#حب_إمتلاك

#حب_ إمتلاگ
الحلقه (20)
.

.
.
.
وأغاااااار
عليگ من عين تعجب بگ
ولا  تعلم ب أنگ لييييي💕💕💕💕

.
.
.
.
.
.
ومشيت خذيت خمار من نوسا وطلعنا وگانن گلهن رگبات ما عاداا
مروه ;; معرفتشّ وين نرگب سيارات تعبن
انا رقيتلي وعليت صوتي;; گيف تعبن مامشّي حد ولا هي غير حشّريه وخلاص
هيما مسگني من ايدي; ; وطي صوتگ نحنا في شّارع هيا انتي ارگبي معانه وخلاص
انا جن جناني ؛؛
انا;;مستحيل ترگب معانا
هيما فنص في;; گوگي
انا;;لا گوگي لا شي هذي گذابه
اسمعي فگيني من طروح بنات طالعه بوجگ هض حتى خمار مالبستي جو هض ميمشيش معي بانت قشرتگ ياماما
وقاطعني هيما وعض شفته لتحت;; گوگي خلاص عيب
انا;; اسمع يا انا يا هي هذي مترگبش معگ في نفس سياره
مروه عيونها تعبو دموع ;;گوگي گنگ ما گنا اصحاب..
هيما باين عليه ان عصب بس انا ماهمنش لأني معصبه اگثر منه
انا;;گنا بس بعد توا لأ
نادنا احمد وهو في سيارته ;; هيما هيا في شن تراجو ..
هيما;; يااحمد من معاگ انت
احمد ;; عمتي سماح واموله بس
انا بابتسامه على وجي ;;خزووو عليگ گذب صار مالقيتي وين ترگبي😏 ههههه
هيما;;عدي ارگبي معه ..
مروه انحرجت وعطتني نظره قبل گلتني بعيونها وانا عد نبحت فيها ونضحگ
شوي في حرقة دم لدرتا لي ..🤗

ورگبنا سياره ورفعت خمار  وقعدت نشوف في وجي في مرايه وهو يسوق..
أنا;; شفت گيف طلعت گذابه حقيره هذي سيارات فضيات وقعدت ترجا فيگ عيني عينگ عليگ برادة وج فيها تقول من عائله حتى خوات نوال ماجتن جراءه يديرن هگ بس مزلت فيها توا تشّوف حيوانه حرقت دمي وانا لنسحبها طيبه ومسگينه وندافع عليها بس صدقت فيها ايناس هذي بنت مش تمام توا نقول لي امولي تلزها ..

وبحتت فيه لقيتا سايح ضحگ خبطت المريه على شنطتي ..
انا;; نا حارقه اعصابي وانت تضحگ ومخليني نحگي في روحي
هيما;; مره اخره معش تعلي صوتگ في شارع بدري منبش نحرجگ قدام بنت ولا زدتيها اخره وتقولي ياانا ياهي اخرلگ مره جو هض ديريه في شارع
انا;; توا انا قعدت غلطانه هيما واضحه انها تدحنس تبيگ تبيني نسگتلها ولا طلعته وميگ اب متاعها يلعلع ومش لابسه خمار اخره
هيما رد يضحگ;; 😂😂هههههه انا شن دخلني بيها نقولها غطي وجگ والله مانشوف فيها بگل
انا ;;لا بالگ تشّوفها 😑 
انا فرحت بعد قتلها عدي ارگبي مع احمد يعني اخترتني انا
هيما;; ليش گان عندگ شّگ
انا;; ابدآ ماشّگيت عشّان هگ قتلگ اختار قدامها نبيها تعرف انا شّن عندگ
هيما;; بيبي انتي متگبرشّ بگل هههه
انا ;; هههه😂 خلني هگ
.
.
.
في سيارة احمد
اموله ومروه رگبات لورا وسماح لقدام
اموله بصوت واطي ;;گنگ رگبتي معانا هبله ريحتي  فرصتگ
مروه;;من بنت عمگ خربت جو گله طلعت تحبه
اموله  😲 هييييييييي شهقت من صدمه بصوت عالي
سماح لتفتت لورا تشوفهن واحمد بحت من مرايه;; گنگ ايش صار
اموله;;لا لا مافي شي نسحاب روحي نسيت هدايا نوسا
وصدقوها ورد وضع طبيعي لقدام
اموله;;شن تخرفي انتي مستحيل گوگي مش هگي
مروه ;; لا ياحنه هگ انتي مشّفتش گيف حگت معي قريب اطير علي تريشني خربت بيني وبين ابراهيم بس مش نسيتا لها لدرتا اليوم توا نردا لها والله نّشعفه
اموله;; اسمعي ياماما. لتحگي عليها اختي مش بنت عمي وانتي اگيد غلطانه مافي شي بينهم هي. ديما معه وتخاف عليه زي خوها گبير وهيما مايحملش فيها. بزة شوگه احسنلگ گان تبي  هيما يحبگ تگسبي گوگي لأن هي لي متحگمه فيه
.
.
.
وصلنا حوشّ اهل فتحي واستقبلونا ورگبنا لشّقة نوسا وقسمنا تفريشّ شقه عشان نگملو بسرعه
انا;;ماما هذي وين نحطها
ماما;; هاتيها نحطها في زاويه احلا
عقبالگ. ياعمري نفرشّو حوشّگ
انا;; ههههه في ام تفرشّ شّقة بنته
ماما;; انا نديرها بس مشّ في شّقه وبؤس گيف هذي يگون احلا قصر بنتي الوحيده وليجيگ نشّرط عليه ونفلسه ههه
نوال;; ربي يخليها لگ
وفرشّنا الشقه وصورتها ماما عشّان تشوفها نوسا وطول الوقت وانا متجاهله مروه وهي تلصق في معدلتش عليها وحتى اموله محگيتش معها ورنت نوال على انور ونزلنا وروحنا
في الحوشّ
نوسا;; تعالن احگنلي بتفصيل شّن درتن وشّن شگل شّقه
ماما;; صورتها لگ خوذي فون
وقعدت تحگيلها على گل شّي درنا باالتفصيل
وانا بطلانه وجعانه سلحت عبايه بس ومشيت گوجينه ندير حاجه نأگلها
.