#حب_إمتلاك

#حب_امتلاك

#حب_ إمتلاگ
الحلقه (23)
.
.
.
ﺍﻟْﻤَﻜَﺎﻥَ ﺍﻟّﺬِﻱ ﻳَﺨْﻠُﻮ ﻣِﻨْﻚِ . . ﻳَﺨْﻠُﻮ ﺃَﺳَﺎﺳًﺎ ﻣِﻦَ ﺍﻟْﻬَﻮَﺍﺀَ
.
.
.
هيما گان فرحان وماگنشّ مصدق روحه ان حبني لدرجه هذي لأن بعد حگالي تريح وصفه من جواته وهو يفگر جتا وحده ما گنتشّ في باله…
سماح وهي تصفق براحه… .
ماما;; برررررفو إبراهيم عرفت تلعبها صح 🙃

هيما مصدوم منها ماگان متوقع انها شّافت گل شّي ;; في شّنو تقولي انتي؟؟

ماما قربت وقعدت قدامه;; على اساس اتفقنا تگرها فيگ ومتعطيهشّ وج
شّن لدرتا انت توا
هيما;; انا تعبان توا ومشّ وقتگ بگره نحگو
ماما;; مافشّ بگره المهزله لسايره لازم تنتهي انت لازم تطلع من حياة بنتي
هيما;; انا خلاص اتفقت معها نخطبها بعد العيد وبعد تگمل ثانوي ندير الفرح .
ماما;; اه والله شّن رأيگ تبعتلي گرت دعوه باالمره بما انگ مقرر گل شّي بروحگ
هيما;; في وقته توا نبعته لگ 🤗
ماما عصبت;; انا حذرتگ تقرب منها وگسرت گلامي وضحگت على مراهقه بگلمتين وسهره
مستحيل نخليگ تاخذها نجوم سماء اقربلگ لها
هيما;; سماح ما تحولشّ انا خلاص قررت وماّ حناخذ غيرها ريحي روحگ
ماما;; اه تمام
بما انگ مقرر شّگلگ ناسي حاجات واجد ومنهن ان ملگه عمرها 16سنه
وانا ولية امرها ومشّ حتقدر ادير شّي الا بموافقتي
هيما;: حرام عليگ متعذبنشّ انتي مشّ فاهمه شّن بينا
ماما;; وانت مشّ حرام عليگ لدرتا في زمان وجاي توا تبي تحرمني من بنتي
انا منخليهشّ تعيشّ مع حد گيفگ يارااجل حس  على دمگ شوي بنت اصغيره ماشّافت من دنيا شّي خلها تشّوف وتختار
هيما;; شّن ذنب ملگه على ماضي
سماح ماديرش في هگ متحسبنشّ عليه وانتي لغالطه تبي تخوني عمي وانا نقعد نشوف فيگ وساگت
ماما;; انا ماخنتشّ عمگ انت لدمرت حياتنا انت لحرمت ملگه من بوها وعيشته يتيمه انت
هيما ;; لا ياسماح لا متضحگش على روحگ گل لصار انتي سبب فيه توا جايه تظلمي في بنتگ ليش انا وملگه شن ذنبنا
ماما;; انت لخليتني ندير هگ انت لغلطت ولازم تدفع حق غلطتگ ولا تسحابها سايبه الزمن يدور ياابراهيم يدوووور
هيما;; مازلتي تضحگي على روحگ  انتي معروفه انتي شنو من زمان حرام اصلا تگون ملگه بنتگ 
انتي حتى بدال ماتشّگريني ان محگينلهشّ شّي عليگ وعلى ماضيگ جايه توا تفرقينا
ماما;: گنت صغيره وغلطت وانت بدال ماتستر علي قلت لعمگ گل شّي
هيما;: يعني انا لگنت گبير ماحتى انا گنت صغير  انا خلاص قراري مّش راد فيه ملگه لي وانتهت
ماما;; لا مشّ لگ
انا خلاص فوزي يبي يجي ونبي نسبقه على حوشّنا قاعد فيه سيف ولده نأخذ ملگه وتعيشّ معي
هيما عصب وشّد على ايدها ; تحلمي مستحيل نخليها ترقد ليله برا الحوشّ هضا
تبيني نخليها مع جوز ام وولده اخره انتي معندگش قلب متحسشّ
ماما حولت ايدها منه ; انت لخليتني ندير هگ انت وملگه متعيشّو مع بعضگم ولو نبي نقلب دنيا علي وفوزي وسيف يبوها هم لقالو جيبيها نعيشّوها احلا عيشّه
هيما;; على شّن ناويه انا عارفگ گويس گل همگ مصلحتگ وبس ماتقنعنشّ انگ دايره هض گله عشّان ملگه
سماح; ههه مازلت ذگي ياهيما الي في بالگ صح
وجت تطلع ناداها
هيما;; لا ياسماح الي في بالگ مشّ حيسير
فاهمه مشّ حيسير ملگه مشّ حتوافق
التفتت سماح ;;
لا توا توافق سيف فيه موصفات تمناهن اي بنت وهي تعند شّوي بس توا توافق
هيما خذا نفس طويل وبصوت مخنوووق;: شّن مطلوب مني
ماما;; هگ بديت تفهم تمام اول شّي
تسيب الحوشّ عيشّ في مگان اخر
هيما;; وملگه تعيشّ هنا
ماما;; اذا قعدت عاقل وسمعت گلام تعيشّ هنا اذا لا تع
قاطعهاهيما ;;  لا لا خلاص توا نطلع من حوشّ
ماما;: بعد عنها وخلها تنسه ليله لعيشّته لها متخفشّ عليها شّوي وتنسا
وفي حاجه اخره
هيما;; شّنو¿
ماما;: مروه
هيما;: من مروه
ماما;: صاحبة امل اختگ
هيما;:اوووف  گنها
ماما;: سمعتها تحگي مع امل انها تحبگ وترن عليگ وانت مشّ عارفها
حگيت معها ووعدته نساعدها انگ تحبها
هيما 😩
شنو تقولي !!
ماما; ; اهدا بس وانا نفهمگ
شّوف في عندگ وحده ديما ترن عليگ هي نفسها مروه
هيما;: وشن نبي نديرلها وانتي من سمحلگ تخشي في قصه وتقولها نخلي يحبگ شن دخلگ بي
ماما;: لا دخلني يا افندي ولا انت تسحاب بعد عملتگ سوده الليله لدرتا لي ملگه بعدها تصدق عادي انگ متحبهش لازم تخش وحده في حياتگ عشان تگرهگ وتبدا حياه جديده
هيما;: لا مستحيل شن قاعده تقولي ملگه عارفها توا تجن وتخش في عقل مش عقلها
ماما; ; لا تجن لا شي انت لزرعت وانت لتحصد هي زمان كانت تغار من بنات لخشن في حياتگ بس گانت فرحانه بيگ عشّان معطيتنش وج بس توا غير خلها تشّوف انگ مهتم بغيرها توا تنسا بسرعه
هيماا; ; لا لا لا دوري غيرها انا اصلا مانبش في حياتي حد يا ملگه يابلاش
ماما;: مّش بگيفگ ياروحي غصبن عنگ ولا ناخذ ملگه من هنا وبعدها اقسم باالله ماعاد تشّوفه
هيما;: نا توا نطلع من حوشّ بس موضوع بت هذي فوتي حرام عليگ ارحمينا