خدمه بالگ تصلحي لدرتي في
اموله ;; والله ياگوگي ماگنت نعرف حتى انتي غلطانه مفروض حگيتيلي انا اختگ گل شّي مشتّرگات فيه يعني مستحيل نديرها لگ بقصد
انا ;;اوووووف اسمعي معندش راس لدوا
زايده ،، رني توا على زفته صاحبتگ خلها تجي اليوم
اموله;; تمام براحتگ نا مزلت مقدرا وضعگ
انا;;تنرفزت شنو شنو اي وضع لتحگي عليه تحقي في مگلوبه ولا نتشّ في شعري
اموله;; خلاص فوتي انتي تفاهم معاگ قعد شّبه مستحيل
تبي مروه خلاص توا نخليها تجيني تمام هگي ..
انا بحتت فيها من فوق للوطه وطلعت لقيت احمد..
انا;; گأنگ قالب علي وصاف مع خوگ
احمد; ; ليش هي حرب ولا شنو
انا;; مدرعنها مرات تقعد حرب ،،قولي شّن قالگ هيما
احمد ماقال شي
انا;; هههه مش قتلگ واقف مع خوگ احگيلي مادي نبي نفهم
احمد ;; گوگي انتي تعبانه توا ولازم تهدي اعصابگ ..
انا;; استغفر الله العظيم توا گنگم ليشوفني يقول اهدي واعصابگ بالگ تسحابوني جنيت
احمد ;; على حافة جنون 😂😂هههههه
انا;; احگيلي عاد قاعده نشحت منگ في حگي
ماما فاطمه،، گوگي امگ جت شّوفيها
...
ماما وهي تسلم علي
ماما;; گل مانشّوفگ نلقاگ ناقصه اخره ديري حل واسمني شّوي
انا قعدت على سريري;; ياريتها جايه على سمن اووووف وخلاص مليييييت
ماما قعدت جنبي ;; وليشّ متعبه روحگ وصحتگ تاعبه وجهگ اصفر هضا گله في جرت شّنو بس
انا قعدت نبگي ونمسح في دموعي منبشّ نبگي قدامها;; حاسه في شّي
يسير وانا مشّ عارفه شّن هو وهيما متغير من دون اي سبب مجافيني
ماما;; توا متعبه روحگ وصحتگ في جرت خاين هضا مفروض اول ماشّفتي في مزرعه مع مروه سبتي الحوش وقعدتي عندي شن تبي فيهم وحوّش امگ قاعد
انا;; لا انا منسيبشّ لوحده گيف هذي
وبحتت فيها مستغربه ;; انتي گيف عرفتي ان گانت  مروه مع هيما في مزرعه ¿¿
ماما ارتبگت وقعدت تلگلگ في حگي ;; انتي لقتيلي باقيه تنسي حي على بنتي وعقلها
انا;; وانا عقلي شن يبي يتحمل بس لو وحده اخره مگاني را جنت
وجتنا اموله ;; گوگي تعالي نبيگ
انا;; تمام توا نجي
ماما شوي نشوفها ونجي ..
.
.
.
انا;; شن صار معاگ
اموله ;; توا جت قاعده في گوجينه
انا;; وشن خششها جوا حطيها في دارگ
اموله ;; شن ندير قعدت شابطه في وانا كنت لازم نقولگ انها جت درت عذر اني ندير قهوه ماصار شّي جت معي
انا;; عليگ قصه
اوگي خلاص بس اصحي يشّوفها هيما قوليلها تفوتا ومعشّ ترن عليه انتي لجبتيه وسببتيلي في قصته حليها لي تواا
اموله;; تمام اوگي توا تدورني
.
.
.
مشّت امولي تحگي مع مروه وانا قلت لي ماما تحگي مع ماما فاطمه شّوي "على اساس نلهيها عّشان نسمع شّن ردت فعل مروه…
.
.
.
أموله وهي تصب في قهوه ;; يعني مستغربتشّ عزومتي لگ
مروه ;; حلوه قهوتگ .. لا ماستغربتش ومادورتشّ في راسي على سبب لأني قلت يمگن نشّوف هيما ونملي عيوني منه هههههه
انا نسمع في گلام وماسگه اعصابي بلغصب ونار تأگل في
اموله;; انا جايبتگ بخصوص هيما
مروه نزلت فنجانها :: گنا هيما
اموله;; فوتيه انا غلطت لما عطيتگ رقمه
مروه;; تحگي من جدگ انتي هههههههه
لا مانفوتشّ ونحنا متفقين من الاول ان يگون لي ولا تبي بعد تعب لتعبته والاهانات لحصلتن نخلي لي بنت عمگ
اموله;; يعني حسستيني انگ موقفه عليه انگنگ ناسيه نذگرگ بفوناتگ وعلاقاتگ ومواعيد جامعه ..
مروه صبت ;; قالته الأدب والأخلاق ينبع منها نبع يعني انتي الملاگ والبرائه وصاحب خوگ ياحنه شّن يدير انسيتي عماد ولا ذگرتگ بيه
اموله;; وطي صوتگ انتي گنگ اقل شّي انا خير منگ ماعندي غير هو لگن انتي شّي مع گل ورده عطشّانه
مروه;: احترمي نفسگ واعرفي مع من تحگي وموضوع هيما تحگي فيه مره اخره نقوله انگ مصاحبه عماد ولگ معه سنتين علاقه وهو قاعد بقرونه
انا معشّ تحملت خشّيت عليهن واموله قعدت تبگي خافت من مروه تقول لي هيما عن علاقته بصاحبه…
انا;: انتي هي صوتگ وطي بالگ تسحابي روحگ في حوشّگم
مروه;: بعد وقت يقعد لي يانونو انتي وحطت ايدها على فمي وانا ّّشالته لها
انا;: احلمي باهي شّن تسحابيني نخليه لگ وياريتني حتى مخليته الوحده شّريفه استغفرالله العظيم ياربي
مروه;: شّوفي روحگ من وين جايه تسد غير سمعة امگ الي تلعلع في گل مگان ياماما وانتي الي تبي تگملي مسيرته شنو انتي معندگش گرامه ولا شّنو لاصقه في واحد مايبيگش مغير حان عليگ ومربيگ
انا حاولت نتماسگ قدامها ونبان اقوى;; انتي يابت ال. ولا نقولگ بلاش مانبشّ ننزل لمستواگ وحطي گلامي بين عيونگ هيما لي ومستحيل نتنازل عنه لأي وحده وخاصة لگيفگ انا لنعرف عنا گل حاجه شن يحب وشّن يگره گل شي يجي في بالگ نعرفه عنه
مروه; ; قدامي العمر گله عشّان نعرفگ وانتي قدامگ عمرگ گله تمشّطي في شّيب وترجي فيه ههههههههههههه
انا معشّ تحملت شّفت على طوله سگين خذيته وفصعتلها يدها وهي قعدت تصرخ واموله تعيط وتنهى في وانا خليت سگيت على رقبته ..
انا;; قوليلي تحبي لدرجة تقتلي عشّانه ولا لأ… .ها احگي گنگ سگتي توا وين لسانگ لبدري طالقته وووووووين
اموله :: وحياة غالي عليگ تطلقيها فگگ من شّرها حي علي انا شّن درت بس
مروه :; ملگه بلاشّ جنانگ وخلنا نتفاهمو خلاص لتبيها نديرها
ضغطت بسگين على رقبته;; صوتگ منبشّ يطلع فاهمه
اموله من صوت عياطها جا احمد وماما وماما فاطمه يجارو خشّو نصدمو في ..
احمد;; گوگي خلاص اهدي واطلقيها والله ماتستاهل هذي
هيما اصلا مشّ مفگر فيها
..
اموله طلعت تجري لشّقة هيما
اموله;: هيمااااااا
وقعدت تدور عليه طلع..
من حمام گان يدوشّ
هيما;: گنگ تعيطي
اموله داهشّه وتبگي
هيما;: گنگ شّن في
اموله ;; گوگي ياهيما گوگي
هيما انصدم وبحت فيها; ; گنها شن فيها
اموله :: ماسگه موس وحطيته على رقبة مروه…
هيما😨;: ّشنو!!!
.
.
.
يتبع…
توقعاتگم گوگي تذبح مروه ونتريحو منها🤔